Matio 9:3 - Nouveau Testament en Ngienboum

³ Etsɔ́ *pàkyagte lepʉ̌ Mǒsê gwɔ́ jʉ’ó, ńjú’, ńne ńgɔɔn tsetsɛ̀ɛ pɔ́b ngie: Nyìŋ wɔ̀ɔn kaŋá lʉŋe Ssé mboo!

Matio 9:3 ပူးပေါင်းရင်းမြစ်များ

Matio 26:65

*Nùŋe pwɔ́’ we lÿò jú’ pú’u, ésele *shʉate menzsǒ mé, ńgɔɔn ngie: À zoonté Ssé, pege giŋé fa’a pɔ́ yɛ̌ ntí pàjÿò ngyá. Kwà’ pi gí jǔ’ pá’ à zoonté Ssé.

Matio 7:29

mélà’mie à lɔ̌ɔn ntě ńgÿo pá’ *pàkyagte lepʉ̌ Mǒsê wɔ́. À lɔ̌ɔn ńzí’i tà ńzsé mmó gie à gÿo yɛ̌.

Malékuse 14:64

Pi jǔ’ pá’ à kaŋá lʉŋe Ssé pɛ́’ɛ̀, ńkwaŋ gí ngie kɔ́? Pʉ̀a metsèm gɔɔn ngie: À gwɔ́ pɔ́ nyìŋ gẅie à lɔɔn ńgwɔ́ mé zẅé yé zẅé.

Malékuse 3:28

Tà mèŋ ńke shwóŋó gẅí, kwà’ nénʉ́, à lɔɔn ńgwɔ́ Ssé lá’ ḿbú ńdege menò tepòŋ pʉ̀a mesoŋ ntsèm ńnáa mbwo pɔ́b, tà mbɔɔ meshwóŋè ntsèm mie pɔ́ lɔgɔ ńzoonte yé.

Malékuse 3:29

Tá’, nyìŋ lɔɔn ńzoonte Zẅìge Ndʉalʉ̌a, mbà tsɔ̌ lélá’ ńdege ńnáa mbwo ngàŋ à tè gíŋe ńgwɔ́ wó wɔ́, mélà’mie à gẅiin menò tepòŋ mie é téen ńdá’a ḿmaga wɔ́.

Malékuse 7:21

Menkwaŋá tepòŋ zɔɔn fó pɔ́ tsɛ̀ɛ ntʉ́m nyìŋ mesoŋ, tá ńtsóte mbàŋa pɔ́ fa’a panzwě, epanzwě fa’a mbàŋa, ńtsóte nyìŋ á gwáa ńjʉ, ńtsóte nyìŋ á zẅé wetsɔ̌,

Lukase 5:21

Pàkyàgte *lepʉ̌ Mǒsê lâ pà *farisay jú’, ńzye lézẅɛ́te ngie: Wɔɔn aa wɔ̌ gẅie à zoonte Ssé? E Ssé gílé yé zɔ ku’u lélege menò tepòŋ nyìŋ.