Ŋwà’ne Jâg 2:19 - Nouveau Testament en Ngienboum

¹⁹ Ɔ̀ ne ńzẅíŋe ngie e Ssé, ee yémɔ’ɔ́, oon áa mbòŋ, *messé tepòŋ gíŋe ńne ńzẅíŋe yɔ́b pɔ́ pú’u, tá ḿbiŋe ńne ḿvɛɛ.

Ŋwà’ne Jâg 2:19 ပူးပေါင်းရင်းမြစ်များ

Matio 8:29

Pɔ́ ga’te ńgɔɔn né Yěsô ngie: Ɔ̀ fa’a légÿo lêkɔ́ ná peg, Míŋ Ssé? Ɔ̀ ka tóo jʉ’ɔɔn pɔ́ létʉ́ njÿó ńnéŋe wég tsɛ̀ɛ ngɔ́’ ka?

Malékuse 1:24

Yěsô, mûɔ Nǎzarɛd, pege gẅiin kɔ́? Ɔ ka fɔ̌ɔn ńtó pɔ́ lépyága wég ka? Mèŋ n ne ńzsé gú. Ɔ fóo lejʉ́ŋ Ssé, ńgwɔ́ Míŋ we.

Malékuse 12:29

Yěsô tsɔ́’ ngie: *Lepʉ̌ sie é pú ḿbi’ metsɔ́, ésɔɔn: «Pà Israel, pi jú’, Cʉ̀apʉ̀a aa Ssé yege, yé gílé ye zɔɔ Cʉ̀apʉ̀a.

Malékuse 5:7

ńdɔg ngyè tetʉ́ʉ ńga’te ngie: Yěsô Míŋ Ssé gẅie à pi’i kɔ̀ɔkɔ́ɔ, ɔ̀ kẅé kɔ́ mbwo mèŋ? Tsétsɔ’, mèŋ n dɔ̌g lezíŋ Ssé sẅíŋte gú ngie, ɔ̀ pɔ́ɔn lé ńnéŋe wɔ̀ɔn tsɛ̀ɛ ngɔ́’?

Malékuse 7:9

Pi zsé légwá’ *lepʉ̌ Ssé, ńcwoŋo ńkú’te pɔ́ nùŋe lá’ gẅi mboŋó.

Lukase 4:34

Yěsô mûɔ Nǎzarɛd, pege gẅiin kɔ́? Ɔ̀ ka fɔ̌ɔn ńtó pɔ́ lépyága wég ka? Mèŋ n ne ńzsé ɔ́, ɔ̀ foo lejʉ́ŋ Ssé, ńgwɔ́ míŋ we.

Ŋwà’ne Jâŋ 17:3

Legwɔ́ tèmì wéwɛ̌, á gwɔ́ pá’ pɔ́ ge zsé gú, gù gẅie ɔɔ kwà’ ndà’ Ssé ye nénʉ́ gílé gù, é gíŋe zsé nyìŋ gẅie ɔ̀ la túmo yé, á gwɔ́ Yěsô Kristo.

Megàŋ ntúm 16:17

Á cʉ́me nzèm peg lâ Pɔl, ńgiŋe ńgɔɔn lê tʉ̀ ngie: Epʉ̀a pɔɔn ée ngàŋa fà’ mbwo Ssé gẅie à pi’i kɔ̀ɔkɔ́ɔ! Pɔ́ ne shwóŋó gẅi pá’ à lɔɔn ńgwɔ́ pi giŋ pú’u tá ńtsẅɛ́.

Megàŋ ntúm 19:15

Tá’, á fó lyɛ̌’ e *Ssé tepòŋ tsɔ́’ɔ mbwo pɔ́b ngie: Mèŋ n ne ńzsé Yěsô, ńgíŋe ne ńzsé nyìŋ gẅie Pɔl aa wɛ̌, ńgʉa ná pi, pi ee pàwɔ̌?

Megàŋ ntúm 24:25

Pɔl tó tà ńzye lékyagte ntí gie nyìŋ lɔɔn ńdɔg ńnéŋe, mbà ngàŋ ge gwɔ́ nyìŋ gẅie à gÿo mmó gie á poŋo mbwo Ssé, ńne ńkyagte mbɔɔ pá’ à lɔɔn ńgwɔ́ nyìŋ kú’te mbùm ye pú’u, ńne ńkyagte shwóŋó yé ngie Ssé ge gÿo ŋag pʉ̀a metsèm. Ngúmnɔ́ɔn Felese jú’ pú’u, ńcʉ́’ʉ ńcÿɔ’ɔ cÿɔ’, ńgɔɔn né Pɔl ngie: Á nà fʉ̀’ɔɔn, fó lejʉ́ŋ mèŋ ńgʉa. Afʉ̀’ gÿo ńgíŋe ńku’, tá mèŋ n gíŋe ńtsẅi mé tóŋo gú ńné mèŋ.

Roma 3:30

á nue e Ssé gwɔ́ pɔ́ yémɔ’ɔ́. À líe pà Yuda pie é záb ntʉ́m ná Yěsô, pɔ́ cʉ́’ ńgwɔ́ mvfò yé ńgwɔ́ pɔ́ ndʉŋ ndʉŋ, yé zɔ́ gǐŋ ńdíe pʉ̀a pie é té pà Yuda wɔ́, tá mbà pɔ́ zǎb ntʉ́m ná Yěsô, pɔ́ cʉ́’ ńgwɔ́ mvfò yé ńgwɔ́ pɔ́ ndʉŋ ndʉŋ.

1 Korento 8:4

Á ké ńgʉa nà nò pfwɔ́’ɔ mbab gie mé nǎ nà shúm sie mé gu’te ngie ée messé, mbà pege ne ńzsé ngie atsɔ́ mmó gie à lɔɔn ńgwɔ́ mé gu’te ngie ée tsɔ́ ssé à té tsɛ̀ɛ njÿó wɔ́. Pege ne ńzsé ngie e Ssé gwɔ̌ pɔ́ yémɔ’ɔ́.

1 Korento 8:6

tá á ké ńgwɔ́ mbwo pege, tà’ Ssé wémɔ’ɔ́ nzɔ̌ wɔ́ wó, ńgwɔ́ Tá gẅie kɔ̀ɔkɔ́ɔ fóo pɔ́ mbwo yé. Pege piŋ ńgwɔ́ wó ńtí pɔ́ ye. Tà’ Cʉ̀apʉ̀a gwɔ́ wó ńgwɔ́ Yěsô Kristo gẅie à kɔ̀ɔkɔ́ɔ gwaa gwɔ́ wó wɔ́ɔ yé zɔ̌ gÿo. Pege piŋ ńgwaa gwɔ́ wó ńzẅɛ́’ɛ pɔ́ ye.

Galatia 3:20

Mé gwɔ́ kíme mámekěm ná nò, á lɔgɔ ńgwɔ́ nò gie megàŋ té gẅiin shÿó pá’ nò ge kẅɛɛ ncwò nyìŋ é kúu ncwò wetsɔ̌ wɔ́. Tá’ á ké ńgʉa nà nò gie e Ssé la ka’ la, mbà kwà’ yé zɔ la tyé ńgɔɔn.

1 Timote 2:5

E Ssé zɔɔn ńgwɔ́ pɔ́ yémɔ’ɔ́. Tá’ mánzsè gwɔ́ pɔ́ wémɔ’ɔ́ tsetsɛ̀ɛ Ssé pâ pʉ̀a mesoŋ Aa Yěsô Kristo, ńgwɔ́ yé nyìŋ mesoŋ

Ŋwà’ne Jâg 2:8

Á cʉ́’ gie pi gÿo pú’u, mbà pi giŋé ná pá’ *lepʉ̌ se lÿò ná nò *lefùɔ Ssé gɔɔn, é gɔɔn ngie: «Kwoŋo fɛ́ gù nyìŋ mesoŋ pá’ ɔ̀ kwoŋo twó mbùm jú». Pi lɔgɔ pú’u, ńgÿo mboŋó.

Jẅide 1:4

Mèŋ n gɔɔn pá’ɔɔn nue tsɔ́ pʉ̀a kéen ńzɔɔn shú ńkúu tsetsɛ̀ɛ pi, pɔ́ ne sele shÿó nò mbòŋo gie e Ssé yege la lɔg ńcÿó gʉm yégè, pú’u lépʉ́le ńgÿo menò shʉ́ mɔ́b. Pɔ́ lɔgɔ pú’u, ḿmoŋe Yěsô Kristo, á gwɔ́ ndà’ Ndè wege, yé gíle yé zɔ gẅiin wégè. Pɔ́ ée pʉ̀a tepòŋ, ńgwɔ́ pʉ̀a pie ntyě sǎg pá’ ŋwà’ne Ssé la lá’ ńgɔɔn ntí ngʉ̀ngʉ̀ gie e ku’u ná pɔ́b.

Jẅide 1:6

Pi kímte nò *mecÿɔ́’ Ssé pie pɔ́ la gwága jʉ’ gie e Ssé tÿɔgɔ́ wɔ́b wó, ńgwá’a yɔ́b jʉ’ʉ leńnéŋe, ńne ńtsɔ́ɔn ye mvfò. E Ssé la kwɛ́ɛ wɔ́b ndà’ ndà’ lê metsɛ̂n, ńnéŋe wɔ́b tsɛ̀ɛ mwòon nzém, pɔ́ ée wó ńzẅí’te ngʉ̀ngʉ̀ ye lyɛ’ɛ́ lÿò gie mé ge lá’ zá’ mentsaŋ,

Ŋwà’ne Ngyà jʉ’ 20:10

Sátà gẅie á kě ne fʉte wɔ́b la, mé tsó yé ḿma’a tsɛ̀ɛ gÿǒon mmɔ̌g *mekʉ̀a, á lejʉ́ŋ nkʉ̀’ʉ nɔ̀ɔn mbɔɔ lejʉ́ŋ *ntsẅì nkʉ̀ Ssé we cÿɔ̌ nò. Pɔ́ lá’a ńtsẅé wó, ńgyá ngʉ̀ngʉ̀ ntí ntí, á zsó pɔ́ tsẅɛ́’, á nà ngù’ nkɔ́ɔn lê nkɔ̌ɔn.