17 Á gíŋe ńgwɔ́ pɔ́ ndʉŋ ndʉŋ pú’u, ná nyìŋ gẅie à ne ngie à záb ntʉ́m wé nà Ssé, pá’ mé lɔɔn tè ne ńgyá mefà’ mé wɔ́, mbà wɛ̌ lézáb ntʉ́m nà Ssé aa sẅɛ̀ɛ.
À lɔɔn ńgwɔ́ mèŋ n gabte shúm sɔ́ɔn ntsèm ńnáa mbwo pʉ̀a pie nzyè ne ńgyáŋa wɔ́b, à lɔɔn ńgwɔ́ n zẅíŋ ngie mé túɔ wɔ̀ɔn, tá á gwaa gwɔ́ pú’u, n tè kwoŋo nyìŋ mesoŋ wɔ́, mbà á té kẅéte wɔ̀ɔn nà tsɔ́ mmó wɔ́.
Peg ne sẅíŋte Tá wege Ssé fʉ̀’e kɔ́ wɔ́, ńkímte pá’ pi lɔg pá’ pi záb ntʉ́m ná Yěsô éfa’ mefà’, ńkímte ntí fà’ gie pi lɔg nkwòŋe éfa’, ḿbiŋ ńkímte pá’ pi ne ńzẅí’te Cʉ̀apʉ̀a Yěso Kristo té kʉ́a.
Mefɛ́ pɔ́ɔn, nyìŋ lɔɔn ngie à zǎb ntʉ́m wé nà Ssé, à tè fa’ méfà’ ńdɔg ńnyɛ wɔ́, mbà á ge kẅéte nà kɔ́? Tà ńgwɔ́ yɛ̌ ntí lezáb ntʉ́m nà Ssé é gÿo nyìŋ tsẅɛ́?