Ŋwà’ne Jâg 1:17 - Nouveau Testament en Ngienboum

¹⁷ Afù’ gie á poŋ tɛ’, mbɔɔ ntsɔ’ɔ́ fà’ we mbòŋo pú fóo pɔ́ tÿǒ lepwó, á mbwo Ssé gẅie à la nyɛte nèm lâ mecÿɔ́’ saŋ á lefaŋ. À tè kúbe, ńké tè nzěm gẅiin.

Ŋwà’ne Jâg 1:17 ပူးပေါင်းရင်းမြစ်များ

Matio 7:11

Pi pie pi fʉ̀’ nò tɛ’ zsé léna shúm mbòŋo á mbwó gubé gí, tà ngʉ̀a shÿɔ́’ɔ ná Tá gẅi gẅie aa tÿǒ lepwó? À ge ná shúm mbòŋo mbwó pʉ̀a pie pɔ́ lǔɔ mbwó yé.

Lukase 11:13

Pi pie pi fʉ’ nò tɛ’ zsě léná shúm mbòŋo mbwo gubé gí. Tà ngʉ̀a shÿɔ́’ɔ ná Tá gẅi gẅie aa tÿǒ lepwó? À ge náa Zẅìge Ndʉalʉ̌a mbwo pʉ̀a pie pɔ́ lǔɔ?

Ŋwà’ne Jâŋ 1:9

Yé shwóŋè ŋwɛ́ láa kwà’ kyɛ̀’ gie á tóo tsɛ̀ɛ njÿó lékyɛ’ɛ mânyìŋ ntsèm.

Ŋwà’ne Jâŋ 3:27

Jâŋ tsɔ́’ɔ mbwo pɔ́b ngie: E Ssé gẅie aa tÿǒ lepwó zɔ náa fà’ ye wɔ̌wɔ́ɔ.

Ŋwà’ne Jâŋ 3:3

Yěsô tsɔ́’ɔ mbwo yé ngie: Tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le gyá *lefùɔ Ssé té gwɔ́ gie mé giŋé ńzyé yé tsɔ́ legʉ̀a wɔ́.

Ŋwà’ne Jâŋ 8:12

Yěsô gíŋe ńzye lézí’i mmó mbwo lá’, ńgɔɔn ngie: Akyɛ̀’ gie á kyɛ’ɛ jʉ’ náa né pʉ̀a mesoŋ tsɛ̀ɛ njÿó á gwɔ́ pɔ́ mèŋ. Nyìŋ lɔɔn ńcʉ́me nzèm mèŋ, mbà ngàŋ tě ńdá’a ńgiŋe tsɛ̀ɛ nzěm wɔ́. Mbà à gẅǐin kyɛ̀’ gie áa kyɛ̀’ɛ mánzsè kwà’ le gwɔ́.

Megàŋ ntúm 11:18

Epʉ̀a Kristo jú’ menò mɔɔn, ḿbʉ́le ńnéŋe, ḿbiŋ ne ńnáa ndǎg mbwo Ssé ńgɔɔn ngie: À yɔɔn gie e Ssé ka ná shÿó mbɔɔ mbwo pʉ̀a pie é té pà Yuda wɔ́, á lékúbe mà, á gÿó pɔ́ gẅiin le gwɔ́ tèmì.

Megàŋ ntúm 5:31

E Ssé ka gÿo á kwɔ́’, á ńnéŋe yé nà gwòŋo pwò yé ye tʉ̀, pú’u, ńdɔgɔ yé ńgÿo fùɔ, ńgíŋe ńdɔgɔ yé ńgÿo *Nzà’nkÿo. E Ssé ka gÿo pú’u, le gwɔ́ gie pʉ̀a Israel ge kúbe mà wɔ́b, à lege menò tepòŋ mɔ́b.

Roma 6:23

a nue mmó gie nò tepòŋ lɔ́g ḿbéen fà’a nyìŋ, á gwɔ́ pɔ́ ngàŋ lekwé, tá afù’ gie e Ssé náa mbwo nyìŋ pɔ́ sẅɛɛ sẅɛɛ, á gwɔ́ pá’ ngàŋ zẅɛ̌’ pá’ á la nnɛ́ ná Cʉ̀apʉ̀a wege Yěsô Kristo, ńgẅiin le gwɔ́ tèmì.

1 Korento 4:7

Akɔ́ zɔɔn ńgÿo ɔ̀ kwaŋ ngie ɔ̀ cʉ́a petsɔ́ pʉ̀a? Ɔ̀ gẅiin kɔ́ tà á té gwɔ́ pɔ́ gie e Ssé la ná né gù wɔ́? À lɔɔn ńgwɔ́ gie e Ssé la ná né gù nǎ, mbà ɔ̀ piŋe ńdɔgɔ ńŋá’te pɔ́ pá’ fʉ̀’ gie e Ssé la tè ná né gù nǎ wɔ́ mélà’a kɔ́?

2 Korento 4:6

á nue e Ssé gẅie à la gɔɔn ngie: «Á poŋ ngie akyɛ̀’ kyɛ’ nzěm», yé lê twó yé kéen ńtó ńkyɛ’ɛ tsɛ̀ɛ mentʉ́m még, légÿo peg zsé pá’ shʉ́shÿɔ́g we aa pú’u, á shʉ́shÿɔ́g gẅie mé ne ńgyá ná shÿó Kristo.

Efeso 1:18

Mèŋ n giŋé ne sẅíŋte yé, ngie à gÿo ntʉ́m gẅi zsé kyɛ̀’ yé légwɔ́ gie pi ge cwoŋo zsé mmó gie à lɔ̌ɔn ńtóŋo gẅi ńtí yɛ̌. Mbɔɔ pá’ pi ge zsé máamaa fù’u mbòŋo gie pia petsɔ́ pʉ̀a pie à la tsɔ́’ɔ wɔ́b ge gÿo kẅé, á gwɔ́ mmó gie à la cwoŋte ńzáb né pi.

Efeso 2:8

À la cÿó gʉm gí, ńgÿo pi tsẅɛ́, éfóo ná pá’ pi la záb ntʉ́m ná Yěsô. Á té fóo né pi wɔ́, à la lɔg pɔ́ pòŋo ntʉ́m yé ńgÿo.

Filipo 1:29

A la cÿó gʉm gí, pi gwɔ́ pʉ̀a Kristo, tá á ké tè gwɔ́ pɔ́ ndà’ pú’u wɔ́, á gíŋe ńgwɔ́ mbɔɔ légyá ngɔ́’ ńtí Kristo.

1 Timote 6:16

ée ndà’ yé gílé yé gẅie aa tèkwé. À ńnéŋe nà jʉ’ gie á pú ńŋwʉŋe tà ńgwɔ́ gie à lɔɔn ńgwɔ́ nyìŋ mesoŋ le tsíŋte tà ḿbɔ́ɔnte jʉ’ó wɔ́. Nyìŋ laa zɔɔn ńgyá yé wɔ́, ńgwɔ́ nyìŋ le ku’u légyá yé wɔ́. Á poŋ mekù’ mé mbɔɔ lefùɔ sé e lá’a ńgwɔ́ pɔ́ wó. *Amen.

Heber 13:8

Yěsô Kristo à laa kúbe, à kaa kúbe, à tě ńdá’a lyɛ̌’ ńkúbe wɔ́.

Ŋwà’ne Jâg 1:5

Nyìŋ lɔɔn ńgwɔ́ tsetsɛ̀ɛ pi, ńtyé nà nò, azse nò zága yé, á lúɔ mbwo Ssé, mbà Ssé ge ná. Á nue e Ssé zɔɔn ńdɔg pɔ́ ntʉ́m mbòŋo ńnáa mmó mbwo wɔ̌wɔ́ɔ té zẅɛ́te.

Ŋwà’ne Jâg 3:15

Yɛ̌ ntí zse nò tě fóo tÿǒ lepwó wɔ́. Á gwɔ́ pɔ́ ye ndùmo ssé tsetsá’ yɔɔn, ńgwɔ́ pɔ́ ye pʉ̀a mesoŋ, éfóo mbwo *messé tepòŋ.

Ŋwà’ne Jâg 3:17

Tá nyìŋ gẅie à gẅiin zse nò gie á fóo tÿǒ lepwó, à zɔɔn ḿvɔg ńgwɔ́ nyìŋ gẅie tsɔ́ *lɔ̌’ té nà ngÿǒ menò mé wɔ́, ḿbɔ́ɔnte ńgiŋe pɔ́ lê mbʉ́lè, ḿbɔ́ɔnte ńgwɔ́ nyìŋ mbʉ́le pʉlé, ńgÿo nò á ku’ ku’, ńzsé létsɔ́ɔn mezìŋe tɛ’, éfa’ mefà’ mbòŋo pɔ́ pú’u. À tè tyɛ̀’te gÿo, ńké tè nkwòŋ menÿɔ́g wɔ́.

1 Jâŋ 1:5

Anò gie Yěsô Kristo la shwóŋó wég, à yɔɔn gie peg ge shwǒŋ pi lɔɔn. À la gɔɔn ngie: E Ssé gwɔ́ pɔ́ kyɛ̀’, mbɔɔ méjʉ’ʉ nzěm à tè ná ngÿǒ menò me wɔ́.

1 Jâŋ 4:10

Nkwòŋe léen ńgwɔ́ pɔ́ pá’ɔɔn, pege zɔ la tè kwoŋ Ssé wɔ́, yé zɔ la kwoŋo wégè. À la kwoŋo wégè kwoŋ tà ńtúmo Míŋ we, á tó ńdɔgɔ twó yé ńnuŋe pwɔ́’ ńtí wégè, áa mmo gie á gÿo Ssé lege menò tepòŋ mégè.

Ŋwà’ne Ngyà jʉ’ 21:23

Shʉ́shÿɔ́g Ssé ne ńkyɛ’ɛ yɛ̌ tÿǒsoŋ, kyɛ’ mûɔ *Njʉ̀njÿò gíŋe ne ńkyɛ’ɛ yé. Tà yɛ̌ tÿǒsoŋ té gíŋe ne ńtsɔ́ɔn ngie nèm tʉ́a wó wɔ́, ńké tè ne ńtsɔ́ɔn ngie saŋ kyɛ’ jʉ’ wó wɔ́.

Ŋwà’ne Ngyà jʉ’ 22:5

Letsẅɛ́’ těen ńge gÿo gíŋe gwɔ́ wó wɔ́. Pɔ́ té nge gÿo gíŋe tsɔ́ɔn kyɛ̀’ gie á fóo ná lâm wɔ́, é ké le ye nèm tsɔ́ɔn. Á nue Cʉ̀apʉ̀a Ssé ge gÿo lɔgɔ yé kyɛ̀’ é kyɛ’ɛ wɔ́b. Pâ pɔ̌ sá’ njÿó nà ngù’ nkɔ́ɔn nê nkɔ̌ɔn.