Matio 9:6 - Nouveau Testament en Ngienboum

⁶ Mèŋ n ge ké nyɛɛ gẅi ngie: *Míŋ Nyìŋ aa ndùmo ssé tsetsá’, mbà mé la ná metʉ̀ né yé lélɔg ńdege menò tepòŋ pʉ̀a mesoŋ ńnáa mbwó pɔ́b, ńdeen ńké ńgɔɔn né ngàŋa kẅʉ́’te ngie: Lu ssé, ńkaa páŋte gù, ńdɔg ńgʉa né mbʉ̀a gù.

Matio 9:6 ပူးပေါင်းရင်းမြစ်များ

Matio 4:24

Á gwɔ́ pú’u, mé lɔg lezíŋ sé ésa ngwòŋ Siria ntsèm. Mé ne ńdɔgɔ pʉ̀a metsèm pie meguɔ ntí ntí laa ná pɔ́b, é pʉ̀a pie *messé tepòŋ la ne ḿbue wɔ́b, mbɔɔ pàgwe gwá’, lâ megàŋa kwʉ́’te ńtóo, Yěsô gÿo pɔ́ zeŋe.

Matio 8:20

Yěsô tsɔ́’ɔ mbwó yé ngie: Meshʉ̀shʉ̀ gẅiin membÿé, meshʉ́ŋ piŋ ńgẅiin menkʉ̀a mɔ́b. Tá *Míŋ Nyìŋ tè gẅiin jʉ’ gie à lɔɔn ńgwɔ́ á zẅɛte wó wɔ́.

Matio 9:2

ńkúu wó, mé lɔgɔ tsɔ̌ ngàŋa kwʉ́’te ńtó, á nuŋe ná páŋte. Yěsô gyá ntí gie, mbàŋa gie é lɔgɔ́ yé ńtó, lɔg ńzab ntʉ́m ná yé, ńgɔɔn né ngàŋa kwʉ́’te ngie: Míŋ wɔ̀ɔn ɔ́ɔ shÿó mbòŋo! Mé legé menò tepòŋ mú ńnáa mbwó gù.

Matio 9:5

Pi gyǎ ngie á zeŋe pɔ́ légɔɔn né nyìŋ ngie: Mé legé menò tepòŋ mú, ka pɔ́ légɔɔn ngie lu ssé ńgiŋ?

Matio 9:7

Nyìŋ ŋwɛ́ lu ssé, ńgʉa nê mbʉ̀a yé.

Malékuse 2:10

Mèŋ n ge ké nyɛɛ gẅi ngie, áa ndùmo Ssé tsetsá’, mbà mé la ná tʉ̀ né *Míŋ Nyìŋ, lélɔg ńdege menò tepòŋ pʉ̀a mesoŋ ńnáa mbwó pɔ́b. Yěsô zɛ́te pɛ́’ɛ̀, ńdeen ńké ńgɔɔn né ngàŋa kwʉ́’te ngie:

Malékuse 2:7

Nyìŋ wɔɔn shwóŋó lêkɔ́ lɛ? À zoonté Ssé. E Ssé gílé yé zɔ ku’u lélege menò tepòŋ nyìŋ.

Lukase 5:21

Pàkyàgte *lepʉ̌ Mǒsê lâ pà *farisay jú’, ńzye lézẅɛ́te ngie: Wɔɔn aa wɔ̌ gẅie à zoonte Ssé? E Ssé gílé yé zɔ ku’u lélege menò tepòŋ nyìŋ.

Ŋwà’ne Jâŋ 10:28

Mèŋ n naa le gwɔ́ tèmì mbwo pɔ́b, pɔ́ téen ńdá’a ńgíŋe ńkaa ndòon tèmì wɔ́. Sɔɔn nyìŋ piŋ tè ku’u léfó mbwo mèŋ ésa’a wɔ́b gwɔ́.

Ŋwà’ne Jâŋ 17:2

Ɔ̀ la ná metʉ̀ mbwo yé lélɔg ńdíe pʉ̀a mesoŋ, ńzsé ngie à ge náa légwɔ́ tèmì, á mbwo pʉ̀a metsèm pie ɔ̀ la náa mbwo yé.

Ŋwà’ne Jâŋ 5:27

À la gíŋe ńnáa yé metʉ̀ lélɔg ńzá’ mentsaŋ pʉ̀a mesoŋ, mélà’mie yé zɔɔ *Míŋ Nyìŋ.

Ŋwà’ne Jâŋ 5:8

Yěsô gɔɔn né yé ngie: Lu ssé, ḿbíi mátà gù, ńgiŋ.

Megàŋ ntúm 5:31

E Ssé ka gÿo á kwɔ́’, á ńnéŋe yé nà gwòŋo pwò yé ye tʉ̀, pú’u, ńdɔgɔ yé ńgÿo fùɔ, ńgíŋe ńdɔgɔ yé ńgÿo *Nzà’nkÿo. E Ssé ka gÿo pú’u, le gwɔ́ gie pʉ̀a Israel ge kúbe mà wɔ́b, à lege menò tepòŋ mɔ́b.

Megàŋ ntúm 9:34

Piɛ gɔɔn né yé ńgie: Enée, Yěsô Kristo gÿǒ ɔ̀ zeŋe. Lu ssé, kwà’ gù zɔ cwoŋte kǔ ɔ́. Enée gwóon ńdu ssé.

2 Korento 2:10

Pi lɔɔn ńdege mefʉa nyìŋ, ńnáa mbwo yé, mbà mèŋ n degé yɔ́ɔn ńnáa mbwo ngàŋ, ńgwɔ́ gie n dɔɔn ńgẅiin lélege mefʉa nyìŋ, ńdege, mbà mèŋ n tyé mvfò Kristo ńdege pɔ́ lélɔg ńkẅéte gẅí,

2 Korento 5:20

Peg lɔgɔ pá’ɔɔn ńgwɔ́ memântúm Kristo tá ńgɔɔn nò. Áa pá’ɔɔn ńdɔgɔ ńgwɔ́ ngie e Ssé yé máŋwɛ́ zɔ tóŋo pʉ̀a. Peg lɔ̌g lezíŋ Kristo, ésẅíŋte ngie pʉ̀a zẅíŋ e Ssé gÿo pâ pɔ́ gíŋ ńgwɔ́ mbòŋ.

Efeso 4:32

ńdíe mefɛ́ pí pɔ́ lê ntʉ́m mbòŋo, ńgẅiin tsɔ́ɔn mezìŋe nzèm petsɔ́ pʉ̀a, pi lege mefʉ̀a tsetsɛ̀ɛ pi né pi, ndʉŋ ndʉŋ pá’ Ssé la cʉa ná Kristo ńdege mí gí né pi.

Kolosia 3:13

Pi gẅiin shÿɔ̀gɔ ntʉ́m tsetsɛ̀ɛ pi, nyìŋ gẅi fʉa nò pi lege ńnáa mbwo ye, ńdege mefʉa mí tsetsɛ̀ɛ pi né pi, pá’ Cʉ̀apʉ̀a wege la lege mefʉa mí gí la.