Pʉ̀a pie é té pà Yuda wɔ́ jú’u yɔɔn nò, ḿbú ńkág tɛ’, ńgu’te shwóŋè Cʉ̀apʉ̀a. Pʉ̀a pie ée tsetsɛ̀ɛ pɔ́b, mbà Ssé tsɔ’ɔ́ wɔ́b pá’ pâ pɔ̌ ge gẅiin le gwɔ́ tèmì, záb ntʉ́m wɔ́b ná Yěsô.
Pi pú ńkẅile shúm sie ée ntʉ́m pi ńgÿo ncwò gẅi pÿɔ́gɔ, ńkẅile lézá’ lekwɔɔn nyìŋ, ńkẅile gyáŋa lóŋ, tà pi gíŋe ńtág ntsaŋ, tà pi twó ncwò, pi pú ńgwá’ fʉ̀’ nò ntí ntí,
Mèŋ n ne ńtsɔ́ɔn ngie mbʉ́lè gie e fóo mbwo Kristo e jÿó ntʉ́m gẅí, e Ssé la tóŋo gẅi métsèm légwɔ́ gie pi ge gẅiin mbʉ́lè ŋwɛ́, pá’ pi ge gwɔ́ mekèm tà’ mbùm nnɛ́. Pi ké ńgwɔ́ fʉ̀’ ntsèm, ńne ńnáa ndǎg mbwo Ssé.
Atsɔ́ mmó gie á gÿo peg sie Ssé fʉ̀’ ntsèm, áa nue peg la shwóŋó nò Ssé mbwo pi, pi jú’, ńzẅíŋ ngie áa shwóŋè Ssé, ńgie á té shwóŋè nyìŋ mesoŋ wɔ́. Á ne fa’a tsɛ̀ɛ ntʉ́m gẅí, pi pie pi ka záb ntʉm gẅi ná Yěso.
Mefɛ́ pɔ́ɔn pe ntʉ̀ nzẅìŋ, pi jú’ mboŋó, e Ssé la tsɔ́’ pʉ̀a pie mé tóŋo tsɛ̀ɛ njÿó lê mefÿɔg, ńdɔg ńgÿo pàzáb ntʉ́m ná yé tɛ’, pɔ́ gẅiin yɔ́b jʉ’ tsɛ̀ɛ nò lefùɔ sie à la ka’a mbwo pʉ̀a pie é kwoŋo yé.
Mefɛ́ pɔ́ɔn, á lɔɔn ńgwɔ́ pɔ́ nò kɔ́ wɔ́, tà pi gɔɔn nò tà ńkʉa. Tà pi lɔg lepwó ńkʉa nò. Tà pi lɔgɔ tsetsá’ ńkʉa, tà pi zɔɔn fó ńkʉa nò kʉa. Á poŋ ngie gẅi oon à gwɔ́ pɔ́ oon, agẅi ngǎŋ à gwɔ́ pɔ́ ngǎŋ. À cʉa pú’u, tá Ssé le gÿo e ngie pi gwě ntsaŋ wɔ́.
Mèŋ n ka gwaa ŋwe’e ŋwà’ne ná né pi mèŋ n tě ńdɔgɔ ńgɔɔn ngie pi tè ne ńzsé nò nénʉ́ gwɔ́ wɔ́. Á gwɔ́ pɔ́ nò gie pi ne ńzsé. Pi giŋé ńne ńzsé ngie, etsɔ́ cÿɔ nò lɔɔn ńgwɔ́ é le tsɛ̀ɛ nò nénʉ́ kẅɛ.