Ŋwà’ne Jâg 1:3 - Nouveau Testament en Ngienboum

³ !Pi gÿo pú’u, nue pi ne ńzsé ngie, pi lɔɔn shÿɔg ngʉ̀ngʉ̀ gie e ne ńkúu gẅí, ḿbiŋ ńne ńkẅi’i ńzába ntʉ́m gẅi nà Ssé, mbà pi ge ne tʉte tʉte.

Ŋwà’ne Jâg 1:3 ပူးပေါင်းရင်းမြစ်များ

Lukase 21:19

Pi shÿɔg shÿɔg, ńgÿo ńgẅiin légwɔ́ tèmì.

Roma 15:4

Á zɔɔn ńgwaa gwɔ́, mbà kɔ̀ɔkɔ́ɔ gie mé la lá’ ńtʉ́ njÿó ńŋwe’e tsɛ̀ɛ ŋwà’ne Ssé, mé lɔ́ɔn ńŋwe’e pɔ́ lélɔgɔ ńnéŋe ńzí’i wégè mmó, légwɔ́ gie á ge lɔg pá’ á ne ńkẅiŋte wégè, ḿbiŋ ne ńgÿo ngie tà pege kʉ́a, pege zsé ngie pege gẅiin mmó gie e Ssé la ka’a mbwo pege.

Roma 2:7

é náa le gwɔ́ tèmì mbwo pʉ̀a pie pɔ́ la lɔgɔ légÿo nò mbòŋo té kʉ́a, ńně ńtsɔ́ɔn ngie e Ssé zɔ náa wɔ́b legú’, ńnáa wɔ́b mékù’, ńgÿo pɔ́ gwɔ́ tsɛ̀ɛ le gwɔ́ gẅie mé te gíŋe kwé mǒ wɔ́.

Roma 8:25

Tá’ pá’ pege ne ńzẅí’te mmó gie pege tè ne ńgyá wɔ́ la, pege lɔgɔ kwɔgɔ nnɛ́ ńnyɛte ńzẅí’te.

Roma 8:28

Pege giŋé ne ńzsé ngie menò mie é gÿo pʉ̀a pie pɔ́ ne ńkwoŋo Ssé, e Ssé gÿo mɛ̌ menò gÿo pɔ́ nò mbòŋo ná pɔ́b, á wɔ́b gẅie à la tsɔ́’ɔ nà ntí gie à la tʉ́ njÿó ńkwaŋ.

2 Korento 4:17

Múɔ méngɔ́’ gẅie peg ée fʉ̀’ɔɔn ne ńgyá, à cʉa cʉa. Mé lɔɔn ńgʉa ḿbí fʉ̀’ á le ku’u tsɔ́ mmó nà legú’ tendège gẅie à tě ńdà’a ḿmaga wɔ́, á gẅie yɛ̌ ngɔ́’ lɔgɔ ńtsɔ́’ɔ mánzsè ńnáa né pege wɔ́.

Kolosia 1:11

Peg gǐŋ ne ńdúɔ mbwo Ssé ngie à lɔg pá’ metʉ̀ pɔ́ legú’ e gwɔ́ pɔ́ mé, ńgÿo pi kwa’ ńtʉte tá ńku’u léshÿɔg menò ntsèm té tsyɛte nnɛ́.

2 Tesalonika 1:4

Á cʉa pú’u, tá peg gwaa ńkím lezíŋ sí tsɛ̀ɛ metsɔ́ mecú’tè pʉ̀a Ssé, ńkím pɔ́ nê ka’te, mélà’mie pʉ̀a ne ńnyɛɛ gẅi ngʉ̀ngʉ̀, ńne ńkʉ́e gẅí, pi ké tè cú’tè kÿo, pi ké shÿɔg shÿɔg, ńne ńzába ntʉ́m gẅi pɔ́ ná Yěsô Kristo.

2 Tesalonika 3:5

Peg ne ńdúɔ ngie Cʉ̀apʉ̀a zí’i gẅi lékẅi’i ńkwoŋ Ssé, mbɔɔ léshÿɔg ngɔ́’ pá’ ye Kristo.

Heber 10:36

Á zɔɔn ńne ńzɛ́te ngie pi ké ńkag pɔ́ tʉ̀, ńzsé ngie pi ge ne gÿo pɔ́ mmó gie e Ssé ne ńkwoŋo, à fó pú’u, pi gẅiin mmó gie à la ka’a lé náa mbwo pi.

Heber 12:1

Á gʉa ná pege, pʉ̀a ŋwɛ́ métsèm tÿɔ́’ɔ wégè ńnéŋe soŋ, ńne ńnyɛɛ wégè mánzsè. Pú’u la, pege tsó kɔ̀ɔkɔ́ɔ gie á ne ńtáte wégè ńgwá’, té lege menò tepòŋ, é kú’te wégè, ḿbiŋ ńdúe ńcʉ́’ʉ mà. Pege gwá’, ńtɔ́ɔnte yégè ndʉ̌ gẅie e Ssé gɔɔn ngie à lɔɔn ńgwɔ́ pege kÿo. Pege gwɔ́ tà ńne ńkÿo tà pege kʉ́a.

Heber 6:12

Tà pi cʉ́’ melǒŋ. Tà ńcʉ́’ pú’u, pi pí fʉ̀’ ná pʉ̀a pie pɔ́ lɔgɔ lézáb ntʉ́m nà Ssé mbɔɔ lé zẅí’te té kʉ́a, ńkẅé mmó gie e Ssé la ka’a lénáa mbwo pɔ́b.

1 Piɛ 1:7

Ngʉ̀ngʉ̀ kúu gẅi légwɔ́ gie mé ge gyá ngie pi kwa’ ńzáb ntʉ́m nà Ssé. Tʉ̌ gɔ̂l gie á té ge lá’a gwɔ́ pɔ́ wó wɔ́, mé cʉ́’ʉ lézẅí’, ńtuɔ mmɔ̌g, ncÿǒ kẅɛɛ mǒ. Áa ndʉŋ ndʉŋ pá’ gẅi lézáb ntʉ́m nà Ssé gẅie aa mmó tʉ̀ nzẅìŋ ńcʉa tʉ̌ gɔ̂l, ge cʉa pɔ́ ná pá’ ngʉ̀ngʉ̀ mentí mentí gie e ne ńkúu gẅí, e ge ne zẅí’i gẅi yé, tá nyɛ ngie à tʉte. À lêen ńké ńcʉa pú’u, pi lá’a lyɛ̌’ gie Yěsô Kristo tǒ, mé ná ngɔ́ɔnte gi, ńnéŋe gẅi tsɛ̀ɛ legú’, ńgÿo mekù’ mí.

2 Piɛ 1:6

ńgʉa ná le zsé mmó gie Ssé ne ńkwoŋo, ńkẅi’i pá’ pi ge gwoonte mbùm gí, ńgʉa ná legwoonte mbùm ńkẅi’i létʉte tʉte, ńgʉa ná letʉte tʉte, ńkẅi’i lé zsé pɔ́ ndà’ Ssé,