Ŋwà’ne Jâg 2:21 - Nouveau Testament en Ngienboum

²¹ E Ssé la gwaa gɔɔn ngie tá wege Ábalam aa ndʉŋ ndʉŋ mvfò yé, né ngie á cʉa pɔ́ nà mefà’ mé? Á la tè cʉa pɔ́ ná pá’ à lɔgɔ́ míŋ we Esâg ńnuŋe pwɔ́’ á jʉ’ gie mé nuŋe pwɔ́’ wó wɔ́ le?

Ŋwà’ne Jâg 2:21 ပူးပေါင်းရင်းမြစ်များ

Matio 12:37

E Ssé ge lá’ lɔg pɔ́ nò gie á lǎ kẅɛɛ ncwò wɔ̌wɔɔ, ézá’ ntsaŋ yé, à tè gwe, á tsẅɛ́.

Matio 3:9

Pi pɔ́ɔn lélɔg pɔ́ ndà’ ncwò gẅi ńgɔɔn ngie: Peg ee ngẅɛ̀ Ábalam. Tà mèŋ n ké shwóŋó gẅí, e Ssé ku’u lésele metóon pɔ̀ɔn ńdɔg ńgÿo ngẅɛ̀ Ábalam

Lukase 1:73

ńkímte pá’ à la gɔɔn tà ńkʉa mbwo Ábalam, á mangʉa njʉ̀’ wege. À lɔ̌ɔn ńgɔɔn ńtíi wege ngie:

Lukase 16:24

Ngàŋ nkáb zye léga’te ngie: Tá wɔ̀ɔn Ábalam, tsɔ́ɔn mezìŋe mɔ́ɔn, ńtúmo Nǎzalo, à cÿɔ’ɔ múɔ tepwó we á nà ntse ńdɔg ńtó, ńcʉ́me nà lʉ́m yɔ́ɔn. Á nue m bǔ ńne ńgyá ngɔ́’ tsɛ̀ɛ mmɔ̌g wɔɔn tɛ’.

Lukase 16:30

Ngàŋ nkáb gɔɔn ngie: Ngǎŋ, mbà tá wɔ̀ɔn Ábalam, áa nò tá’, nyìŋ lɔɔn fó lá’ mepfó ḿbiŋ ńtó shwóŋó wɔ́b, mbà pɔ́ ge jú’, é kúbe mà wɔ́b.

Ŋwà’ne Jâŋ 8:39

Pɔ́ tsɔ́’ɔ mbwo yé ngie: Tá wèg aa Ábalam. Yěsô gɔɔn né pɔ́b ngie: Pi gwé’e ńgwɔ́ púɔ Ábalam, mbà pi gÿo pá’ yé.

Ŋwà’ne Jâŋ 8:53

Ńzsé ngie ɔ̀ lɔgɔ fáŋa ńcʉa tá wèg Ábalam keen? À la kwé, pà *ntsẅì nkʉ̀ Ssé gíŋe ńkwéte yɔ́b. Ɔ̀ kwǎŋ ngie ɔ́ɔ kɔ́ mmó?

Megàŋ ntúm 7:2

Etien tsɔ́’ ngie: Metá pɔ́ɔn, mefɛ́ pɔ́ɔn, pi jú’u nò gie mèŋ n gee gɔ̌ɔn. Á laa fʉ̀’ gie mangʉa njʉ’ wégè Ábalam la nyé Mesopotamia, tà ńnyé té gee Haraŋ, e Ssé gẅie à gẅiin shʉshÿɔ́g nyɛ mbùm ye mbwo yé,

Roma 3:20

Áa pá’ɔɔn nue nyìŋ tè lá’ lɔg pá’ à gɔɔn ngie à gÿo mmó gie *lepʉ̌ ne ńzɛ́te, étyé mvfò Ssé é gwɔ́ ndʉŋ ndʉŋ wɔ́. Afa’a *lepʉ̌ zɔɔn ńgwɔ́ lényɛ pʉ̀a mesoŋ ngie pɔ́ zsé ngie pɔ́ gyǒ nò tepòŋ.

Roma 4:1

Tà áa pá’ɔɔn pege ge gɔɔn ngie kɔ́, á nà nò Ábalam gẅie aa mangʉa njʉ’ weg pà Yuda? À la lɔg metʉ̀ nyìŋ mesoŋ ńgẅiin kɔ́?

Roma 4:12

Ábalam gǐŋ ńgwɔ́ tá pà pʉ̀a pie mé la pú’u wɔ́b. N tě ńgɔɔn pʉ̀a pie mé la pú’u wɔ́b á ku’ pú’u mbwo pɔ́b wɔ́. N gɔɔn pie pɔ́ gíŋe ne ńzába ntʉ́m nà Ssé, pá’ tá wege Ábalam la záb wé yé tá mé gÿo ḿbú’u yé.

Roma 4:16

Áa mmó gie á gÿo, nyìŋ lɔg pɔ́ lézáb ntʉ́m nà Ssé tá ńgẅiin shúm sie mé la ká’. E Ssé lɔgɔ pú’u, ńcÿó pɔ́ gem yé, á lêen ńké ńcʉa pú’u, awɔ̌wɔ́ɔ gẅie aa nà ngẅɛ̀ Ábalam wɔ́ gẅiin ye mǒ. Tà é le gwɔ́ pɔ́ ndà’ pʉ̀a pie pɔ́ ńnéŋe ńjú’ yɔ́b pɔ́ mbwo *lepʉ̌ Mǒsê wɔ́, é gíŋe ńgwɔ́ mbɔɔ pʉ̀a pie pɔ́ zába yɔ́b pɔ́ ntʉ̀m nà Ssé pá’ Ábalam. Àa tá wege metsèm pie pege ee pʉ̀a Ssé.

Heber 11:17

Á la fó pɔ́ ná pá’ Ábalam la záb ntʉ́m wé nà Ssé, tá á tyé lélɔgɔ Esâg ńnuŋe pwɔ́’ mbwo Ssé nuŋe, á nà fʉ̀’ gie e Ssé la lʉŋte yé, ńtyé lélɔgɔ Esâg ńnuŋe pwɔ́’ pú’u, á gwɔ́ mbwo ye ńgwɔ́ ndà’ múɔ, ńgwɔ́ mámbàŋa, mbà e Ssé la lá’ ńka’a nò mbwo yé ńtí Esâg.

Ŋwà’ne Jâg 2:18

Ndyɛ̌’ ńgwɔ́ nyìŋ gɔɔn ngie: Aye tsɔ̌ nyìŋ gwɔ́ pɔ́ lézáb ntʉ́m wé nà Ssé, aye wetsɔ̌ gwɔ́ pɔ́ léfa’ mefà’. Mbà mèŋ n ge gɔɔn yɔ́ɔn mbwo yé ngie: Nyɛɛ wɔ̀ɔn pá’ à lɔɔn ńgwɔ́ ɔ̀ záb ntʉ́m nà Ssé té ne fa’a mefà’, mèŋ n dɔg mefà’ mɔ́ɔn ńnyɛɛ gú ngie n záb ntʉ́m nà Ssé.

Ŋwà’ne Jâg 2:24

Pi lɔgɔ ńgyá ngie á cʉa pɔ́ nà mefà’ mie nyìŋ ne fa’a, tá Ssé gɔɔn ngie ngàŋ aa ndʉŋ ndʉŋ mvfò yé, tà é té gwɔ́ pɔ́ ndà’ pá’ ngàŋ zǎb ntʉ́m wé nà Ssé wɔ.