Ŋwà’ne Jâg 1:1 - Nouveau Testament en Ngienboum

¹ Àa mèŋ Jâg, mèŋ fa’a fà’ Ssé, mbɔɔ ye Cʉ̀apʉ̀a Yěsô Kristo. Mèŋ n náa yɔɔn ŋwà’ne á mbwo pi púɔ Ssé pie ée nà mengẅɛ̀ ndá pà Israel ntsɔ̀b pʉ́a nê legém, mbà pɔ́ léen sa jʉ’ ntsèm tsɛ̀ɛ mengwòŋ. Mèŋ n tsyɛ’té gẅí.

Ŋwà’ne Jâg 1:1 ပူးပေါင်းရင်းမြစ်များ

Matio 10:3

ńgÿo Filib pɔ́ Patelemî, ńgÿo Tomáse pɔ́ Matio, á nkẅè ncùb pà *Roma, ńgÿo Jâg míŋ Alfe pɔ́ Tadé,

Matio 13:55

À tè gwɔ́ pɔ́ míŋ kápíndɔ́ɔn wɔ́ lê? Lezíŋ má we té lê Malîɛ wɔ́ lê? À tè fɛ́ Jâg, lê Yesyɛ̂b, mbɔɔ Símo lê Jẅide wɔ́ lê?

Matio 19:28

Yěsô tsɔ́’ ngie: Tà mèŋ shwóŋó gẅí, kwà’ nénʉ́, mé ge lá’ kúu tsɛ̀ɛ ngwòŋ sẅé, *Míŋ Nyìŋ ńnéŋe nà lʉŋe lefùɔ yé gie á gẅiin shʉ́shÿɔ́g, pi pʉ̀a ntsɔ̀b pʉ́a nê legém pie pi la cʉ́me nzèm mèŋ, gíŋe ńnéŋe gí nà melʉŋ ntsɔ̀b pʉ́a nê legém, ńŋag pʉ̀a Israel, ngẅɛ̀ ntsɔ̀b pʉ́a nê legém

Malékuse 3:18

Yěsô gíŋe ńtsɔ́’ɔ Ndeléya, pɔ́ Filib, ńgÿo Patelemî nê Matio, pɔ́ Tomáse, ńgÿo Jâg míŋ Alfe, ńgÿo Tadé nê Símo mûɔ ngwòŋ,

Lukase 22:30

Afʉ̀’ gie mèŋ n ge gwɔ́ Fùɔ la, pege tem shúm ḿpfɛ́, ńnú, pi piŋ ńnéŋe nà melʉŋe lefùɔ, ńŋag ngẅɛ̀ ndá Israel ntsɔ̀b pʉ́a nê legém.

Lukase 6:15

ńgÿo Matio, ńgÿo Tomáse, ńgÿo Jâg míŋ Alfe, ńgÿo Símo gẅie pɔ́ lɔ́ɔn ńtóŋo yé le mûɔ ngwòŋ,

Ŋwà’ne Jâŋ 12:26

Nyìŋ lɔɔn ne fa’a mbwo mèŋ, á cʉ́me nzèm mèŋ. Àjʉ’ gie mèŋ n gee wó la, ngàŋa fà’ wɔ̀ɔn gÿo ńgwɔ́ yé wó. Nyìŋ lɔɔn ne fa’a mbwo mèŋ, mbà Tá wɔ̀ɔn ge gÿo ná mekù’ mé.

Ŋwà’ne Jâŋ 7:35

Epʉ̀a zye légɔɔn tsetsɛ̀ɛ pɔ́b ngie: Aa pá’ɔɔn ge gʉa pɔ́ nzɔ̌, tà peg le yé gyá? A ge gʉa kẅɛ́te pɔ́ pʉ̀a pégè pie pɔ́ la sa jʉ’, ńgee lá’ pà Gelekia keen? Kà à gee pɔ́ ńzí’i pà Gelekia nò Ssé?

Megàŋ ntúm 1:13

Pɔ́ kúu Yerósalem, ńkwɔ́’ɔ ná ndêg we tÿǒ, ńkúu tsɛ̀ɛ lûm ndá gẅie pɔ́ lɔ́ɔn ńcú’te wó. Wɔɔn laa Piɛ, ńgÿo Jâŋ pɔ́ Jâg, ńgÿo Ndeléya. Wɔɔn gwɔ́ Filib, ńgÿo Tomáse, pɔ́ Patelemî mbɔɔ Matio. Wɔɔn gwɔ́ Jâg míŋ Alfe, ńgÿo Símo gẅie mé lɔ́ɔn ńtóŋo yé le mûɔ ngwòŋ, pɔ́ Jẅide míŋ Jâg.

Megàŋ ntúm 12:17

Piɛ myɛ’te pwó ńdɔg ńgɔɔn ngie pɔ́ láŋte. Pɔ́ láŋte, á zye lépíte shwóŋó wɔ́b pá’ Cʉ̀apʉ̀a ně ńgÿo tá á kẅɛɛ ndá tsǎŋ, ḿbiŋ ńgɔɔn né pɔ́b ngie: Pi gʉa ńtsẅii yɔɔn nò, á mbwo Jâg mbɔɔ mbwo petsɔ́ mefɛ́ mefɛ́, ńgɔɔn pú’u, ńkẅɛ, ńgʉa lê jʉ’e ndyɛ̀’ɛ.

Megàŋ ntúm 15:13

Pɔ́ píte tà ńtsẅé jʉ’, Jâg gɔɔn yé ngie: Mefɛ́ pɔ́ɔn, pi zẅí’te nò gie mèŋ n gee ngɔ̌ɔn.

Megàŋ ntúm 15:21

Tà fó mengù’u mengù’, ńkú lyɛ̌’ɔɔn, mé ée ńzɔ́gɔ pɔ́ lésá’ mbʉ̌ Mǒsê tsɛ̀ɛ metÿǒsoŋ, ngwòŋ melyɛ’ɛ́ nzse pà Yuda ntsèm. Mé tóŋo pɔ́ sɛ̌ *lepʉ̌ tsɛ̀ɛ *mendá cú’tè mɔ́b.

Megàŋ ntúm 15:23

Mé gÿo ŋwà’ne gie pɔ́ ge lɔg gʉa, ńŋwe’e tsoló ngie: Peg megàŋ ntúm Yěsô, pâ pàkẅé mvfò tsɛ̀ɛ cú’tè pʉ̀a Kristo á Yerósalem, peg mefɛ́ pí peg tsyɛ’té gẅi metsèm, á gẅi mefɛ́ mefɛ́ pie pi tè pà Yuda wɔ́, á gẅi gẅie pi tsẅé Antiokia, tà mbɔɔ petsɔ́ pʉ̀a pie ée nà pàga ngwòŋ Siria, tà mbɔɔ pʉ̀a pie ée nà pàga ngwòŋ Silisia.

Megàŋ ntúm 2:5

Á laa ná mɛ̌ melyɛ̌’, pà Yuda pie pɔ́ gÿo mekù’ Ssé, mbà pɔ́ ka fó tsɛ̀ɛ métúm ntsèm ńtó ńgwɔ́ Yerósalem.

Megàŋ ntúm 21:18

Njÿó gÿo ńdʉa, pega Pɔl gʉa mbʉ̀a Jâg, ńkúu wó pàkẅé mvfò tsɛ̀ɛ cú’tè pʉ̀a Kristo ye Yerósalem pú ńtó yɔ́b.

Megàŋ ntúm 23:26

Àa mèŋ Kɔlɔde Lisias. Mèŋ n ŋwe’e yɔɔn ŋwà’ne ńnáa mbwo gù ngúmnɔ́ɔn Felese. Màkwáŋ weg, n tsyɛ’té.

Megàŋ ntúm 26:7

Mengẅɛ̀ ndá mégè ntsɔ̀b pʉ́a nê legém pú ne ńzẅí’te yɔ́b pɔ́ lyɛ̌’ gie Ssé ge gÿo yɛ̌ nò pumte. Tà ńgwɔ́ fʉ̀’e zsǒ mbɔɔ letsẅɛ́’, ńne sẅíŋte Ssé, ńké ńzẅí’te pɔ́ yɛ̌. Ankwɔbɔ́, pà Yuda sẅiŋe wɔ̀ɔn pá’ɔɔn ńtí pɔ́ nue mèŋ n ne ńzẅí’te yɛ̌ mmó.

Megàŋ ntúm 8:1

Sɔ̂l tyé jʉ’ó, ńzẅíŋe mmó gie mé gÿǒ ná Etien Á la fó lyɛ̌’ ŋwɛ́, mé zye lényɛ pʉ̀a Kristo ngʉ̀ngʉ̀ á Yerósalem tɛ’. Pɔ́ pú ńkÿo, ésa jʉ’ ná shÿó Jẅidea lâ Samalîɛ tà é cʉ́’ pɔ́ ndà’ megàŋ ntúm Yěsô á Yerósalem.

Roma 1:1

Yɔɔn ŋwà’ne fóo mbwo mèŋ Pɔl, nyìŋ gẅie á fa’a fà’ Yěsô Kristo, e Ssé la tóŋo wɔ̀ɔn ńdɔg ńgÿo ngàŋ ntúm Yěsô Kristo, ńzába wɔ̀ɔn ngie n gʉa ńtsẅi Nkʉ̀ Mbòŋo wé mbwo lá’.

Galatia 1:19

é té ndà’ yé wɔ́, mbà mèŋ n da tè gíŋ ńgyá tsɔ̌ ngàŋ ntúm Yěsô we ndyɛ̀’ɛ wɔ́, n da gíŋ ńgyá pɔ́ Jâg fɛ́ Cʉ̀apʉ̀a.

Galatia 2:12

Yɛ̌ nò gwɔ́ pá’, pʉ̀a pie Jâg la túm, la gwaa tó, Piɛ pâ pʉ̀a Kristo pie é té pà Yuda wɔ́ ne ńteme ńjÿó mmó. Pɛ̌ pʉ̀a gwɔ́ tà ńtó á lɔg pɔ́ ndɔ́ɔn ndɔ́ɔn ńkẅɛɛ tsetsɛ̀ɛ pɔ́b, pâ pɔ̌ cʉ́’ʉ ńteme mmó wɔ́, á nue à la ne ḿbɔ́gɔ nò gie pʉ̀a pie é kẅite nò lépú’ pʉ̀a ge gɔɔn ná yé.

Galatia 2:9

Jâg, Piɛ mbɔɔ Jâŋ, é pʉ̀a pie mé lɔ́ɔn ńdíe wɔ́b pá’ mentóon tsɛ̀ɛ cú’tè pʉ̀a Kristo la, la gwɔ́ tà ńzsé ngie e Ssé la kwa’ ńcʉ́me yɔɔn fà’ mbwo mèŋ, ńnáa pwó né peg Panebâse, lélɔg ńda’te ngie pega pɔ̌ ee tà’ ncwò nà fà’a Ssé. Pú’u, peg gẅiin légʉa tsetsɛ̀ɛ pʉ̀a pie é té pà Yuda wɔ́, ńtsẅi nkʉ̀ mbòŋo, pɔ́b yɔ́b pâ Piɛ gẅiin légʉa tsetsɛ̀ɛ pà Yuda ńtsẅi.

Filipo 1:1

Yɔɔn ŋwà’ne fóo mbwo mèŋ Pɔl. Peg Timoté gẅie peg yé pú fa’a nzèm Yěsô Kristo náa mbwo pi pie pi la zẅɛ́’ɛ Yěsô Kristo ńgwɔ́ pʉ̀a Ssé, á gẅi gẅie pi ee tÿǒsoŋ Filipo. Á gíŋe ńgwɔ́ gí pi pà líe cú’tè pʉ̀a Kristo laa pi pàfa’a tsɛ̀ɛ cú’tè.

2 Timote 4:21

Kág tʉ̀ ńtó tá fʉ̀’ʉ fÿɔ́g zye. Eubule, mbɔɔ Pẅideŋ, mbɔɔ Linus, mbɔɔ Kelɔdia ńgÿo petsɔ́ mefɛ́ mefɛ́, pɔ́ tsyɛ’té gú.

Titus 1:1

Yɔɔn ŋwà’ne áa ńŋwe’e mèŋ Pɔl, mèŋ fa’a fà’ Ssé, ńgíŋ ńgwɔ́ ngàŋ ntúm Yěsô Kristo. E Ssé la zába wɔ̀ɔn lékẅíŋte pʉ̀a pie yé Ssé la tsɔ́’ ńdɔg ńgÿo pʉ̀a pé. Á lékẅíŋte wɔ́b pɔ́ ké ńzáb ntʉ́m ná yé záb, ḿbiŋ ńgÿo pɔ́ zsé nò nénʉ́ gie mé cʉa mǒ ńzsé legìŋ gẅie à póŋ Ssé.

1 Piɛ 1:1

Aa mèŋ Piɛ, ngàŋ ntúm Yěsô Kristo, mèŋ n náa yɔɔn ŋwà’ne mbwo pi pie Ssé la tsɔ́’ɔ gẅí, pi lěen sa jʉ’, ńgʉa né tsɛ̀ɛ ngwòŋ Pôŋ, á tsɛ̀ɛ we Galatia, á tsɛ̀ɛ we Kapadosia, á tsɛ̀ɛ we Azia, mbɔɔ tsɛ̀ɛ we Mbitinia. Pi ee tsɛ̀ɛ mengwòŋ ŋwɛ́ ńgwɔ́ megʉ̀.

2 Piɛ 1:1

Aa mèŋ Símo Piɛ, nyìŋ gẅie à fa’a fà’ Yěsô Kristo, ńgíŋ ńgwɔ́ ngàŋ ntúm we. Mèŋ n náa yɔɔn ŋwà’ne mbwo pi pie pi la záb ntʉ́m ná Yěsô Kristo pá’ peg yég. Lezǎb ntʉ́m ná Yěsô Kristo áa mmó tʉ̀ nzẅìŋ mbwo pi mbɔɔ mbwo peg yég. Yěsô Kristo yé maŋwɛ́ zɔ la gÿo pú’u, né pege, á nue à gÿo mmó nà wɔ̌ɔwɔɔ pɔ́ ndʉŋ ndʉŋ. Aa Ssé yege, ńgwɔ́ nyìŋ gẅie á gÿo pege tsẅɛ́ɛ.

Jẅide 1:1

Àa mèŋ Jẅide, nyìŋ gẅie à fa’a fà’a Yěsô Kristo, ńgwɔ́ fɛ́ Jâg. N túmo yɔɔn ŋwà’ne ńnáa mbwo pi pie Tá wege Ssé la tóŋo gẅí. À kwoŋo gẅi ńne ńtÿɔ́’te gẅi ńdɔgɔ ńzẅí’te Yěsô Kristo.

Ŋwà’ne Ngyà jʉ’ 7:4

Mèŋ n deen ńké ńjú’ mé gɔɔn ngie, epʉ̀a pie mé cÿɔ’ɔ́ liŋé ye Ssé nà zǐ yɔ́b ée pʉ̀a ntsá’ nkÿo lê ntsá’ ntsɔ̀b lekùa lê móm lekùa (144.000), ḿbú fóo nà metsìŋe ndá púɔ pà Israel ntsèm ntsèm.