Ŋwà’ne Jâg 2:5 - Nouveau Testament en Ngienboum

⁵ Mefɛ́ pɔ́ɔn pe ntʉ̀ nzẅìŋ, pi jú’ mboŋó, e Ssé la tsɔ́’ pʉ̀a pie mé tóŋo tsɛ̀ɛ njÿó lê mefÿɔg, ńdɔg ńgÿo pàzáb ntʉ́m ná yé tɛ’, pɔ́ gẅiin yɔ́b jʉ’ tsɛ̀ɛ nò lefùɔ sie à la ka’a mbwo pʉ̀a pie é kwoŋo yé.

Ŋwà’ne Jâg 2:5 ပူးပေါင်းရင်းမြစ်များ

Matio 11:5

éshwóŋó yé ngie: Mefʉ̀ menÿɔ́g ne ńgyá jʉ’, pà pwɔ́’te mekwò ne ńgiŋe mbóŋo, megàŋ nkà’ ne ńzeŋe, pà mbǔ’ metuŋó ne ńjú’u jʉ’, mepfó ne ńzyeen, mé ne sá’a nkʉ̀ mbòŋo nò Ssé mbwó mefÿɔ́g

Matio 25:34

Fùɔ leen ńké ńgɔɔn né pʉ̀a pie ée nà gwǒŋo pwó yé ye tʉ̀ ngie: Pi pie tá wɔ̀ɔn kěen ńnéŋ mbʉ́lè ná pi, pi tó ńkúu tsɛ̀ɛ lefùɔ sie e Ssé la lá’ nyɛte ńdɔg ńzẅí’te gẅi tà fó lénuŋe ngwòŋ.

Matio 5:3

Pàshÿó mbòŋo ee pʉ̀a pie pɔ́ zsé ngie pɔ́ ee mvfò Ssé pɔ́ té tsɔ́ mmó ku’, mélà’mie pɔ́ ge gÿo jÿó pì *lefùɔ Ssé.

Malékuse 7:14

Yěsô gíŋe ńtóŋo lá’ ńgɔɔn né pɔ́b ngie: Pi metsèm téŋe tuŋó, ńcwoŋo ńjú’u nò gie mèŋ n gee ngɔ̌ɔn.

Lukase 12:21

Yěsô ma’a twó ngie: Yɔɔn áa nò gie á gÿo nyìŋ gẅie à lagá fù’ ńcú’te ngie aa ngàŋa mmó, ḿbiŋ ńgwɔ́ menÿɔ́g Ssé ńké tè wɛ̌ wɔ́.

Lukase 12:32

Epʉ̀a pɔ́ɔn, pi gwɔ̌ pɔ́ mbó ntá’ tá’, tà pi pɔ́g, mélà’mie Tá gẅi Ssé ka gyǎ ngie à ge ná lefùɔ mbwo pi.

Lukase 16:22

Ngàŋ ngɔ́’ gÿo ńkwé, *mecÿɔ́’ Ssé tó ńkaa yé, ńgʉa ńnéŋe lejʉ́ŋ Ábalam. Ngàŋ nkáb gÿo ńkwé yé, mé kaa yé ńtúŋ.

Lukase 16:25

Ábalam tsɔ́’ɔ mbwo yé ngie: Míŋ wɔ̀ɔn, kímte pá’ ɔ̀ ka nyé tsɛ̀ɛ njÿó ńgwɔ́ tsɛ̀ɛ fù’, Nǎzalo ne ńgyá ngɔ́’, á piŋ ńgwɔ́ fʉ̀’ɔɔn, Nǎzalo gwɔ́ tsɛ̀ɛ fù’, ɔ̀ ne ńgyá ngɔ́’.

Lukase 22:29

Áa yɛ̌ tá, ndʉŋ ndʉŋ pá’ Tá wɔ̀ɔn léen ńná lefùɔ né mèŋ la, n ge lá’ ná sí lefùɔ.

Lukase 6:20

Yěsô ńnéŋe tà ḿbʉ’ʉ twó yé, ńdíe *ngàŋa nkwò ye, ńgɔɔn ne pɔ́b ngie: Pi ee pàshÿó mbòŋo, pi pie pi ee mepóŋ, mélà’mie *lefùɔ Ssé gwɔ́ pɔ́ sí.

Ŋwà’ne Jâŋ 7:48

Tsoon tsɔ̌ tà’ ná mekěm peg, tsoon tà’ ná pà *farisay laa záb ntʉ́m ná nyìŋ wɛ̂ wɔ́!

Megàŋ ntúm 7:2

Etien tsɔ́’ ngie: Metá pɔ́ɔn, mefɛ́ pɔ́ɔn, pi jú’u nò gie mèŋ n gee gɔ̌ɔn. Á laa fʉ̀’ gie mangʉa njʉ’ wégè Ábalam la nyé Mesopotamia, tà ńnyé té gee Haraŋ, e Ssé gẅie à gẅiin shʉshÿɔ́g nyɛ mbùm ye mbwo yé,

Roma 8:17

Pá’ pege ee púɔ Ssé la, pege ge lá’ gẅiin yégè mmó nà fù’ gie e Ssé la ka’a mbwo pʉ̀a pé, ńdɔgɔ ńgẅiin yégè mmó nà shúm Ssé, pega Kristo lɔgɔ ḿbú ńgẅiin. Pá’ pege ne ńzẅíŋe légyá ngɔ́’ pá’ à la zẅíŋ yé la, pega pɔ̌ ge gÿo gíŋe púte gwɔ́ tsɛ̀ɛ legú’ we.

1 Korento 2:9

Mé la zɔɔn ńŋwe’e tsɛ̀ɛ ŋwà’ne Ssé ngie: Ammó gie nyìŋ mesoŋ laa gyá ńké te jú’, Mbà à laa fó ńkwaŋte wɔ́ E Ssé la nyɛte yɛ̌ mmó ńzáb Légwɔ́ gie pʉ̀a pie é kwoŋo yé ge gÿo zẅɛ́’.

2 Korento 4:15

Peg zẅíŋe mɔɔn menò ntsèm mie e Ssé ne ńgyá ngie é ku’ még, ńdɔgɔ ńtsɔ́ɔn pɔ́ ngie pi zẅɛ́’. Pú’u, ńzsé ngie nzẅìŋ pàzsé ngie e Ssé kwoŋo wɔ́b ge kẅi’i gyɔ́ɔn, nzẅìŋ pàná ndǎg mbwo yé, mbɔɔ pàgù’te yé, é kẅi’i ńgyɔ́ɔn.

2 Korento 6:10

Mé kwaŋ ngie peg ne ḿmÿɔgɔ tsɔ́ nò, tá peg ńnéŋe fʉ̀’ ntsèm pɔ́ nê lekág. Mé ne ńdɔgɔ wég ńtóŋo mepóŋ, tá peg ne ńdɔgɔ pʉ̀a tà ńgyɔ́ɔn ńgÿo ngàŋa mmó. Mé ne ńdíe wég pá’ fʉ̀’ gie mmó yég té wó wɔ́ la, tá peg ké ńgẅiin shúm ntsèm.

2 Korento 8:9

Pi zɔɔn ne ńzsé mmó gie Cʉ̀apʉ̀a Yěsô Kristo la lɔg pɔ́ ntʉ́m mbòŋo ńná. À la gẅiin shúm ntsèm, tá’, ńcʉ́’ʉ mbóŋ ńtí gẅí, pá’ pi ge fó nà póŋ yé, é cʉ́’ pʉ̀a pie e Ssé náa shúm sé né pɔ́b tɛ’.

Efeso 1:18

Mèŋ n giŋé ne sẅíŋte yé, ngie à gÿo ntʉ́m gẅi zsé kyɛ̀’ yé légwɔ́ gie pi ge cwoŋo zsé mmó gie à lɔ̌ɔn ńtóŋo gẅi ńtí yɛ̌. Mbɔɔ pá’ pi ge zsé máamaa fù’u mbòŋo gie pia petsɔ́ pʉ̀a pie à la tsɔ́’ɔ wɔ́b ge gÿo kẅé, á gwɔ́ mmó gie à la cwoŋte ńzáb né pi.

Efeso 3:8

Tà mbɔɔ pá’ mèŋ n gee tsetsɛ̀ɛ pʉ̀a Ssé métsèm ńgwɔ́ pɔ́ nzsò nzèm, à ka ké ńzẅíŋ zẅíŋ ngie mèŋ n zɔ gʉa ńtsẅi nkʉ̀ mbòŋo á mbwo pʉ̀a pie é té pà Yuda wɔ́, é la’te pì tèmàg gie áa nà nò Kristo.

1 Tesalonika 2:12

Peg la kẅiŋte gẅí, ńnéŋ ntʉ́m gẅí, ńcwoŋo ńgɔɔn né pi ngie pi giŋe ná mánzsè gẅie Ssé ne ńkwoŋo. Yé gẅie à ne ńtóŋo gẅi tsɛ̀ɛ lefùɔ sé, á tsɛ̀ɛ legú’ we.

2 Tesalonika 1:5

Á lɔgɔ ńnyɛɛ ngie e Ssé ŋag ntsaŋ pɔ́ ndʉŋ ndʉŋ. Á nue ngɔ́’ gie pi ne ńgyá fʉ̀’ɔɔn, e gÿo ngie pi ku’ pʉ̀a pie pi ge lá’ kúu tsɛ̀ɛ *lefùɔ Ssé. Pi gyá ngɔ́’ ńtí pɔ́ pú’u.

1 Timote 6:18

Tsẅi né pɔ́b ngie pɔ́ gÿo nò mbòŋo. Lefa’ mefà’ mbòŋo, à gwɔ́ yɔ́b fù’, ńgie pɔ́ zí’i légaba pwó, ńdɔg shúm sɔ́b ńkẅéte pʉ̀a.

2 Timote 4:18

Cʉ̀apʉ̀a ge gÿo fó nà nò tepòŋ ntí ntí é kẅile wɔ̀ɔn, é gÿo mèŋ n tsẅɛ́ légwɔ́ gie mèŋ n ge kúu nà nò lefùɔ yé á tÿǒ lepwó. Agù’te lá’a ńgwɔ́ pɔ́ mbwo Cʉ̀apʉ̀a fʉ̀’ ntsèm. *Amen.

2 Timote 4:8

Áa nà fʉ̀’ɔɔn, mbà Ssé cwoŋté ntsɔ’ɔ́ fà’ nyìŋ gẅie à kÿǒ ndʉ̌ tà njÿó, ńzáb ńne ńdɔgɔ ńzẅí’te wɔ̀ɔn. Wɛ̌ ée tsɔ’ɔ́ fa’ pá’, n gÿǒ mmó gie e Ssé ne ńkwoŋo. Cʉ̀apʉ̀a gẅie à za’ ntsaŋ pɔ́ ndʉŋ ndʉŋ, à ge gÿo náa mbwo mèŋ nà lyɛ’ gie à ge tsɔ́’te mentsaŋ. À tè lá’ ná pɔ́ ndà’ mbwo mèŋ wɔ́. À ge lá’ gíŋe ná mbɔɔ mbwo pʉ̀a pie pɔ́ ne ńkwoŋo légyá fʉ̀’ gie à ge gÿo kẅɛ.

Heber 11:26

À la ne ńgyá ngie mé lɔɔn ńgwága yé pá’ mé la gÿo ńgwága *Nzà’nkÿo, mbà le gwɔ́ pú’u, ge gwɔ́ mbwo yé gwɔ́ mbòŋ é cʉa fù’ gie áa Egipto, á nue nÿɔ́g mé la tyé pɔ́ nà ntsɔ’ɔ́ fà’ gẅie à ge lá’ gẅiin.

Ŋwà’ne Jâg 1:12

Ashÿó mbòŋo, aa nyìŋ gẅie ngʉ̀ngʉ̀ kúu yé á tʉte tʉte, á nue pá’ ngʉ̀ngʉ̀ lʉŋté yé á tʉte tʉte lá, e Ssé ge tɔ’ ngú’ twó yé. E lɔgɔ ńgwɔ́ le gwɔ́ tèmì gẅie à la ka’a mbwo wɔ̌ɔwɔ́ɔ gẅie à kwoŋo yé Ssé.

Ŋwà’ne Jâg 1:16

Mefɛ́ pɔ́ɔn pe ntʉ̀ nzẅìŋ, tà nkwaŋá gẅi fʉte gẅí.

Ŋwà’ne Jâg 1:19

Mefɛ́ pɔ́ɔn pe ntʉ̀ nzẅìŋ, pi zsé ngie áa mbòŋ mbwo nyìŋ lézsé lézẅí’te nò gie mé gɔɔn, ḿbiŋ ńgɔɔn yé nò á ku’ ku’, é ké le lwo ńgyáŋa lóŋ wɔ́,

Ŋwà’ne Jâg 1:9

Á poŋ ngie fɛ́ wege gẅie aa fÿɔg kág, á nue e Ssé ŋǎ’ nzẅìŋ wé.

1 Piɛ 1:4

é gwɔ́ tÿɔgɔ́ wégè gẅie ée tÿǒ lepwó, mbà Ssé la le’e né pege, ée gẅie à lɔɔn ńgwɔ́ é le cʉŋte, ncÿǒ ké le gwoon, é ké le lʉ́,

2 Piɛ 1:11

À gwɔ́ pú’u, mé lá’ shʉa shʉa ńtsɔ́’ nzsè gie e gee ńkúu tsɛ̀ɛ lefùɔ tèmì se Yěsô Kristo, ńná né pi. Aa Cʉ̀apʉ̀a wege, ńgwɔ́ nyìŋ gẅie à gÿo pege tsẅɛ́ɛ.

Ŋwà’ne Ngyà jʉ’ 2:9

Mèŋ n ne ńzsé ngʉ̀ngʉ̀ gi, ńne ńzsé ngie pi gwɔ́ pɔ́ mepóŋ, tá’, ńké ńgwɔ́ nà lezsě Ssé ńgwɔ́ ngàŋa mmó. Mèŋ n giŋé ńne ńzsé ngie pʉ̀a pie pɔ́ gɔɔn ngie pɔ́ ée pà Yuda, tá ńké ńdɔgɔ pɔ́ ncwò ńgɔɔn, pɔ́ ne ńkíme lezíŋ sí té poŋ. Pɔ́ gwɔ́ pɔ́ pʉ̀a pe cú’tè ye Sátà.

Ŋwà’ne Ngyà jʉ’ 21:7

Wɛ̌wɛ̌ nyìŋ wɔ́ gẅie à mǎ’ ncù tà ńcʉa nò tepòŋ, mèŋ n ge gÿo náa yɛ̌ fù’ mbwo yé, é gwɔ́ Ssé ye, à gwɔ́ míŋ wɔ̀ɔn.

Ŋwà’ne Ngyà jʉ’ 3:18

mèŋ n ge ké shwóŋó gẅi ngie pi tóo mbwo mèŋ, ńjúu tʉ̌ gɔ̂l gie mé kéen ńdɔg mmɔ̌g ńkẅile ncÿǒ mǒ ntsèm, ńdeen ńké ńgwɔ́ ngàŋa mmó fʉ̀’ó, ńgíŋe ńjú mefɔ́gɔ nzsǒ mbwo mèŋ, ńzsé ngie pi ge gẅiin nzsǒ gie pi ge ma’, eshʉ́ le gíŋe ńkúu gẅi ngie pi tyeté té jÿɔ́g nzsǒ wɔ́. Pi ge gíŋe júu ffo menÿɔ́g mbwo mèŋ, é ńnéŋe nà menÿɔ́g mí légwɔ́ gie pi ge gyá jʉ’.