Ŋwà’ne Jâg 1:10 - Nouveau Testament en Ngienboum

¹⁰ À gẅie aa ngàŋa mmó kág yé á nue e Ssé kéen sẅí’i nzẅìŋ wé, tà á zsé ngie à ge lá’ mag yé pɔ́ pá’ tootǒ maga nà legǐ la.

Ŋwà’ne Jâg 1:10 ပူးပေါင်းရင်းမြစ်များ

Matio 5:3

Pàshÿó mbòŋo ee pʉ̀a pie pɔ́ zsé ngie pɔ́ ee mvfò Ssé pɔ́ té tsɔ́ mmó ku’, mélà’mie pɔ́ ge gÿo jÿó pì *lefùɔ Ssé.

Matio 6:30

Tà Ssé lɔɔn ḿma’ nzsǒ mbòŋo á nà legǐ gẅie à zɔ́gɔ nká’ lyɛ̌’ɔɔn, njÿó lʉ́a mé kɔ́’ ńtuɔ mmɔ̌g, mbà á ge kúu ná pi tá à zág nzsǒ lá? Á gwɔ́ pɔ́ ngie: Pi té záb ntʉ́m nà Ssé fʉ̀’ ntsèm wɔ́.

1 Korento 7:31

Pʉ̀a pie pɔ́ ne ńjÿó fù’ tsɛ̀ɛ yɔɔn njÿó ńnéŋe pá’ fʉ̀’ gie pɔ́ té ne ńjÿó wɔ́ la, á nue njÿó yɔɔn gie pege ne ńgyá lɔɔn tě ge lá’a gwɔ́ pɔ́ wó wɔ́.

Filipo 3:8

é té gwɔ́ pɔ́ ndà’ pú’u wɔ́, le zsé Yěsô Kristo, á Cʉ̀apʉ̀a wɔ̀ɔn zɔ cʉ̌’ ńcʉa nò ntsèm. À kɔ̀ɔkɔ́ɔ cʉ́’ ńgwɔ́ pɔ́ pyé. Mbà mèŋ n déen ńdʉ’ shúm ntsèm ńtí pɔ́ yé. N cʉ̌’ ńdíe sɛ̌ shúm ntsèm é gwɔ́ pɔ́ kʉ̀ŋe. Kristo zɔ̌ cʉ́’ʉ yɔ́ɔn pì,

1 Timote 6:17

Á gʉa ná pʉ̀a pie pɔ́ ée megàŋa mmó tsɛ̀ɛ yɔɔn njÿó, tsẅi né pɔ́b ngie pɔ́ pɔ́ɔn le ŋá’te nnɛ́, ńgie tà pɔ́ ńnéŋe ńzẅí’te wɔb lepòŋ pɔ́ nà shúm sie pɔ́ gẅiin, á nue á gwɔ́ pɔ́ fù’u njÿòon. Tsẅi né pɔ́b ngie pɔ́ zẅí’te wɔb lepòŋ pɔ́ mbwo Ssé gẅie à náa wege shúm ntsèm tà é gyɔ́ɔn gyɔ̌ɔn ngie pege lɔg ńkẅéte mbùm yege.

Ŋwà’ne Jâg 4:14

Pi tè zsé pá’ lyɛ’ɛ́ lá’ jǔɔ ge gwɔ́ pú’u, mbwo pi wɔ́, !pi zsé ngie pi ee pá’ zẅɛ̌ lekʉŋ gie á kẅɛ, ńtóo léńnéŋe é syeen.

1 Piɛ 1:24

Mé la ŋwe’e tsɛ̀ɛ ŋwà’ne Ssé ngie: Nyìŋ mesoŋ ntsèm gwɔ́ pɔ́ pá’ legǐ We legú’ ntsèm gwɔ́ pɔ́ pá’ tootǒ legǐ gẅie aa nká’. Legǐ jǔm, à tootǒ tsɔ́’ɔ ńgwe ssé.

1 Jâŋ 2:17

Njÿó zɔɔn ńgwɔ́ ssé ne ńcʉa cʉa, tà mbɔɔ shúm sie pʉ̀a mesoŋ ne ńgyá tsɛ̀ɛ njÿó ńtsɔ́ɔn légẅiin. Tá nyìŋ gẅie à gÿo mmó gie Ssé ne ńkwoŋo, à ge gwɔ́ pɔ́ wó fʉ̀’ ntsèm.