Matio 9:29 - Nouveau Testament en Ngienboum

²⁹ Yěsô leen ńké ńzába pwó ná menÿɔ́g mɔ́b, ńgɔɔn ngie á poŋ ngie à kɔ́ɔkɔ́ à gwɔ́ pá’ pi zǎb ntʉ́m ná mèŋ ńkwaŋ ngie á ge gwɔ́.

Matio 9:29 ပူးပေါင်းရင်းမြစ်များ

Matio 15:28

Yěsô leen ńké ńtsɔ́’ ngie: Má wɔ̀ɔn! Ɔ̀ záb ntʉ́m ná mèŋ tɛ’. Á poŋ ngie àmmó gie ɔ̀ ne ńtsɔ́ɔn á pumte! Yěsô gɔɔn pú’u, míŋ manzwě wá gwóon ńzeŋe pɔ́ kwà’ fʉ̀’ó.

Matio 20:34

Yěsô tsɔ́ɔn mezìŋe mɔ́b, ńzab mbwó mé ná menÿɔ́g mɔ́b, e gwoon nzyé légyá jʉ’, pɔ́ cʉ́me nzèm yé.

Matio 8:13

Yěsô piŋ ńgɔɔn mbwó tándá ncù ngie: Piŋ nê mbʉ̀a gù! Pá’ ɔ̀ zǎb ntʉ́m ná mèŋ lá, àmmó gie ɔ̀ tsɔ̌ɔn ge gwɔ́ pú’u, ńgɔɔn pú’u, mênkʉ́ tándá ncù leen ńzeŋe pɔ́ fʉ̀’ó, pɔ́ fʉ̀’ó.

Matio 9:22

Yěsô sele nnɛ́, ńgyá yé, ńgɔɔn né yé ngie: Míŋ wɔ̀ɔn, ɔ́ɔ shÿó mbòŋo, ntí gie ɔ̀ lɔ̌g ńzáb ntʉ́m gú ná mèŋ lɛ̂, gÿǒ ɔ̀ zeŋe. Á gwóon ńzeŋe pɔ́ fʉ̀’ó fʉ̀’ó.

Matio 9:28

Á gʉa tà ńkúu ndá, pàfʉ̀ menÿɔ́g pá tó ńkẅɛ́te yé, á zɛ́te wɔ́b ngie: Pi kwǎŋ ngie á lɔɔn ńgwɔ́ n gÿo mmó gie pi zɛ́te lɛ̂? Pɔ́ yé oon mé Cʉ̀apʉ̀a ɔ̀ ku’u légÿo.

Malékuse 10:52

Yěsô gɔɔn né yé ngie: Pá’ ɔ̀ zǎb ntʉ́m ná mèŋ la, ɔ̀ zeŋé, cʉ́’ ńgʉa jú gʉa. Afʉ̀ menÿɔ́g gwoon ńzye légíŋe ńgyá jʉ’, ńcʉ́me nzèm Yěsô pâ pɔ́ gʉa.