Ŋwà’ne Jâg 1:26 - Nouveau Testament en Ngienboum

²⁶ Nyìŋ lɔɔn ńne ńkwaŋa ngie aa nà nò Ssé, ncwò wé piŋ tè poŋ, mbà à fʉte twó mbùm yé. À we légwɔ́ ná nò Ssé gwɔ́ pɔ́ sẅɛ̀ɛ.

Ŋwà’ne Jâg 1:26 ပူးပေါင်းရင်းမြစ်များ

Matio 15:9

Pɔ́ ne ńgu’te wɔ̀ɔn tá ànò té mǒ wɔ́, ńtí nò gie pɔ́ ńnéŋe twó ńzí’i pʉ̀a mmó tɛ’ tá’, á gwɔ́ pɔ́ ye pʉ̀a mesoŋ».

Malékuse 7:7

Pɔ́ ne ńgu’te wɔ̀ɔn, tá nò té mǒ wɔ́, ńtí nò gie pɔ́ ne ńzí’i menò pʉ̀a mesoŋ mbwo pʉ̀a ngie áa nò yɔ́ɔn

Lukase 8:18

N dɔgɔ shwóŋó gẅi ngie pi lag twó sí nà ntí gie pi lɔgɔ ńjú’u shwóŋè Ssé, nyìŋ lɔɔn ńgẅiin mmó, mbà mé ge kẅi’i. Tá ńké ńgʉa ná nyìŋ gẅie à tè mmó gẅiin, mbà mé ge kẅé méjʉ’ gẅie à kwǎŋ ngie à gẅiin.

1 Korento 15:15

Á lɔɔn ńgwɔ́ gie mé té kwé ńgíŋ ńzíme nà legwé wɔ́, mbà peg pie peg ne ńgɔɔn nò gie peg zsé nà Ssé, peg lɔgɔ ńgwɔ pɔ́ megàŋa cÿɔ̌ nò, á nue peg cÿɔ pɔ́ nò tá ńgɔɔn ngie peg ne ńzsé ngie e Ssé la zíme Kristo nà legwé á gwɔ́ jʉ’ó ńké tè pú’u wɔ́,

1 Korento 15:2

E Ssé ne fóo nà nkʉ̀ mbòŋo ŋwɛ́ ńgÿo pi tsẅɛ́ɛ, pá’ pi lɔɔn ńké ne ńkú’te kwà’ mmó gie n da tsẅi mbwo pi kú’te. Tà á té pú’u wɔ́, mbà gẅi lézáb ntʉ́m nà Ssé gwɔ́ pɔ́ sẅɛ̀ɛ sẅɛ̀ɛ.

1 Korento 3:18

MÀbɔ́ɔn nyìŋ léfʉte twó mbùm yé. Nyìŋ lɔɔn ńgwɔ́ tsetsɛ̀ɛ pi ńne ńkwaŋa ngie pʉ̀a njÿó ne ńgyá ngie áa nzsé nò, á zɔɔn ḿvɔg sele ńcʉ́’ʉ pʉ̀a tá ńdeen ńké ńgwɔ́ kwà’ nzsé nò.

Galatia 2:6

Á gʉa ná pʉ̀a pie mé lɔ́ɔn ńdíe wɔ́b ngie pɔ́ ee melÿò, mbà pɔ́ la tè gyá ngie pɔ́ ge kẅi’i tsɔ́ mmó ná nò gie mèŋ n tsẅii wɔ́. Ammó gie pɔ́ la zɔɔn ńgwɔ́ yɛ̌ fʉ̀’e mvfò á té líe wɔ̀ɔn nà tsɔ́ nò wɔ́. Á nue e Ssé tè gẅiin tyɛ̀’te ná pʉ̀a mesoŋ wɔ́.

Galatia 2:9

Jâg, Piɛ mbɔɔ Jâŋ, é pʉ̀a pie mé lɔ́ɔn ńdíe wɔ́b pá’ mentóon tsɛ̀ɛ cú’tè pʉ̀a Kristo la, la gwɔ́ tà ńzsé ngie e Ssé la kwa’ ńcʉ́me yɔɔn fà’ mbwo mèŋ, ńnáa pwó né peg Panebâse, lélɔg ńda’te ngie pega pɔ̌ ee tà’ ncwò nà fà’a Ssé. Pú’u, peg gẅiin légʉa tsetsɛ̀ɛ pʉ̀a pie é té pà Yuda wɔ́, ńtsẅi nkʉ̀ mbòŋo, pɔ́b yɔ́b pâ Piɛ gẅiin légʉa tsetsɛ̀ɛ pà Yuda ńtsẅi.

Galatia 3:4

Pi kwǎŋ ngie menò mie pi lǎ gyá, pi lɔ̌ɔn ńgyá pɔ́ sẅɛ̀ɛ sẅɛ̀ɛ lá?

Galatia 6:3

Nyìŋ lɔɔn ńkwaŋ ngie aa mmó, té gwɔ́ yɛ̌ mmó, mbà à sele fʉte twó mbùm yé.

Efeso 4:29

ḿbɔ́ɔn mbɔɔ tà’a shwóŋè tepòŋ lékẅɛɛ ncwò pi. Pi gɔɔn pɔ́ nò gie á ge kẅéte ná yɛ̌ fʉ̀’, à gwɔ́ pɔ́ shwóŋè mbòŋo gie á ge kẅéte tsɔ́ pʉ̀a pɔ́ kẅi’i ńzáb ntʉ́m nà Ssé. Pi gɔɔn pɔ́ nò gie á ge kẅéte wɔ̌wɔ́ɔ ná pʉ̀a pie é ne ńzẅí’te.

Efeso 5:4

Á té ne ńzɛ́te ngie pi shwóŋó ḿmag mag wɔ́, tà mbɔɔ léma’a kwaŋ ná tsɔ̌ ntí, lâ légÿo tsɔ́ ntí megʉa. Á poŋ ngie ashwóŋè gwaa kẅɛɛ ncwò pi, pi lɔgɔ síe pɔ́ Ssé nà mmó gie à gÿǒ mbwo pi.

Kolosia 4:6

Pi gwɔ́ fʉ̀’ ntsèm ńgẅiin pɔ́ ncwò mbòŋo, ńgɔɔn pɔ́ nò gie á ge kẅéte, ńtsɔ́’ɔ nò mbwo nyìŋ pɔ́ pá’ á kě ḿboŋ ngie mé tsɔ́’.

Ŋwà’ne Jâg 1:19

Mefɛ́ pɔ́ɔn pe ntʉ̀ nzẅìŋ, pi zsé ngie áa mbòŋ mbwo nyìŋ lézsé lézẅí’te nò gie mé gɔɔn, ḿbiŋ ńgɔɔn yé nò á ku’ ku’, é ké le lwo ńgyáŋa lóŋ wɔ́,

Ŋwà’ne Jâg 1:22

Tà pi gwɔ́ pàjú’u shwóŋè Ssé jú’ ndà’, pi gÿo mmó gie shwóŋè ŋwɛ́ gɔɔn ngie pi gÿo. Tà á té pú’u wɔ́, mbà pi sele fʉte mennɛ́ mí.

Ŋwà’ne Jâg 2:20

Agʉ̀gʉ̀ yɔ́ɔn, ɔ̀ kwoŋo kɔ́? Mèŋ n ge nyɛɛ gú ngie lezǎb ntʉ́m nà Ssé gẅie à tè mefà’ gẅiin áa sẅɛ̀ɛ.

1 Piɛ 3:10

Mé la zɔɔn ńŋwe’e tsɛ̀ɛ ŋwà’ne Ssé ngie: Nyìŋ lɔɔn ńne ńkwoŋo léńnéŋe mboŋó, ḿbiŋ ńgẅiin melyɛ̌’ lá’ mbòŋo, á poŋ ngie ngàŋ sele lʉ́m yé tá ńgɔɔn nò, ḿbɔ́gɔ nò tepòŋ, ḿbɔ́ɔn ncwò we, ḿbɔ́g cÿɔ̌ nò.