Ŋwà’ne Jâg 1:16 - Nouveau Testament en Ngienboum

¹⁶ Mefɛ́ pɔ́ɔn pe ntʉ̀ nzẅìŋ, tà nkwaŋá gẅi fʉte gẅí.

Ŋwà’ne Jâg 1:16 ပူးပေါင်းရင်းမြစ်များ

Matio 22:29

Yěsô tsɔ́’ɔ mbwó pɔ́b ngie: Legye sí ne fʉʉ gẅi á nue pi tè mmó gie áa tsɛ̀ɛ ŋwà’né Ssé zsé, ḿbiŋ ńké tè zsé pá’ metʉ̀ Ssé ée pú’u, wɔ́.

Malékuse 12:24

Yěsô tsɔ́’ɔ mbwo pɔ́b ngie: Tà legyè sí gwá fʉʉ gẅi pɛ́’ɛ̀, á té gwɔ́ pɔ́ nò gie pi tè mmó gie áa tsɛ̀ɛ ŋwà’ne Ssé zsé, ḿbiŋ ńké tè zsé pá’ metʉ̀ Ssé ée pú’u, wɔ́ wɔ́?

Malékuse 12:27

Yěsô gíŋe ńgɔɔn ngie: E Ssé tè Ssé mepfó pʉ̀a wɔ́, ee Ssé pʉ̀a metʉ̀. Pi lɔɔn ńkwaŋ pá’ pi kwaŋa lɛ̂, mbà pi fʉ̌a tɛ’.

Megàŋ ntúm 1:15

Á gÿo ńgwɔ́ tsɔ̌ lyɛ̌’, mefɛ́ mefɛ́ cú’te ssé, (tà ńgwɔ́ mmó pʉ̀a nkÿo lemóm mbʉ́a). Piɛ lu ssé, ńtyé tsetsɛ̀ɛ pɔ́b ńgɔɔn ngie:

1 Korento 6:9

Pi tè ne ńzsé ngie pʉ̀a pie pɔ́ gẅiin mà tepòŋ pɔ́ téen ńdá’a ńgẅiin yɔ́b jʉ’ tsɛ̀ɛ nò *lefùɔ Ssé wɔ́ ka? N gɔɔn pʉ̀a pá’ pie pɔ́ pumte wɔ̌wɔ́ɔ pâ pɔ̌ nuŋe nuŋe, mbɔɔ pʉ̀a pie é gu’te shúm ngie ee messé, mbɔɔ mbàŋa lâ pànzwě pie pɔ́ gÿo gÿɛ́, mbɔɔ pàgÿo menò sẅile sẅile, mbɔɔ mbàŋa gie é sele ńgÿo nò mámbàŋa pɔ́ manzwě tsetsɛ̀ɛ pɔ́b kà pànzwě wɔ́, mbɔɔ metsǒŋ, là pàkwoŋ nkáb tɛ’, lâ mepʉ̀a melù’, lâ pàshwóŋó tepòŋ nà mezíŋ pʉ̀a, lâ pàgwoon ńkẅé, ndyɛ̌’ pi fʉte mbùm gi nà mɔɔn menò ka, pɛ̌ pʉ̀a pɔ́ téen ńdá’a ńkúu nà nò *lefùɔ Ssé wɔ́.

Galatia 6:7

Tà nyìŋ sele fʉte twó mbùm yé, mé ee ntě ńgwága Ssé wɔ́. Nyìŋ lɔɔn ḿbye kɔ́ wɔ́, mbà à ge lá’ káb pɔ́ yɛ̌.

Filipo 2:12

Á cʉa pú’u, mbà mefɛ́ pɔ́ɔn pè ntʉ̀ nzẅìŋ, pá’ pi ee ńké ńzɔɔn ńjú’u pɔ́ ncwò Ssé tà fó pá’ n daa tsetsɛ̀ɛ pi la, pi kě ne ńgíŋe ńtÿɔ́gɔ kwò pɔ́ mǒ á nà fʉ̀’ɔɔn gie mèŋ n te tsetsɛ̀ɛ pi wɔ́ lɔɔn. Pi kag tʉ̀, tà nyìŋ gÿo megʉa. E Ssé kéen ńgÿo pi tsẅɛ́, pi lêen ńké fa’ mefà’ mie é pumo ná pʉ̀a pie é kéen ńtsẅɛ́.

Filipo 4:1

Mefɛ́ pɔ́ɔn pe ntʉ̀ nzẅìŋ, áa yɛ̌ tá mèŋ n gɔɔn né pi ngie, pi lɔgɔ gẅi leńnéŋe ńnyɛ ngie pi kú’te nò Cʉ̀apʉ̀a tà á tʉ̀. Mèŋ n ne ńtsɔ́ɔn légíŋe ńgyá gẅí. Pi ée mefɛ́ pɔ́ɔn pe ntʉ̀ nzẅìŋ. Pi pie pi ee ssé ńgwɔ́ wɔ̀ɔn lekág, ńgwɔ́ yɔ̀ɔn *ngǔ’.

Kolosia 2:4

Mèŋ shwóŋó gẅi mɔɔn menò ḿbɔ́gɔ tsɔ̌ nyìŋ létó ńdɔgɔ shwóŋè gie mé neŋé ssé ńtáŋte, ésele twó gí.

Kolosia 2:8

Pi pɔ́ɔn nyìŋ lélɔgɔ zse nò pʉ̀a mesoŋ gie á gwɔ́ pɔ́ fÿɔ́g sẅɛ̀ɛ, éfʉte gẅí, pi gwe ná lejÿɔ̀’ sé. Yɛ̌ gwɔ́ pɔ́ cÿɔ̌ nò gẅie é jʉ́’ʉ ná nùŋe pʉ̀a mesoŋ, ńgíŋ ńjʉ’ʉ nà metʉ̀ mentí mentí mie ée tsɛ̀ɛ njÿó, é té jʉ́’ʉ ná Kristo wɔ́.

2 Timote 2:18

Pɔ́ kéen ńgwá’a mánzsè nò gie áa nénʉ́. Pɔ́ zɔ́gɔ ńgɔɔn ngie e Ssé kéen ńdá’ ńgÿo pege zíme ná legwé. Pɔ́ kéen ńgÿo pú’u, tà tsɔ̌ lelÿò pʉ̀a tè nyé ńgwɔ́ ná mánzsè nò gie áa nénʉ́ wɔ́.

Heber 13:1

Pi kẅi’i ńgẅiin nkwòŋe tsetsɛ̀ɛ pi, pá’ á ne ńzɛ́te ngie pʉ̀a Kristo gÿo pú’u, tsetsɛ̀ɛ pɔ́b.

Ŋwà’ne Jâg 1:19

Mefɛ́ pɔ́ɔn pe ntʉ̀ nzẅìŋ, pi zsé ngie áa mbòŋ mbwo nyìŋ lézsé lézẅí’te nò gie mé gɔɔn, ḿbiŋ ńgɔɔn yé nò á ku’ ku’, é ké le lwo ńgyáŋa lóŋ wɔ́,

Ŋwà’ne Jâg 1:2

Mefɛ́ pɔ́ɔn, ngʉ̀ngʉ̀ mentí mentí lɔɔn ńne ńkúu gẅí, pi lɔg pɔ́ kwà’ lekág ńkẅé.

Ŋwà’ne Jâg 2:1

Mefɛ́ pɔ́ɔn tà pi ne ńzába ntʉ́m ná Cʉ̀apʉ̀a Yěsô Kristo wege gẅie à gẅiin máamáa legú’, ńgíŋe ńgẅiin tyɛ̀’te tsetsɛ̀ɛ pi.

Ŋwà’ne Jâg 2:14

Mefɛ́ pɔ́ɔn, nyìŋ lɔɔn ngie à zǎb ntʉ́m wé nà Ssé, à tè fa’ méfà’ ńdɔg ńnyɛ wɔ́, mbà á ge kẅéte nà kɔ́? Tà ńgwɔ́ yɛ̌ ntí lezáb ntʉ́m nà Ssé é gÿo nyìŋ tsẅɛ́?

Ŋwà’ne Jâg 2:5

Mefɛ́ pɔ́ɔn pe ntʉ̀ nzẅìŋ, pi jú’ mboŋó, e Ssé la tsɔ́’ pʉ̀a pie mé tóŋo tsɛ̀ɛ njÿó lê mefÿɔg, ńdɔg ńgÿo pàzáb ntʉ́m ná yé tɛ’, pɔ́ gẅiin yɔ́b jʉ’ tsɛ̀ɛ nò lefùɔ sie à la ka’a mbwo pʉ̀a pie é kwoŋo yé.

Ŋwà’ne Jâg 3:1

Mefɛ́ pɔ́ɔn, tà pi metsèm tsɔ́ɔn légwɔ́ pàzí’i pʉ̀a mmó, pi ne ńzsé mboŋó ngie, peg pie peg zí’i pʉ̀a mmó, ntí gie mé ge lá’ lɔg ŋaga wég, e ge lá’ tʉ cʉa ye petsɔ́ pʉ̀a.

Ŋwà’ne Jâg 3:10

Mbʉ́lè mbɔɔ ndòon pǔ ńkẅɛɛ pɔ́ tsɛ̀ɛ tà’ ncwò wémɔ’ɔ́. Mefɛ́ pɔ́ɔn, á kɔ’ɔ́ tè poŋ ngie à gwɔ́ pú’u wɔ́.

Ŋwà’ne Jâg 4:11

Mefɛ́ pɔ́ɔn, tà zẅɛ́te gwɔ́ tsetsɛ̀ɛ pi. Nyìŋ lɔɔn ńzẅɛ́te ná fɛ́ we, kà ńtú pɔ́ *lɔ̌’ yé wɔ́, mbà à zẅɛ́te pɔ́ nà *lepʉ̌, ḿbiŋe ńtúu pɔ́ *lɔ̌’ lepʉ̌. Nyìŋ lɔɔn ńké ńtúu lɔ̌’ɔ lepʉ̌, mbà à tè gíŋe ńgwɔ́ nyìŋ gẅie à kú’te lepʉ̌ wɔ́, à cʉ’ʉ́ ńtúu lɔ̌’ɔ lepʉ̌ tú.

Ŋwà’ne Jâg 5:12

Mefɛ́ pɔ́ɔn, á lɔɔn ńgwɔ́ pɔ́ nò kɔ́ wɔ́, tà pi gɔɔn nò tà ńkʉa. Tà pi lɔg lepwó ńkʉa nò. Tà pi lɔgɔ tsetsá’ ńkʉa, tà pi zɔɔn fó ńkʉa nò kʉa. Á poŋ ngie gẅi oon à gwɔ́ pɔ́ oon, agẅi ngǎŋ à gwɔ́ pɔ́ ngǎŋ. À cʉa pú’u, tá Ssé le gÿo e ngie pi gwě ntsaŋ wɔ́.

Ŋwà’ne Jâg 5:19

Mefɛ́ pɔ́ɔn, nyìŋ gẅi lɔɔn fʉa mánzsè, ńnyé nò gie áa nénʉ́, mé piŋ ńtÿɔ́gte yé, tà á piŋ nzèm,