Matio 8:9 - Nouveau Testament en Ngienboum

⁹ Mèŋ n gɔɔn pá’ɔɔn ńgwɔ́ yɔ́ɔn nzèm nyìŋ, ńjú’u ncwò wé, ńgíŋ ńgẅiin yɔ́ɔn pà lÿɔ́’ ncù nzèm mèŋ, pɔ́ ne ńjú’u wɔ̀ɔn. N dɔɔn ńgɔɔn né tsɔ̌ ngie gʉa, á gʉa, ńgɔɔn né tsɔ̌ ngie, too, á to, ḿbiŋ ńgɔɔn né nkwɔɔn yɔ̀ɔn ngie gÿo pá’ɔɔn, á gÿo.

Matio 8:9 ပူးပေါင်းရင်းမြစ်များ

Matio 8:10

Yěsô jú’u yɔ̀ɔn shwóŋò gie á kẅɛ̌ ncwò tándá ncù ńgɔ’te yé, ésele nnɛ́ ńgɔɔn mbwo lá’ gie aa nzèm yé ngie: Mèŋ shwóŋó gẅí, kwà’ nénʉ́, mbɔɔ tsɛ̀ɛ ngwòŋ pà Israel, mèŋ n kaa gyá tsɔ́ nyìŋ gẅie à zǎb ntʉ́m ná mèŋ pá’ yé wɔ́.

Matio 8:8

Tá tándá ncù tsɔ́’ ngie: Cʉ̀apʉ̀a, mèŋ n tsẅíle nyìŋ gẅie à lɔɔn ńgwɔ́ ɔ̀ tɔ́g tà ńkúu ndá mèŋ. Tyé pɔ́ pɛ́’ɛ ńtsẅi lê ncwò gú mênkʉ́ wɔ̀ɔn zeŋe.

Malékuse 1:27

Á pú ńkʉ’ʉ lá’, pɔ́ mɔɔn, ńzɛ́te tsetsɛ̀ɛ pɔ́b ngie: Yɔɔn áa lêkɔ́? Áa pá’ɔɔn ńgwɔ́ pɔ́ tsɔ́ nò sẅé gie á giŋé ńkẅɛ la? À gwɔ̌ tà ńdɔgɔ tʉ̀, ńtsẅii nò mbwo *messé tepòŋ, pɔ́ jú’u ncwó we.

Lukase 4:39

Á tó ńŋwé’e ngʉ̀ŋe kǔ, ńdɔg tʉ̀ ńgɔɔn nò, ennɛ́ jú’ ńzá’a. Mákẅi’ Símo ŋwɛ́ gwoon ńdu ssé, ńnyɛte shúm ńdɔg ńdye wɔ́b.

Lukase 7:8

ńgie à gɔɔn pá’ɔɔn ńgwɔ́ yé nzèm nyìŋ, ńjú’u ncwò we, ńgíŋ ńgẅiin yé pàlÿɔ́’ ncù nzèm yé, pɔ́ ne ńjú’u yé, ńgie à lɔɔn ńgɔɔn né tsɔ̌ ngie gʉa, á gʉa, ńgie tóo, á tó, ḿbiŋ ńgɔɔn né nkwɔ̀ɔn ye ngie gÿo pá’ɔɔn, á gÿo.

Lukase 9:1

Yěsô gÿo ńcú’te pʉ̀a ntsɔ̀b pʉ́a nê legém, ńná metʉ̀ mbwo pɔ́b, pɔ́ ku’u lélɔg lezíŋ sé ńjwoŋ *messé tepòŋ ntsèm mie é pue pʉ̀a, mbɔɔ légÿo meguɔ zeŋe.

Kolosia 3:22

Pi menkwɔɔn pi jú’ ncwò pʉ̀a pie é gẅiin gẅi ndùmo ssé tsetsá’, á nà kɔ̀ɔkɔ́ɔ. Pi pɔ́ɔn léfa’a fà’ pɔ́ ndà’ fʉ̀’ gie pɔ́ tyé nzèm pi pá’ fʉ̀’ gie pi gÿo pɔ́ mmó gie á ge poŋ pʉ̀a mesoŋ la. Pi fa’ nê ngwòŋ ntʉ́m gẅi ntsèm ńtí pá’ pi ne ńnáa mekù’ Cʉ̀apʉ̀a.

Titus 2:9

Gɔɔn né mekwɔɔn ngie, pɔ́ jú’ ncwò pʉ̀a pie é gẅiin wɔb, tà mbɔɔ nà kɔ̀ɔkɔ́ɔ, ńgie pɔ́ fa’ shÿó ńgÿo mmó gie á poŋ pʉ̀a pie é gẅiin wɔ́b, ńgie tà pɔ́ zoŋo nò ncwò pɔ́b,