Ŋwà’ne Jâg 1:14 - Nouveau Testament en Ngienboum

¹⁴ Ye ntí letsɔ̌ɔn shúm zɔ shwoŋte yé, á gwe ná lejÿɔ̀’.

Ŋwà’ne Jâg 1:14 ပူးပေါင်းရင်းမြစ်များ

Matio 15:18

Tá’, àmmó gie á fó ncwò nyìŋ ńkẅɛ, a fóo tsɛ̀ɛ ntʉ́m yé, yɛ̌ zɔ̌ ńnéŋe *lɔ̌’ ná ngàŋ.

Matio 15:20

Gyá shúm sie é ńnéŋe *lɔ̌’ á ná nyìŋ, tá ńgwɔ́ gie nyìŋ lɔɔn ńjÿó shúm té sɔg mbwó pá’ mà lá’ wege ne ńzɛ́te, á le ńnéŋe *lɔ̌’ ná yé wɔ́.

Matio 4:1

À Zẅìge Ssé fó jʉ’ó, ńdɔgɔ Yěsô ńgee nkwòŋo tsẅɛ, pá’ Sátà ge kwa’te yé.

Matio 5:28

!Tá mèŋ n gɔɔn né pi ngie: Nyìŋ lɔɔn ńdíe manzwě ńtsɔ́ɔn á zsé ngie áa tsɛ̀ɛ ntʉ́m yé mámbàŋa, mbà à ně ńdá’ ńgÿo gÿɛ́.

Roma 7:11

N da jú’ sɛ̌ *lepʉ̌, nò tepòŋ gie áa ná mèŋ gyá shÿó ńdɔg *lepʉ̌ ŋwɛ́ ńdʉte wɔ̀ɔn, mèŋ n gÿo nò tepòŋ, anò tepòŋ cʉa mǒ ńzẅé wɔ̀ɔn.

Roma 7:13

Tà áa pú’u pá’ɔɔn ńdɔgɔ ńgɔɔn ngie ammó gie áa mbòŋ kéen ńtóo ná mèŋ ńcʉ́’ pɔ́ legwé keen? Ngǎŋ á té pú’u wɔ́. Anò tepòŋ zɔ̌ la gÿo n kwé, anò tepòŋ la kwa’ ńnyɛ ngie á té poŋ. Á la zẅɛ́’ɛ mmó gie áa mbòŋ ńdɔg ńgÿo mèŋ n kwé, ńdɔg pú’u, ńcʉa nà mmó gie e Ssé la tsẅi ngie mé gÿo, ńkẅɛɛ kwà’ máamáa nò tepòŋ.

Efeso 4:22

mbà á ne ńzɛ́te ngie pi kẅɛɛ ná nzẅìŋe mà gẅie mé la lɔg ńzyé gẅí, ndʉŋ ndʉŋ pá’ nyìŋ sẅɛɛ nzẅìŋe nzsǒ ná yé ńgwá’a la. Wɛ̌ mà aa gẅie à kɔ̌ɔn ńcʉa nà shúm tepòŋ sie à kɔ̌ɔn ńtsɔ́ɔn, ńkẅi’i ḿbÿɔ́g pÿɔ́g. Sɛ̌ shúm tepòŋ gwɔ́ shúm sie é fʉte nyìŋ fʉte.

Heber 3:13

Tá’, pi ne ńkẅiŋte mennɛ́ mí pi né pi kẅiŋte, pú’u ńzsé ngie nò tepòŋ té ge fʉte tsɔ̌ nyìŋ gẅi, letʉ́m sé tʉ, á le gíŋe ńjú’ ngyè Ssé wɔ́ wɔ́. Pi gÿo pú’u, lyɛ̌’ ntsèm, á nue yɔɔn áa lyɛ̌’ gie mé ée tsɛ̀ɛ ŋwà’ne Ssé ńtóŋ ngie à lyɛ̌’ɔɔn. Yɔɔn zɔɔ lyɛ̌’ gie ńgwɔ́ mé jú’ ngyè Ssé.

Ŋwà’ne Jâg 1:13

Nkwà’te lɔɔn ńké ńtóo ná ngàŋ, tà á gɔɔn ngie nkwà’te yɔɔn fóo mbwo Ssé, á nue à lɔɔn ńgwɔ́ e Ssé le gẅiin kwàŋte légÿo nò tepòŋ wɔ́, kwà’ yé ké le tsóte nyìŋ ngie à gÿo nò tepòŋ wɔ́.

Ŋwà’ne Jâg 1:15

Letsɔ̌ɔn shúm ŋwɛ́ gwɔ́ tà ńgá’, ńkẅɛɛ nò tepòŋ, anò tepòŋ gá’ ńkẅɛɛ legwé.