Matio 9:34 - Nouveau Testament en Ngienboum

³⁴ Tá’ pà *farisay gɔɔn yɔ́b ngie: Tándá *messé tepòŋ zɔ gÿo tá Yěsô ku’u léjwoŋ *messé tepòŋ

Matio 9:34 ပူးပေါင်းရင်းမြစ်များ

Matio 10:25

Mé lɔɔn ḿvɔg ńtóŋo ngàŋ ndá ngie: Bɛlzebùl, mbà mé ge kúu nà pʉ̀a ndá pé, tá nyé té tóŋo wɔ́b pú’u, keen? Á lɔɔn ńgwɔ́ gie kɔ́ la gÿo tsítsà wɔ́, mbà yɛ̌ mmó ge lá’ gÿo nyìŋ gẅie à ne ńzí’i nò yé, ńgwɔ́ gie kɔ́ la gÿo tá pà nkwɔɔn wɔ́, mbà yɛ̌ mmó ge gíŋe lá’ gÿo nkwɔɔn yé.

Matio 11:18

Wɛ̂ kwà’ pá’ pɔ́ la gÿo nà Jâŋ. À la tó à tè mmó pfɛ́, à tè melù’ ńnú, pɔ́ gɔɔn ngie aa pʉ̀a.

Matio 12:22

Mé lɔgɔ tsɔ̌ nyìŋ ńtóo mvfò Yěsô, mbà *ssé tepòŋ leen ńgÿo á fʉ, ńgíŋ ńcʉ́’ʉ támbǎ’. Yěsô gÿo nyìŋ ŋwɛ́ zeŋe, ńgwóon ńzye leshwóŋe, mbɔɔ légyá jʉ’ mboŋó.

Matio 12:27

Pi gɔ̌ɔn ngie n dɔgɔ pɔ́ metʉ̀ Bɛlzebùl tá ńdɔgɔ ńjwoŋo *messé tepòŋ, tà pá’ pí pʉ̀a gíŋe ńjwoŋo yɔ́b *messé tepòŋ li, pɔ́ piŋe ńdɔgɔ yɔ́b metʉ̀ nzɔ̌ tá ńjwoŋo? Kwà’ pʉ̀a pí ŋwɛ́ nyɛɛ gẅi ngie pi gɔɔn pɛ́’ɛ éfʉa fʉa.

Malékuse 3:22

Mbà tsɔ́ *pàkyàgte lepʉ̌ Mǒsê ně fó Yerósalem ńcwóŋ ńtó, ńgɔɔn yɔ́b ngie: E *Ssé tepòŋ gie mé tóŋo lé Mbelzebùl zɔɔ ná yé. À lɔgɔ pɔ́ metʉ̀ tándá *messé tepòŋ.

Lukase 11:15

Tá’ etsɔ́ pʉ̀a tsetsɛ̀ɛ pɔ́b ne shwóŋte ńgɔɔn ngie: Bɛlzebùl, á tá ndá *messé tepòŋ zɔ gÿo tá Yěsô ku’u léjwoŋ *messé tepòŋ.

Ŋwà’ne Jâŋ 3:20

Ngÿǒ menò nyìŋ lɔɔn ńzɔɔn tè ne ḿboŋo wɔ́, mbà ngàŋ ge pʉa kyɛ̀’ pʉa, á le kwoŋo légiŋe jʉ’ gie kyɛ̀’ áa wó wɔ́, ḿbɔ́gɔ nue ngÿǒ menò mé ge kẅɛɛ mángyɛ̌.

Ŋwà’ne Jâŋ 7:20

Alá’ tsɔ́’ɔ mbwo Yěsô ngie: Ɔ̀ɔ *ssé tepòŋ! Awɔ̌ ne fa’a lézẅé gú?