Matio 9:8 - Nouveau Testament en Ngienboum

⁸ Àlá’ gyá yɔ̀ɔn nò á kʉ’ʉ wɔ́b, pɔ́ ne ńgu’te Ssé ná pá’ à nǎ yɔ̀ɔn ntí metʉ̀ mbwó pʉ̀a mesoŋ.

Matio 9:8 ပူးပေါင်းရင်းမြစ်များ

Matio 12:23

Àlá’ ntsèm pú ńgyá ḿmɔɔn tɛ’, ńgɔɔn ngie: Ndyɛ̀’ tsɔ́ aa nyìŋ na ngẅɛ fùɔ Ndavíd wɛ̌.

Matio 15:31

Pàtámbǎ’ gɔɔn nò, mekÿǒon zeŋe, pàpwɔ́’te mekwò giŋ mboŋó, pàfʉ̀ menÿɔ́g gyá jʉ’ mboŋó. Àlá’ gyá ḿmɔɔn tɛ’, ńgu’te Ssé pà Israel.

Matio 28:18

Yěsô tóo lejʉ́ŋ pɔ́b, ńgɔɔn né pɔ́b ngie: E Ssé leen ńná tʉ̀ ntsèm né mèŋ lélɔg sá’ shúm sie ée tÿǒ lepwó mbɔɔ sie ée ndùmo ssé tsetsá’.

Matio 5:16

Aa yɛ̌ tá á poŋ ngie pi kyɛ’ pʉ̀a mesoŋ tá pɔ́ gyá nò mbòŋo gie pi ne ńgÿo, ńdeen ńké ńgu’te Tá gẅi gẅie aa tÿǒ lepwó.

Matio 9:7

Nyìŋ ŋwɛ́ lu ssé, ńgʉa nê mbʉ̀a yé.

Malékuse 2:12

Á gwóon ńdu ssé, ńkaa páŋte we, ńdɔg ńně ńgee, alá’ ne ńdíe, á pú ńně ńkʉ’ʉ wɔ̌ɔwɔ́ɔ. Pɔ́ ne ńgu’te Ssé ńgɔɔn ngie: Peg laa zɔɔn ńgyá yɔɔn ntí nò wɔ́!

Malékuse 7:37

Pʉ̀a metsèm ne ńjú’u, ḿbú ḿmɔɔn tà ńgɔɔn ngie à gÿo yé kɔ̀ɔkɔ́ɔ, á gwɔ́ pɔ́ mbòŋ. À gÿo pà mbǔ’ metuŋó jú’u nò, mbɔɔ pa támbǎ’ gíŋe shwóŋe.

Lukase 13:13

ńgɔɔn pú’u, ńzáb mbwo mé twó manzwě ŋwɛ́. Á gwóon ḿbʉ’ʉ nnɛ́ ńtyé ndʉŋ ndʉŋ, ńgu’te Ssé.

Lukase 17:15

Atsɔ̌ tà’ ná pɔ́b gyá pá’ à zeŋé, ḿbiŋ nzèm, ńkwé’e ngyè ye ńnáa tÿǒ ńdɔg ńgú’te Ssé.

Lukase 17:18

Pɔ́ pǔ ńzeŋe metsèm, tà ndà’ gù wɔɔn zɔ tǒ lénná ndǎg mbwo Ssé ká?

Lukase 18:43

Fʉ̀ ŋwɛ́ gwoon ńgíŋe ńgyá jʉ’, ńcʉ́me nzèm Yěsô, ńgiŋe ńgu’te Ssé, alá’ gyá yɔɔn nò, ńgwóon ńzye lé pú ńgu’te Ssé.

Lukase 2:20

Pàpyɛ́b mvfó gwaa piŋ nzèm, ńgiŋe ńzɔbɔ ńdɔgɔ ńgu’te Ssé, ésíe yé ńtí menò mie pɔ́ ně ńjú’, pɔ́ pǐŋ ńgyá kɔ̀ɔkɔ́ɔ gwɔ́ pɔ́ pá’ *cÿɔ́’ Ssé ně shwóŋó wɔ́b.

Lukase 23:47

Tá ndá pàlÿɔ́’ ncù pà *Roma jʉ’ó la pú ńgyá kɔ̀ɔkɔ́ɔ wɔ́ gie á pǔ ńcʉa, tà ye mbÿɛ̌ gwɔ́ le gɔɔn ngie: Nyìŋ wɔɔn kaa tèfʉa. Ashwóŋè yé ŋwɛ́ ná mekù’ mbwo Ssé.

Lukase 7:16

Alá’ gie á laa ssé la gyá, ecÿɔ’ gwoon wɔ́b métsèm, pɔ́ gu’te Ssé, ńgɔɔn ngie: Máamáa *ntsẅì nkʉ̀ Ssé tǒ lá’ peg, e Ssé tǒ ńkẅéte pʉ̀a pé.

Ŋwà’ne Jâŋ 15:8

Ammó gie á lɔɔn ńgwɔ́ á gÿo mé gu’te Tá wɔ̀ɔn, aa pá’ à lɔɔn ńgwɔ́ pi gÿo shúm mbòŋo tɛ’, ḿbiŋ ńgwɔ́ *ngàŋa kwò yɔ́ɔn.

Megàŋ ntúm 11:18

Epʉ̀a Kristo jú’ menò mɔɔn, ḿbʉ́le ńnéŋe, ḿbiŋ ne ńnáa ndǎg mbwo Ssé ńgɔɔn ngie: À yɔɔn gie e Ssé ka ná shÿó mbɔɔ mbwo pʉ̀a pie é té pà Yuda wɔ́, á lékúbe mà, á gÿó pɔ́ gẅiin le gwɔ́ tèmì.

Megàŋ ntúm 21:20

Pàkẅé mvfò tsɛ̀ɛ cú’tè pʉ̀a Kristo jú’u yɔɔn nò á poŋo wɔ́b tɛ’. Pɔ́ kwé’e lezíŋ Ssé ńnáa tÿǒ, ńgɔɔn né Pɔl ngie: Afɛ̌ weg, gyá jú. Pà Yuda ntsá’ tà ńgyɔ́ɔn kéen ńcʉ́’ pʉ̀a Kristo, ḿbiŋ ńgwɔ́ kwà’ pàkú’te *lepʉ̌ Mǒsê té kʉ́a.

Megàŋ ntúm 4:21

Pàsá’ ntsaŋ é gíŋe ńnyɛte ḿbebe wɔ́b, ńnyé wɔ́b pɔ́ gʉa. Mbà pɔ̀ fǎ’ shÿo gẅie pɔ́ ge fó mǒ lɔg nyɛɛ wɔ́b ngɔ́’, pɔ́ té gyá ńtí lá’. Á nue pʉ̀a metsèm laa jʉ’ó, ńně ńgu’te Ssé nà mmó gie á ka cʉa.

2 Korento 9:13

Pɔ́ ge zsé nzẅìŋ yɔɔn fà’, é gu’te Ssé ná pá’ pi ne ńtÿɔ́gɔ kwò ná nò gie nkʉ̀ mbòŋo Kristo ne ńgɔɔn. Pɔ́ ge gíŋe gu’te Ssé ná pá’ pi lɔgɔ́ pòŋo ntʉ́m, ńnáa mmó né pɔ́b tà mbɔɔ petsɔ́ pʉ̀a.

Galatia 1:24

Á cʉa pú’u, pɔ́ ne ńgu’te Ssé ńtí wɔ̀ɔn.

1 Piɛ 2:12

!Pi gẅiin tsẅé mbòŋo tsetsɛ̀ɛ pà tèzsé nò Ssé, tà ńgwɔ́ gie pɔ́ lɔɔn ne shwóŋte té poŋ ná lezíŋ sí, pɔ́ gyá menò mbòŋo mie pi ne ńgÿo, ńgu’te lezíŋ Ssé fʉ̀’ gie Ssé ge gÿo tó gɔɔn nò né pɔ́b.