Ŋwà’ne Jâg 1:25 - Nouveau Testament en Ngienboum

²⁵ Tá nyìŋ gẅie à nyɛte ńtuu nò á ná *lepʉ̌ sie tsɔ́ mmó té mǒ zág, ésie é gÿo nyìŋ gwɔ́ ndù nnɛ́, ńzáb ntʉ́m wé mǒ té kʉ́a tà à tè gwɔ́ pɔ́ jù’u ńdege wɔ́, ńgwɔ́ jù’u ńgÿo, mbà à ge gwɔ́ shÿó mbòŋo ná kɔ̀ɔkɔ́ɔ gie à gÿo.

Ŋwà’ne Jâg 1:25 ပူးပေါင်းရင်းမြစ်များ

Lukase 11:28

Yěsô pʉŋe ńgɔɔn né yé ngie: Ɔ̀ kɔ’ɔ́ gɔɔn pɔ́ ngie: Pàshÿó mbòŋo ée pʉ̀a pie pɔ́ jú’u shwóŋè Ssé, ńgÿo pá’ á ne ńzɛ́te.

Ŋwà’ne Jâŋ 13:17

Pá’ pi né ńzsé fʉ̀’ɔɔn la, pi lɔɔn ńgÿo pú’u, mbà pi ee pà shÿó mbòŋo.

Ŋwà’ne Jâŋ 8:36

Áa pú’u, tá ńgwɔ́ gie múɔ lɔɔn ńkẅile gẅi ndá nkwɔɔn, mbà pi ge fó wó kẅɛ, kwà’ nénʉ́.

Megàŋ ntúm 13:43

Mé kẅɛɛ *ndá cú’tè, ńgwaa fagte, lelÿò pà Yuda, pâ pʉ̀a pie é la zẅíŋe nò Ssé pà Yuda gʉa ńtsege wɔ́b. Pɔl pɔ́ Panebâse gíŋe ńkẅiŋte wɔ́b ngie pɔ́ kú’te menò mbòŋo mie e Ssé kà lɔg ńcÿó gem yɔ́b, ńkú’te kwà’ mboŋó.

Megàŋ ntúm 2:42

Pɔ́ lɔ́ɔn ńtóo fʉ̀’ ntsèm té tsó, megàŋ ntúm zí’i wɔ́b nò Ssé, ńně ńtemte ńnéŋe pá’ pùɔ memá la, ḿbúte ḿpfɛ́ɛ mmó, ḿbiŋe ńcú’te sẅíŋte Ssé.

Megàŋ ntúm 26:22

Tà mèŋ n nyé wó lyɛ̌’ɔɔn pá’ɔɔn, e Ssé zɔ̌ ne ńkábte wɔ̀ɔn. Mèŋ m biŋ ne shwóŋó kɔ̀ɔkɔ́ɔ wɔ́ gie mèŋ n zsé ná yé, á mbwo melÿò mbɔɔ mbwo pènkʉ́. Mé la tʉ́ njÿó ńgɔɔn menò mie é ge lá’ tá tó tsɛ̀ɛ ŋwà’ne pà *ntsẅì nkʉ̀ Ssé, mbɔɔ tsɛ̀ɛ ŋwà’ne Mǒsê. Mèŋ n kě ne ńgɔɔn pɔ́ yɛ̌.

Roma 11:22

Zsé ngie e Ssé lɔɔn ńgwɔ́ gie e gẅiin pòŋo ntʉ́m, mbà e giŋé ńcÿɔ́g. E la cÿɔ́g pʉ̀a pie pɔ́ la gwe ssé. E piŋ ne ńgẅiin pòŋo ntʉ́m ná gù. Tá’ á ne ńzɛ́te ngie ɔ̀ ké ne ńkẅi’i ńgÿo pɔ́ mmó gie á poŋo yé, tà á té pú’u wɔ́, mbà e ge zá’a gú jú gwá’ pá’ pwó tÿǒ la.

Roma 2:13

Á nue nyìŋ zɔɔn tè jú’ *lepʉ̌ Ssé jǔ’ ndà’ ńcʉ́’ʉ nyìŋ gẅie aa mvfò Ssé ńgwɔ́ ndʉŋ ndʉŋ wɔ́. Nyìŋ jǔ’ ḿbiŋ ńgÿo pá’ é zɛ́te tá ńcʉ́’ʉ wɛ̌ nyìŋ.

Roma 7:12

*Lepʉ̌ lɔgɔ pú’u, éfóo mbwo Ssé, anò gie é tsẅi ngie mé gÿo gíŋe fó yé pɔ́ mbwo Ssé, ńgwɔ́ nò gie áa ndʉŋ ndʉŋ, ńgwɔ́ gie áa ḿboŋ.

Roma 8:15

A Zẅìge gie mé la ńnéŋe ná pi, zɔɔn tè Zẅìge gie á ge gÿo pi gíŋe ńgwɔ́ pɔ́ menkwɔɔn pie pɔ́ ge ne cÿɔ’ɔ cÿɔ’ wɔ́. Á gwɔ́ pɔ́ Zẅìge gie á ge gÿo pi cʉ́’ púɔ Ssé. Pege piŋ ńzẅɛ́’ɛ yɛ̌ Zẅìge, ńtóŋo yé lê Abba; á gwɔ́ ngie Tɔ̌ɔnmé.

Roma 8:2

mélà’mie nyìŋ zɔɔn ńgwɔ́ tà ńda nnɛ́ ná Yěsô Kristo *lepʉ̌ sie é cʉ́’ʉ sá’a yé gwɔ́ pɔ́ se Zẅìge Ndʉalʉ̌a gie á gÿo mé gwɔ́ wó. Sɛ̌ *lepʉ̌ léen ńkẅé wɔ̀ɔn mbwo *lepʉ̌ sie ée se nò tepòŋ, ńgwɔ́ sie é gÿo mé kwé.

1 Korento 15:58

Mefɛ́ pɔ́ɔn pentʉ̀ nzẅìŋ, pá’ áa pú’u la, pi tʉte tʉte, tà nyìŋ cÿɔ’, pi kẅi’i fa’ mefà’a Cʉ̀apʉ̀a ńdɔg ńgʉa pɔ́ lê mvfò, ńgwɔ fa’ ńne ńzsé ngie fà’ gie pi fà’a, ńtí nue pi ee pʉ̀a Cʉ̀apʉ̀a, á té ge cʉ̀a sẅɛ̀ɛ wɔ́.

2 Korento 13:5

Pi lê twó gí pi líe mbùm gí ńgyá. Kà pi ne ńgiŋe ndʉŋ ndʉŋ ná nò Kristo gie pi la zẅíŋ wɔ́. Pi nyɛte ńtsa’. Pi tè ne ńgyá ngie Kristo aa tsɛ̀ɛ ntʉ́m pi wɔ́ ka? Á gwé’e pé’è á té pú’u wɔ́, mbà á lɔgɔ ńgwɔ́ ngie pi tè pʉ̀a Kristo wɔ́.

Galatia 2:4

Tà mbɔɔ pá’ tsɔ́ pàcÿɔ nò ngie pɔ́ ée mefɛ́ pég la ne ńkwoŋo ngie mé pú’u yé. Pʉ̀a ŋwɛ́ la shú ńkúu tsɛ̀ɛ nùɔ yég pá’ pà mánaŋ. Pɔ́ lɔ́ɔn ńtóo lé gyá pá’ peg ee pà ndù nnɛ́ ná mà pà Yuda, ńcʉa ná Yěsô Kristo ńgÿo még menò pú’u. Pɔ́ lɔ́ɔn fa’a lé lɔgɔ wég ńgÿo menkwɔɔn.

Galatia 5:1

Kristo la zá’ nkÿo pu’ lóŋ pege légwɔ́ gie pege ge gwɔ́ pʉ̀a pie é kwǎ’ ńtsẅɛ́ nkwɔɔn *lepʉ̌. Pú’u la, pi kú’te wɛ̌ légwɔ́ mboŋó, ḿbɔ́ɔn légíŋe ńzẅíŋ atsɔ́ mmó gíŋe ńdɔgɔ gẅi ńgÿo menkwɔɔn.

Galatia 6:2

Pi kaa menò mí ḿbi’ ńkẅéte. Pi lɔɔn ńgÿo pú’u, mbà pi gÿǒ mmó gie *lepʉ̌ Kristo ne ńzɛ́te.

Kolosia 1:23

Tá’, á ké ne ńzɛ́te ngie pi záb ntʉ́m ná yé Yěsô ńzsé ngie pi ge tyé té zóŋe, nkwaŋá gẅi e ké ńtyé pɔ́ nà mmó gie pi ne ńzẅí’te mbwo Ssé, mbà pi la jú’u yɛ̌ mmó á fʉ̀’ gie mé la ne ńtsẅii nkʉ̀ mbòŋo mbwo pi, é gwɔ́ pɔ́ wɛ̌ gẅie mé tsẅii mbwo nyìŋ mesoŋ ntsèm. Mèŋ Pɔl à yɔ́ɔn fà’ kéen ńcʉ́’ʉ létsẅi wɛ̌ nkʉ̀.

1 Timote 2:15

Tá’, mèŋ n gɔɔn pá’ɔɔn, manzwě ge lɔg pɔ́ pá’ à gẅiin penkʉ́ tá tsẅɛ́. Tá’, á zɛ́te ngie à ké ńzáb pɔ́ ntʉ́m nà Ssé, ńkwoŋ pʉ̀a mesoŋ, ńgẅiin mbùm yé lê mekù’, ńgÿo mmó gie á poŋ Ssé.

1 Timote 4:16

Laga twó jú nà gù leńnéŋe mbɔɔ ná mmó gie ɔ̀ zí’i pʉ̀a. Tè lɔgɔ tsɔ́ twó ḿma’a kwaŋ. Ɔ̀ ge gÿo pú’u, e Ssé fó mǒ ńgÿo, ɔ̀ zẅɛ́’, ńgwɔ tsẅɛ́ ntsaŋ, epʉ̀a pie é zẅí’te nò gie ɔ̀ gɔɔn gíŋe ńtsẅɛ́ yɔ́b.

Heber 12:15

Pi pɔ́ɔn pá’ à lɔɔn ńgwɔ́ nyìŋ tém nzèm Ssé gẅie à ne ńdɔgɔ lékwoŋo wégè ńcÿó gʉm yégè, ḿbɔ́ɔn nyìŋ gẅi lésele, tà ngÿǒ menò mé cʉ́’ lelaŋ tepòŋ, mbà à ge nɔ́g petsɔ́ pʉ̀a tsɛ̀ɛ cú’tè gí, pʉ̀a tà ńgyɔ́ɔn gÿo pá’ ye.

Ŋwà’ne Jâg 2:12

Pi gwaa ne gɔɔn nò, ńne ńgÿo pá’ pʉ̀a pie mé ge lá’ lɔg *lepʉ̌ sie é gÿo mé cʉ́’ʉ pà ndù nnɛ́ e lɔg ŋaga wɔ́b.

1 Piɛ 2:16

Pi lɔgɔ mà gẅi ńgwɔ́ pá’ pʉ̀a pie mé ka kẅile wɔ́b ndá nkwɔɔn. Tá’, tà wɛ̌ légwɔ́ ké ńcʉ́’ʉ mbwo pi ńgwɔ́ nkǔɔ gie pi ge lɔg lÿoon menò tepòŋ. Pi lɔgɔ mà gẅi ńgwɔ́ pɔ́ menkwɔɔn pe yé Ssé.

1 Jâŋ 2:24

Áa mmó gie á gÿo mèŋ n gɔɔn mbwo pi ngie pi kú’te shwóŋè gie pi la jú’ tà fó nzyeté kwà’ mboŋó. Ashwóŋè gie pi la jú’ tà fó nzyeté lɔɔn ńgwɔ́ tsɛ̀ɛ ntʉ́m gẅí, mbà pi gí ge temte ná Múɔ mbɔɔ ná Tá.

Ŋwà’ne Ngyà jʉ’ 14:13

N jú’ tsɔ̌ ngyè nyìŋ fóo tÿǒ lepwó ńgɔɔn ngie: Ŋwe’e ngie: Á ge fó fʉ̀’ɔɔn, pà shÿó mbòŋo gwɔ́ pʉ̀a pie pɔ́ ge gwɔ kwé, é kwé ncwò fà’ Cʉ̀apʉ̀a: A Zẅìge ndʉalʉ̌a zẅíŋ ngie áa nò, pɛ̌ pʉ̀a ge gʉa zẅɛte ná mefà’ lÿò mɔ́b. Á nue pɔ́ ge lɔgɔ Píte mefà’ mɔ́b é gʉa.

Ŋwà’ne Ngyà jʉ’ 22:14

Pàshÿó mbòŋo ée pʉ̀a pie pɔ́ sɔgɔ menzsǒ mɔ́b tà é lʉ́a, légwɔ́ gie pɔ́ ge ku’ léfó nà mencwò nká’, ńkúu tÿǒsoŋ, ńjÿó ntɔ̌ɔn tÿó ya gie á gÿo mé kwa’ ńgwɔ́ wó.