Matio 9:28 - Nouveau Testament en Ngienboum

²⁸ Á gʉa tà ńkúu ndá, pàfʉ̀ menÿɔ́g pá tó ńkẅɛ́te yé, á zɛ́te wɔ́b ngie: Pi kwǎŋ ngie á lɔɔn ńgwɔ́ n gÿo mmó gie pi zɛ́te lɛ̂? Pɔ́ yé oon mé Cʉ̀apʉ̀a ɔ̀ ku’u légÿo.

Matio 9:28 ပူးပေါင်းရင်းမြစ်များ

Matio 13:1

Yěsô piŋ ńkẅɛɛ ndá lyɛ̌’o, ńgʉa ńnéŋe ngʉ́ŋe letʉŋ.

Matio 13:36

Yěsô leen ńké ńnyé lá’ ńkúu ndá, *ngàŋa kwò yé kẅɛ́te yé, ńzɛ́te yé ngie: À kyagte sagá nò ná mbyè mmó ye tepòŋ yá éshwóŋó wɔ́b.

Matio 13:58

Yěsô gɔɔn pú’u, à tè gÿo menò mmɔɔn mmɔɔn wó tà é gyɔ́ɔn wɔ́, mélà’mie pɔ́ la tè záb ntʉ́m ná yé wɔ́.

Matio 8:14

Yěsô fó jʉ’ó ńgʉa ndá piɛ, ńkúu wó ńgyá màkẅi’ Piɛ nuŋe, nnɛ́ ne ńkwɔ́’ɔ yé.

Matio 8:2

Àtsɔ̌ ngàŋ nkà’ páb tó ńkẅí’te mvfò yé, ńgɔɔn ngie: Cʉ̀apʉ̀a mèŋ n zsě ngie ɔ̀ lɔɔn ńkwoŋ, mbà ɔ̀ ku’u légÿo mèŋ n zeŋe.

Matio 9:22

Yěsô sele nnɛ́, ńgyá yé, ńgɔɔn né yé ngie: Míŋ wɔ̀ɔn, ɔ́ɔ shÿó mbòŋo, ntí gie ɔ̀ lɔ̌g ńzáb ntʉ́m gú ná mèŋ lɛ̂, gÿǒ ɔ̀ zeŋe. Á gwóon ńzeŋe pɔ́ fʉ̀’ó fʉ̀’ó.

Matio 9:27

Yěsô fó jʉ’ó ne ńgee, etsɔ́ pàfʉ̀ menÿɔ́g mépʉ́a cʉ́me nzèm yé, ńne ńga’te ńgɔɔn ngie: Nyìŋ na ngẅɛ fùɔ Ndavíd tsɔ́ɔn mezìŋe még.

Matio 9:29

Yěsô leen ńké ńzába pwó ná menÿɔ́g mɔ́b, ńgɔɔn ngie á poŋ ngie à kɔ́ɔkɔ́ à gwɔ́ pá’ pi zǎb ntʉ́m ná mèŋ ńkwaŋ ngie á ge gwɔ́.

Ŋwà’ne Jâŋ 11:26

Nyìŋ gẅie à nyé ntentʉ́, ńzáb ntʉ́m ná mèŋ, à těen ńdá’a ńkwé wɔ́. Tà ɔ̀ zẅiŋé yɔɔn nò?

Ŋwà’ne Jâŋ 11:40

Yěsô tsɔ́’ɔ mbwo yé ngie: Mèŋ n ně tè gɔɔn né gù ngie ɔ̀ lɔɔn ńzáb ntʉ́m ná mèŋ, mbà ɔ̀ ge gyá legú’ Ssé wɔ́ le?

Megàŋ ntúm 14:9

Á gwɔ́ tsɔ́ lyɛ̌’, ńne ńzẅí’te shwóŋè gie Pɔl ne ńgɔɔn. Pɔl líe yé, ńgyá á ne ńzába ntʉ́m nà Ssé tà ńgwɔ́ gie à lɔɔn ńgwɔ́ Ssé gÿo á sẅéte.