Matio 9:38 - Nouveau Testament en Ngienboum

³⁸ Á poŋ ngie pi sẅíŋte ngàŋ nká’ à kẅi’i megàŋa fà’ pie pɔ́ ge ne laga shúm sé.

Matio 9:38 ပူးပေါင်းရင်းမြစ်များ

Matio 9:37

Á leen ńké ńgɔɔn mbwó *ngàŋa kwò yé ngie: Eshúm sie mé gee nká’ ńdagá é gyɔ́ɔn tɛ’, nzẅìŋ ngàŋa fà’ piŋ ńkɔ́g.

Ŋwà’ne Jâŋ 20:21

Yěsô gíŋe ńgɔɔn né pɔ́b ngie: Mbʉ́lè gwɔ́ né pi. Pá’ Tá wɔ̀ɔn la túmo wɔ̀ɔn la, mèŋ n tumó gẅi yɔ́ɔn.

Ŋwà’ne Jâŋ 4:35

Pi zɔ ee ntě ńgɔɔn ngie: É cʉ́’ʉ ńzága mesàŋ lekùa, mé lág shúm wɔ́ leen? Tá’, mèŋ n ge shwóŋó gẅi yɔ́ɔn ngie: Pi pʉ’ʉ twó gí, ńdíe tsẅɛ tá ńgyá, eshúm tʉ̌ tà ńcʉ́’ʉ ńzɛ́te pɔ́ lélag.

Megàŋ ntúm 13:2

Pɔ́ gÿo ne *ńkwoŋo kwoŋ ńnéŋe nzyè, ésẅíŋte Ssé. A Zẅìge Ndʉalʉ̌a gɔɔn né pɔ́b ngie: Pi faga Panebâse pɔ́ Sɔ̂l, ńnyé wɔ́b, pɔ́ fa’a fà’ gie mèŋ n ka tsɔ́’ɔ wɔ́b ńtí yɛ̌.

Megàŋ ntúm 8:4

Pʉ̀a Kristo pie pɔ́ la sa jʉ’, gʉa jʉ’ ntsèm tsɛ̀ɛ lá’, ńgiŋe ńtsẅii nkʉ̀ mbòŋo Yěsô.

1 Korento 12:28

E Ssé la cʉ́’ʉ létaŋte cú’tè yé, ḿvɔg ńzáb megàŋ ntúm, ḿbɔ́ɔnte ńzáb pà ntsẅì nkʉ̀ pie é fóo mbwo yé, ḿbɔ́ɔnte ńtÿɔ́g pà zí’i pʉ̀a nò Ssé, mé fó ná pɔ́b ńgyá pʉ̀a pie à la cÿó gem yɔ́b, á gwɔ́ pá’ pɔ́ ge gÿo menò mmɔɔn mmɔɔn, ḿbɔ́ɔnte ńgyá pʉ̀a pie à la cÿó gem yɔ́b, á gwɔ́ pá’ pɔ́ ge gÿo megùɔ zeŋe, mé fó ná pɔ́b ńgyá pʉ̀a pie ayɔ́b fù’ áa lékẅéte petsɔ́ pʉ̀a mbɔɔ pʉ̀a pie pɔ́ táŋte cú’tè, tà mbɔɔ pʉ̀a pie à la cÿó gem yɔ́b á gwɔ́ pá’ pɔ́ ge shwóŋó meshwóŋè mie pɔ́ laa zí’i.

Efeso 4:11

Yé zɔ la náa fù’ ye wɔ̌wɔ́ɔ nà pʉ̀a pé, ńdɔg ńcÿó gʉm yé, ńdɔg petsɔ́ ńgÿo megàŋ ntúm, ńdɔg petsɔ́ ńgÿo pʉ̀a pie é ńnéŋe ńtsẅi nkʉ̀ gẅie é fó mbwo Ssé, ńdɔg petsɔ́ ńgÿo pà sá’ Nkʉ̀ Mbòŋo, ńdɔg petsɔ́ ńgÿo pà kẅé mvfò, mbɔɔ pá’ pɔ́ ge ne zí’i pʉ̀a nò Ssé.

2 Tesalonika 3:1

Mefɛ́ mefɛ́, anò gie peg ge lɔg cʉ́me, á gwɔ́ pɔ́ ngie pi sẅíŋte Ssé nà twó ség, tá shwóŋè Cʉ̀apʉ̀a kẅi’i sa jʉ’, ńgwɔ́ mmó mekù’ pá’ áa mbʉ̀a pi ńgwɔ́ lɛ.