Ŋwà’ne Jâg 2:25 - Nouveau Testament en Ngienboum

²⁵ Á la gíŋe ńgwɔ́ pɔ́ pú’u, ná Raab, káa tÿó manzwě, e Ssé la gwɔ gɔɔn ngie aa ndʉŋ ndʉŋ mvfò yé, ńcʉa pɔ́ nà mefà’ mé. Pá’ à la náa jʉ’ʉ lelyěen mbwo pʉ̀a Israel pie mé la túm, ḿbiŋ ńnyɛɛ wɔ́b nzsè gie pɔ́ ge pfó mǒ é gʉa.

Ŋwà’ne Jâg 2:25 ပူးပေါင်းရင်းမြစ်များ

Matio 1:5

Salmoŋ zyé Booz, má pà Booz gwɔ́ Raab, Booz zyé Obed, má pà Obed gwɔ́ Lẅid, Obed zyé Jesé,

Matio 21:31

Àwɔ̌ nà penkʉ́ pɔɔn mépʉ́a la gÿo mmó gie tá wɔ́b ne ńkwoŋo? *Mentándá pànùŋe pwɔ́’ pâ melÿò tsɛ̀ɛ lá’ tsɔ́’ ngie: Aa ndùŋ mvfò. Yěsô leen ńké ńgɔɔn né pɔ́b ngie: Mèŋ shwóŋó gẅí, kwà’ nénʉ́, pàkẅé ncùb pà *Roma pâ pàkáa tÿǒ pànzwě ne njÿó pì *lefùɔ Ssé ńcʉa gẅí,

Megàŋ ntúm 17:7

Jasoŋ kéen ńkúe wɔ́b mbʉ̀a yé. Pɔ́ né ńgwá ńgwága *lepʉ̌ Kása, ńgɔɔn ngie atsɔ̌ fùɔ aa wó, mé tóŋo yé lê Yěsô.

Heber 11:31

Á la fó pɔ́ ná pá’ Raab ngàŋa gÿɛ́ manzwě la záb ntʉ́m wé nà Ssé, tá pâ pàtʉʉ twó mbwo Ssé té pú ńdége wɔ́. Mé la tè yé zẅé á nue à la kúe pà mánaŋ pà Israel mboŋó, á nà fʉ̀’ gie mé la túmo wɔ́b.

Ŋwà’ne Jâg 2:18

Ndyɛ̌’ ńgwɔ́ nyìŋ gɔɔn ngie: Aye tsɔ̌ nyìŋ gwɔ́ pɔ́ lézáb ntʉ́m wé nà Ssé, aye wetsɔ̌ gwɔ́ pɔ́ léfa’ mefà’. Mbà mèŋ n ge gɔɔn yɔ́ɔn mbwo yé ngie: Nyɛɛ wɔ̀ɔn pá’ à lɔɔn ńgwɔ́ ɔ̀ záb ntʉ́m nà Ssé té ne fa’a mefà’, mèŋ n dɔg mefà’ mɔ́ɔn ńnyɛɛ gú ngie n záb ntʉ́m nà Ssé.

Ŋwà’ne Jâg 2:22

Ɔ̀ lɔgɔ ńgyá ngie we lezáb ntʉ́m nà Ssé pâ mefà’ mé la púte ńgiŋe kwò. Á la fó nà mefà’ mé we lezáb ntʉ́m nà Ssé gwɔ́ wó tà ńku’.

Ŋwà’ne Jâg 2:24

Pi lɔgɔ ńgyá ngie á cʉa pɔ́ nà mefà’ mie nyìŋ ne fa’a, tá Ssé gɔɔn ngie ngàŋ aa ndʉŋ ndʉŋ mvfò yé, tà é té gwɔ́ pɔ́ ndà’ pá’ ngàŋ zǎb ntʉ́m wé nà Ssé wɔ.