Ŋwà’ne Jâg 2:18 - Nouveau Testament en Ngienboum

¹⁸ Ndyɛ̌’ ńgwɔ́ nyìŋ gɔɔn ngie: Aye tsɔ̌ nyìŋ gwɔ́ pɔ́ lézáb ntʉ́m wé nà Ssé, aye wetsɔ̌ gwɔ́ pɔ́ léfa’ mefà’. Mbà mèŋ n ge gɔɔn yɔ́ɔn mbwo yé ngie: Nyɛɛ wɔ̀ɔn pá’ à lɔɔn ńgwɔ́ ɔ̀ záb ntʉ́m nà Ssé té ne fa’a mefà’, mèŋ n dɔg mefà’ mɔ́ɔn ńnyɛɛ gú ngie n záb ntʉ́m nà Ssé.

Ŋwà’ne Jâg 2:18 ပူးပေါင်းရင်းမြစ်များ

Roma 14:23

Tá’ nyíŋ lɔɔn ḿmʉ́’te nà mmó tà á jÿó, ńké ńjÿó, mbà à gwě ntsaŋ mvfò Ssé. Á nue à kaa gÿo pá’ à zsě ngie nò Ssé ne ńzɛ́te wɔ́. Nyìŋ lɔɔn ńgwɔ́ gÿo mmó ńne ḿmʉ́’te, mbà à gÿo nò tepòŋ.

Roma 3:28

Peg zɔɔn ne ńzsé yég ngie: E Ssé gwɔ́ líe nyìŋ á gwɔ́ ndʉŋ ndʉŋ mvfò yé, ńtí pɔ́ nò gie à zǎb ntʉ́m wé ná Yěsô, á té fóo ná pá’ à gÿǒ mmó gie *lepʉ̌ ne ńzɛ́te wɔ́.

Roma 4:6

Á gíŋ ńgwɔ́ mmó gie fùɔ Ndavíd la gɔɔn. À la gɔɔn nò ná nyìŋ gẅie e Ssé cʉ̌’ ńdíe yé á gwɔ́ mvfò yé ńgwɔ́ pɔ́ ndʉŋ ndʉŋ, á ké tè fóo nà mefà’ ngàŋ wɔ́, wɛ̌ nyìŋ aa shÿó mbòŋo.

Roma 8:1

Á lɔgɔ ńgwɔ́ ngie pʉ̀a pie é la nnɛ́ ná Yěsô kristo, é té ge lá’ gíŋe gwe ntsaŋ wɔ́,

Roma 9:19

Ndyɛ̌’ nyìŋ jú’ pá’ɔɔn tà ńzɛ́te wɔ̀ɔn ngie á lɔɔn ńgwɔ́ pú’u, e Ssé gíŋe ńkaga nyìŋ ná nò mélà’a kɔ́, pá’ tsɔ̌ nyìŋ tè ku’u légÿo mmó té gwɔ́ gie áa gie yé Ssé la záb ngie ngàŋ ge gÿo wɔ́?

1 Korento 13:2

Á lɔɔn ńgwɔ́ e Ssé cÿó gem yɔ́ɔn mèŋ n tsẅi nkʉ̀ gẅie é fóo mbwo ye, ńzsé nò nà kɔ̀ɔkɔ́ɔ gie áa lelyěen, ḿbiŋ ńzsé nò nà shúm ntsèm. À lɔɔn ńgwɔ́ mèŋ n záb ntʉ́m wɔ̀ɔn nà Ssé, tà ńku’u légÿo mekwɛ́ sẅɛ́’te nnɛ́, tá ńké ńgwɔ́ gie n dɔɔn tè kwoŋo nyìŋ mesoŋ wɔ́, mbà mèŋ n tè tsɔ́ mmó wɔ́.

2 Korento 5:17

Nyìŋ gwɔ̌ tá ńda nnɛ́ ná Kristo, ńcʉ́’ ńgwɔ́ pɔ́ nyìŋ we sẅé, ńgwɔ́ tsɛ̀ɛ ntʉ́m yé à tè gíŋe ńgwɔ́ pá’ à ka zɔɔn ńgwɔ́ wɔ́, mbà à zyě léńnéŋe we sẅé.

2 Korento 7:1

Mefɛ́ pɔ́ɔn pe ntʉ̀ nzẅìŋ, pá’ e Ssé la ka’ mɔɔn menò á mbwo pege la, á ne ńzɛ́te ngie kwà’ pege lê twó yégè kÿo menò mie é té Ssé poŋ, é mie mé gÿo gÿo, tà mbɔɔ mie mé kwaŋa kwaŋ, ńkẅi’i ńdɔgɔ légwɔ́ tè *lɔ̌’ ńgʉa lê mvfò tà ńcʉ́me, ńgwɔ gwɔ́ ne ḿbɔ́gɔ Ssé.

Galatia 5:6

Á nue nyìŋ lɔɔn ńda nnɛ́ ná Kristo, mbà mé lépú’u yé kà lényé té pú’u yé wɔ́, á té tsɔ́ nò wɔ́. Lezǎb ntʉ́m ná Kristo ḿbiŋ ńkwoŋ pʉ̀a mesoŋ zɔɔ nò.

1 Timote 1:5

Ɔ̀ gɔɔn yɛ̌ nò né pɔ́b légwɔ́ gie pɔ́ ge kwoŋ petsɔ́ pʉ̀a tà shwóŋó nò. Lekwoŋo nyìŋ tà shwóŋó nò, à zɛ́te légẅiin ntʉ́m Ndʉalʉ̌a, ńzɛ́te légÿo mmó gie mbùm ɔ̀ té cúa gú mǒ wɔ́, ḿbiŋe ńzɛ́te lézáb ntʉ́m nà Ssé, kwà’ nénʉ́.

Titus 2:7

Kwà’ gù tyé nà kɔ́ wɔ́, ńnyɛ́ pɔ́ fʉ̀’ʉ mmó mbòŋo. Ɔ̀ lɔɔn ne ńzí’i pʉ̀a mmó, ɔ̀ zí’i wɔ́b pɔ́ ndà’ nò gie áa nénʉ́, ḿbiŋ ńzí’i tà ńzsé mmó gie ɔ̀ zí’i yɛ̌.

Heber 11:31

Á la fó pɔ́ ná pá’ Raab ngàŋa gÿɛ́ manzwě la záb ntʉ́m wé nà Ssé, tá pâ pàtʉʉ twó mbwo Ssé té pú ńdége wɔ́. Mé la tè yé zẅé á nue à la kúe pà mánaŋ pà Israel mboŋó, á nà fʉ̀’ gie mé la túmo wɔ́b.

Heber 11:33

Pɔ́ ée pʉ̀a pie pɔ́ la fó pɔ́ ná pá’ pɔ́ la záb ntʉ́m wɔ́b nà Ssé, ḿma’ ncù ńjÿó túmo túm, ésá’a lá’ pɔ́ ndʉŋ ndʉŋ, pɔ́b léen ńzẅí’te mmó gie Ssé la ka’a mbwo pɔ́b tà ńgẅiin, ńjÿɔ́’ ncwò mepú’ ntʉ̀,

Heber 11:6

Mé lɔgɔ ńgyá ngie nyìŋ lɔɔn tè záb ntʉ́m nà Ssé wɔ́, mbà shÿó pá’ ńgwɔ́ nò yé poŋ Ssé té wó wɔ́. Nyìŋ lɔɔn ńne sẅɛ’te nnɛ́ nê lejʉ́ŋ Ssé á gẅiin lé zɔɔn ḿvɔg ńzẅíŋ ngie e Ssé ee wó, ḿbiŋ ńne ńtsɔ́’ɔ fà’a pʉ̀a pie pɔ́ ne fa’a yé.

Ŋwà’ne Jâg 2:14

Mefɛ́ pɔ́ɔn, nyìŋ lɔɔn ngie à zǎb ntʉ́m wé nà Ssé, à tè fa’ méfà’ ńdɔg ńnyɛ wɔ́, mbà á ge kẅéte nà kɔ́? Tà ńgwɔ́ yɛ̌ ntí lezáb ntʉ́m nà Ssé é gÿo nyìŋ tsẅɛ́?

Ŋwà’ne Jâg 3:13

Nyìŋ lɔɔn ńgwɔ́ tsetsɛ̀ɛ pi, ńne ńkwaŋa ngie à gẅiin zse nò, ḿbiŋ ńgẅiin legyè, á lɔgɔ tsẅé mbòŋo yé ńnyɛ, ńgíŋ ńdɔg mefà’ mie é nyɛɛ ngie aa nyìŋ mbʉ́le pʉlé ńgwɔ́ nzsè nò, ńnyɛ.