Matio 9:13 - Nouveau Testament en Ngienboum

¹³ Áa yɛ̌ tá mèŋ n ne ńgɔɔn né pi ngie: Pi gʉa nzí’i mmó gie yɔ̀ɔn nò gie mé la ŋwe’e lɔgɔ ńgɔɔn: «Mèŋ n kwoŋo tsɔ́ɔn mezìŋe, ńcʉa pwɔ́’ gẅie mé lɔgɔ ńgu’te wɔ̀ɔn». Yɔ̀ɔn aa mmó gie á gÿo, mèŋ n gɔɔn ngie: N ka te tó letóŋ pʉ̀a membóŋo wɔ́, mèŋ n kɔ̌ɔn ńtóo ntí pɔ́ megàŋ mefʉa ngie pɔ́ piŋe mbwó Ssé.

Matio 9:13 ပူးပေါင်းရင်းမြစ်များ

Matio 12:3

Yěsô tsɔ́’ɔ mbwó pɔ́b ngie: Pi laa fó ńtóŋo jʉ’e ŋwà’ne Ssé gie á la’te mmó gie fùɔ Ndavíd la gÿo wɔ́ ka? Pá’ á laa tsɔ̌ lyɛ̌’, nzyè gyáŋa wɔ́b lâ pʉ̀a pé.

Matio 12:5

Ka pi laa fó ńtóŋo tsɛ̀ɛ ŋwà’ne Mǒsê, ngie aa lyɛ’ɛ́ nzse pa Yuda, *pànùŋe pwɔ́’ pie pɔ́ gẅiin fà’ *jʉ’ʉ Ssé ké tè zẅɛte, tá á téen ńdɔgɔ ńgwɔ́ ngie pɔ́ fʉa *lepʉ̌ wɔ́.

Matio 12:7

Pi gwé’e ńzsé mmó gie jʉ’e ŋwà’ne gie á gɔɔn ngie: «Mèŋ n kwoŋo tsɔ́ɔn mezìŋe, ńcʉa pwɔ́’ gẅie mé lɔgɔ ńgu’te wɔ̀ɔn» lɔgɔ ńgɔɔn, mbà pi te zába nò twó pʉ̀a pɛ̂, pie pɔ́ kaa nò fʉa wɔ́.

Matio 19:4

Yěsô zɛ́te wɔ́b ngie: Pi tè tóŋo ŋwà’ne Ssé ńjú’ wɔ́ ka? Mé la ŋwe’e ngie: «E Ssé la fó nùŋe ngwòŋ ḿbwóon mámbàŋa pɔ́ manzwě».

Matio 21:42

Yěsô gɔɔn né pɔ́b ngie: Á lɔɔn tè kɔ́ wɔ́, mbà pi leen ńtóŋo jʉ’ʉ ŋwà’ne Ssé gie á gɔɔn ngie: «Tóon gẅie pàpwóon ndá la gwá’, leen ńcʉ́’ʉ tóon gẅie yé zɔ pi’ ndá. Cʉ̀apʉ̀a zɔ la gÿo pú’u, á gwɔ́ máa nò mbòŋo á menÿɔ́g pege»?

Matio 3:2

Pi kúbe mà gẅi, á nue àfʉ̀’ gie Ssé ge nyɛ lefùɔ sé tsoté tà ne ḿbɔ́ɔnte.

Matio 3:8

Pi gÿo pɔ́ menò mbòŋo mie e nyɛɛ ngie pi kubé mà.

Matio 4:17

Yěsô gwɔ́ Kapernawúm pú’u, ńzye léshwóŋó nò Ssé, ńně ńgɔɔn ngie: Pi kúbe mà gẅi, á nue àfʉ̀’ gie Ssé ge nyɛ lefùɔ sé tsoté tà ne ḿbɔ́ɔnte

Malékuse 12:26

Á gʉa nà mepfó pie é zimé nà legwé, mbà pi laa fó ńtóŋo mmó gie Mǒsê la ŋwe’e, ńda’te mmó gie e Ssé la gɔɔn né yé, á jʉ’ gie tsɔ̌ mûɔ métÿǒ laa wó, mmɔ̌g gwɔ́ mǒ wɔ́ kà? E Ssé la ne ńgɔɔn ngie: «Mèŋ, n gee Ssé Ábalam, ńgwɔ́ Ssé Esâg, ńgwɔ́ Ssé Yakwɔ́b»

Malékuse 12:33

Á poŋ ngie nyìŋ kwoŋo yé lê ngwòŋ ntʉ́m wé ntsèm, ńdɔgɔ zsé nò yé pâ metʉ̀ mé ntsèm tsèm, éfa’ pɔ́ ndà’ mbwó yé, ḿbiŋ ńkwoŋo fɛ́ we nyìŋ mesoŋ pá’ twó mbùm yé. Angàŋ gÿo pú’u, á pú ḿboŋ ńcʉa ye létuɔ menɔ̀ɔn ńnáa mbwo Ssé, ńcʉa mbɔɔ sɛ̌ shúm pwɔ́’ wɔ́ sie à lɔɔn ńgwɔ́ á náa mbwo Ssé.

Malékuse 2:17

Yěsô jú’, ésaga mbwo pɔ́b ngie: Ńgwɔ́ nyìŋ le gwɔ́ ntentʉ́, ńgʉa fa’a ngÿo meffò wɔ́. Nyìŋ guɔ tá fa’a yé. Mèŋ n ka tè tó pɔ́ létóŋ pʉ̀a pie pɔ́ kwaŋ ngie pɔ́ ée pʉ̀a membòŋo ngie pɔ́ piŋe mbwo Ssé wɔ́. Mèŋ n ka tǒ ńtí pɔ́ megàŋ mefʉ̀a.

Lukase 10:26

Yěsô jú’ pú’u, ńgɔɔn mbwo yé ngie: Ɔ̀ tóŋo jú ŋwà’ne Ssé ńjú’u pɔ́ lêkɔ́?

Lukase 19:10

*Míŋ Nyìŋ la zɔɔn ńtó pɔ́ léfa’ pʉ̀a pie pɔ́ la kúu pyé, é gÿo pɔ́ tsẅɛ́.

Lukase 24:47

Á ne ńzɛ́te ngie mé lá’ ńdɔg lezíŋ sɔ́ɔn, ńgɔɔn nò Ssé mbwo lá’a lá’ ngie wɔ̌wɔ́ɔ kúbe mà we, e Ssé lege menò tepòŋ mé. Pú’u, é ké zye Yerósalem.

Lukase 5:31

Yěsô saga mbwo pɔ́b ngie: Ngwɔ́ nyìŋ le gwɔ́ ntentʉ́ ńgʉa fa’a ńgÿò meffo wɔ́. Nyìŋ guɔ tá fa’a yé.

Lukase 5:32

Mèŋ n ka tè tó pɔ́ létóŋ pʉ̀a pie pɔ́ kwáŋ ngie pɔ́ ée pʉ̀a membòŋo ngie pɔ́ piŋe mbwo Ssé wɔ́. Mèŋ n ka tǒ ńtí pɔ́ megàŋ mefʉ̀a.

Ŋwà’ne Jâŋ 10:34

Yěsô tsɔ́’ɔ mbwo pɔ́b ngie: Mé la tè ŋwe’e tsɛ̀ɛ ŋwà’ne *lepʉ̌ gí ngie Ssé gɔɔn ngie: «Mèŋ n gɔ̌ɔn ngie pi gwɔ́ pɔ́ messé wâ»?

Megàŋ ntúm 11:18

Epʉ̀a Kristo jú’ menò mɔɔn, ḿbʉ́le ńnéŋe, ḿbiŋ ne ńnáa ndǎg mbwo Ssé ńgɔɔn ngie: À yɔɔn gie e Ssé ka ná shÿó mbɔɔ mbwo pʉ̀a pie é té pà Yuda wɔ́, á lékúbe mà, á gÿó pɔ́ gẅiin le gwɔ́ tèmì.

Megàŋ ntúm 2:38

Piɛ tsɔ́’ɔ mbwó pɔ́b ngie: Pi kúbe mà. Wɛ̌ nyìŋ wɔ́ nà pi zẅíŋ mé nu’u ye ntse nà lezíŋ Yěsô Kristo. Légwɔ́ gie e Ssé ge lege menò tepoŋ mé é naa mbwó yé. E Ssé lêen ńké ńnáa Zwìge Ndʉalʉ̌a né pi.

Megàŋ ntúm 20:21

ńdɔg pú’u, ńtóŋ pà Yuda, mbɔɔ pʉ̀a pie é té pà Yuda wɔ́, ńgie pɔ́ sele nnɛ́ ńcʉ́me nzèm Ssé, ńzáb ntʉ́m ná Cʉ̀apʉ̀a wege Yěsô.

Megàŋ ntúm 3:19

Pú’u lá, pi ké ńkúbe mà gẅi, ḿbiŋe mbwo Ssé. À lege menò tepòŋ mí.

Megàŋ ntúm 5:31

E Ssé ka gÿo á kwɔ́’, á ńnéŋe yé nà gwòŋo pwò yé ye tʉ̀, pú’u, ńdɔgɔ yé ńgÿo fùɔ, ńgíŋe ńdɔgɔ yé ńgÿo *Nzà’nkÿo. E Ssé ka gÿo pú’u, le gwɔ́ gie pʉ̀a Israel ge kúbe mà wɔ́b, à lege menò tepòŋ mɔ́b.

2 Piɛ 3:9

Cʉ̀apʉ̀a kaa líi légÿo mmó gie à la ka’a légÿo pá’ tsɔ́ pʉ̀a ne ńkwaŋa wɔ́. À gwiin pɔ́ kwɔ́gɔ nnɛ́ ńtí gẅí, á nue à tè ne ńkwoŋo ngie à tsɔ̌ tà’ nyìŋ pyé wɔ́, à ne ńkwoŋo pɔ́ ngie pʉ̀a metsèm gẅiin shÿó lékúbe mà.