Matio 9:27 - Nouveau Testament en Ngienboum

²⁷ Yěsô fó jʉ’ó ne ńgee, etsɔ́ pàfʉ̀ menÿɔ́g mépʉ́a cʉ́me nzèm yé, ńne ńga’te ńgɔɔn ngie: Nyìŋ na ngẅɛ fùɔ Ndavíd tsɔ́ɔn mezìŋe még.

Matio 9:27 ပူးပေါင်းရင်းမြစ်များ

Matio 1:1

Mezíŋ pàmangʉa njʉ̀’ Yěsô Kristo gẅie aa na ngẅɛ fùɔ Ndavíd, éfóo na ngẅɛ Ábalam e mɔɔn:

Matio 11:5

éshwóŋó yé ngie: Mefʉ̀ menÿɔ́g ne ńgyá jʉ’, pà pwɔ́’te mekwò ne ńgiŋe mbóŋo, megàŋ nkà’ ne ńzeŋe, pà mbǔ’ metuŋó ne ńjú’u jʉ’, mepfó ne ńzyeen, mé ne sá’a nkʉ̀ mbòŋo nò Ssé mbwó mefÿɔ́g

Matio 15:22

ńkúu wó, àtsɔ̌ manzwě Kanaan fó wó ńtó, ńzye léga’te, ńgɔɔn ngie: Cʉ̀apʉ̀a, nyìŋ na ngẅɛ fùɔ Ndavíd! E *Ssé tepòŋ pǔ ne ńgege míŋ wɔ̀ɔn we manzwě tɛ’.

Matio 17:15

ńgɔɔn né yé ngie: A nde, tsétsɔ’, tsɔ́ɔn mezìŋe míŋ wɔ̀ɔn mɔɔn, aa ngwègwá’. À gyá ngɔ́’ tɛ’, à gwǎ ńgwe tsɛ̀ɛ mmɔ̌g, tà mbɔɔ tsɛ̀ɛ ntse.

Matio 20:29

Yěsô paa *ngàŋa kwò yé gÿo ne foo tsɛ̀ɛ tÿǒsoŋ Yériko nkẅɛɛ, anùɔ lá’ cʉ́me nzèm yé.

Matio 21:15

*Metándá pànùŋe pwɔ́’ pâ *pàkyagte lepʉ̌ Mǒsê, gyá menò mmɔɔn mmɔɔn mie Yěsô gÿǒ, ńgíŋ ńjú’ pá’ penkʉ́ ée tsɛ̀ɛ *jʉ’ʉ Ssé ńzɔbɔ ńgɔɔn ngie: Gugẅî, àgù’te áa mbwó nyìŋ na ngẅɛ fùɔ Ndavíd, ńgyáŋa lóŋ,

Matio 21:9

Àlá’ gwɔ́ mvfò, yetsɔ́ gwɔ́ nzèm, ńgiŋe ńgɔɔn ngie: “Gugẅî”! Mbwó nyìŋ na ngẅɛ fùɔ Ndavíd Mbʉ́lè gwɔ́ né nyìŋ gẅie à tóo ná lezíŋ Cʉ̀apʉ̀a. Gugẅî mbwó Ssé tàa tÿǒ lepwó

Matio 9:28

Á gʉa tà ńkúu ndá, pàfʉ̀ menÿɔ́g pá tó ńkẅɛ́te yé, á zɛ́te wɔ́b ngie: Pi kwǎŋ ngie á lɔɔn ńgwɔ́ n gÿo mmó gie pi zɛ́te lɛ̂? Pɔ́ yé oon mé Cʉ̀apʉ̀a ɔ̀ ku’u légÿo.

Malékuse 11:10

Mbʉ́lè gwɔ́ né nyìŋ gẅie à tóo ńjÿó lefùɔ tá wege fùɔ Ndavíd. Gùugẅî gwɔ́ mbwo Ssé tàa tÿǒ lepwó!

Malékuse 9:22

Á piŋ ńgwɔ́ tà *ssé tepòŋ ŋwɛ́ gwoon yé, ńne ḿma’a yé nzɔ̌ wɔ́, ḿma’a ma’, kà tsɛ̀ɛ mmɔ̌g wɔ́, kà tsɛ̀ɛ ntse wɔ́, éfa’ pɔ́ shÿó léké ńzẅé yé zẅé. Tsétsɔ’ tsɔ́ɔn mezìŋe mɔ́ɔn, ńkẅéte wɔ̀ɔn, ńgÿo à sẅéte pá’ ɔ̀ lɔɔn ńku’.

Lukase 17:13

ńga’te lê tʉ ńgɔɔn ngie: Yěsô, Andè, tsɔ́ɔn mezìŋe még.

Lukase 20:41

Yěsô piŋ ńgɔɔn né pɔ́b ngie: Pi kwáŋ gí ngie mé zí’i pʉ̀a ngie *Nzà’nkÿo gẅie Ssé la ka’ à ge lá’ gwɔ́ nyìŋ nà ngẅɛ̀ fùɔ Ndavíd pɛ́’ɛ̀ á lɔgɔ ńgwɔ́ lêkɔ́?

Lukase 7:21

Á la gwaa gwɔ́, Yěsô ne ńzoŋo meguɔ tà ńgyɔ́ɔn, ńně siŋte *melɔ̌’ ntí ntí, ńně ńjwoŋo *messé tepòŋ mie é pue pʉ̀a, ńně ńgÿo pafʉ̀ menÿɔ́g gyá jʉ’.

Ŋwà’ne Jâŋ 7:42

Ńtí nue mé la ŋwe’e tsɛ̀ɛ ŋwà’ne Ssé ngie: *Nzà’nkÿo ge lá’ fó pɔ́ nà ngẅɛ̀ ndá fùɔ Ndavíd, ńgie *Nzà’nkÿo ge lá’ fó pɔ́ Mbetélehem á gẅie áa lá’ pà fùɔ Ndavíd.

Roma 1:3

Wɛ̌ nkʉ̀ gɔɔn nò nà Míŋ we Yěsô Kristo gẅie aa Cʉ̀apʉ̀a wege. À la sele ńcʉ́’ʉ nyìŋ mésoŋ mé zyé yé nà ngẅɛ̀ ndá fùɔ Ndavíd.

Roma 9:5

Pà mangʉa njʉ’ pɔ́b la kẅɛɛ nà ngẅɛ̀ Ábalam. Kristo gẅie aa Ssé, la gÿo ńkẅɛ yé nà yɛ̌ ngẅɛ̀, á fʉ̀’ gie mé la zyé yé á gwɔ́ nyìŋ mesoŋ. À pǔ ńcʉa kɔ̀ɔkɔ́ɔ. Mbʉ́lè gwɔ́ ná yé mengù’u mengù’. *Amen.