Matio 8:4 - Nouveau Testament en Ngienboum

⁴ Yěsô gɔɔn né yé ngie: Pɔ́ɔn lé ké ńkím tà nyìŋ jú’, tá’ ké ńgʉa ńnyɛ mbùm ɔ̀, á mbwó nùŋe pwɔ́’, ḿbiŋ ńnáa mmó gie *lepʉ̌ Mǒsê ne ńzɛ́te mbwó nyìŋ gẅie nkà’ é magá ná yé, epʉ̀a metsèm lêen ńké ńzsé ngie ɔ̀ zeŋě.

Matio 8:4 ပူးပေါင်းရင်းမြစ်များ

Matio 10:18

Mé ge lá’ ŋaga gẅi á mvfò pà ngumnɔ́ɔn lâ mefùɔ melá’ mɔ̀ɔn. Pi lɔg ńgẅiin shÿó lélɔg shwóŋó wɔ́b mbɔɔ pàte zsě Ssé, á nyìŋ gẅie méŋ n gee wɛ̌.

Matio 16:20

Yěsô gɔɔn pú’u, ńdeen ńké ńtsẅiŋe *ngàŋa kwò yé ngie, tà pɔ́ kím tà nyìŋ ndyɛ̀’ɛ zsé ngie aa *Nzà’nkÿo.

Matio 17:9

Pâ pɔ́ gÿo ne fóo ndùm lekwɛ́ ńcwóŋo, á tsẅiŋe wɔ́b ngie, tà pɔ́ kím tà nyìŋ ndyɛ̀’ɛ lwo ńzsé mmó gie pɔ́ gyǎ, tà ndá’ ńkú fʉ̀’ gie *Míŋ Nyìŋ zimé nà legwé.

Matio 3:15

Tá Yěsô tsɔ́’ɔ mbwo yé ngie: Zẅíŋ ngie á gwɔ́ pú’u, fʉ̀’ɔɔn, mélà’mie pɔ́gɔ lɔɔn ńgÿo pú’u, tá á lɔgɔ ńgwɔ́ mmó gie e Ssé né ńzɛ́te. Jâŋ leen ńké ńzẅíŋ,

Matio 5:17

Tà pi kwaŋ ngie mèŋ n ka tǒ lépyág *lepʉ̌ Mǒsê ka pɔ́ nò gie pà *ntsẅì nkʉ̀ Ssé la gɔɔn wɔ́. Ngǎŋ, n ka tè tóo lépyág wɔ́, mèŋ n ka tǒ pɔ́ légÿo mé cwoŋo ńjú’.

Matio 6:1

Yěsô gíŋe ńgɔɔn ngie: Pi lɔɔn ńge ńgÿo mmó gie *lepʉ̌ Ssé ne ńzɛ́te, pi laga twó gí létóŋo lá’ tá ńgÿo, á nà ntí gie mé ge ne líe gẅí. Pi lɔɔn ńgÿo pú’u, mbà Tá gẅi gẅie aa tÿǒ lepwó tè gÿo tsɔ́’ɔ fà’ gí wɔ́.

Matio 9:30

Menÿɔ́g mɔ́b leen ńké ńgyá jʉ’. Yěsô tɔ’ɔ wɔ́b ngie: MÀbɔ́ɔn gẅi lé ké ńgÿo tà nyìŋ zsé pá’ á cʉ̌a pú’u.

Malékuse 13:9

Tá’, kwà’ pi máŋwɛ́ cwoŋo ńjú’ gí nò gie á ge gÿo tóo ná pi. Mé ge gÿo lɔgɔ gẅi gʉa jʉ’ gie mé tsɔ́’te ntsaŋ wó, é cúa gẅi mbɔɔ tsɛ̀ɛ *mendá cú’tè pà Yuda, é lɔgɔ gẅi gʉa mvfò megúmnɔ́ɔn pâ mefùɔ melá’ mɔɔn, tá à leen ńké ńnáa gẅi shÿɔ́g lélɔg shwóŋó nò yɔ́ɔn mvfò pɔ́b.

Malékuse 3:12

Tá’ Yěsô ne ńtɔ’ɔ wɔ́b tà ḿbʉ́ʉ tɛ’ ngie pɔ́ pɔ́ɔn légÿo mé zsé nyìŋ gẅie aa wɛ̌.

Malékuse 5:43

Yěsô pú ńtɔ’ɔ wɔ́b ngie pɔ́ pɔ́ɔn légÿo tà tsɔ̌ nyìŋ ndyɛ̀’ɛ zsé mmó gie à gÿǒ, ḿbiŋ ńtsẅi ngie mé náa mmó à jÿó.

Malékuse 6:11

Pʉ̀a tsɔ́ lá’ lɔɔn ńdʉ’ʉ lékúe gẅí, ńdʉ’ʉ lé jú’u shwóŋè gí, pi fó wó ńgwaa gʉa, ḿbú’u pfepfɔ́b mekwò pi, lélɔg ńnyɛɛ wɔ́b ngie nò gie pɔ́ gÿǒ, á cʉ́’ʉ ńdíe pɔ́ wɔ́b.

Malékuse 7:36

Yěsô gɔɔn né pʉ̀a pie pɔ́ ně ńdɔgɔ yé ńtó ngie: Tà pi gɔɔn tà nyìŋ jú’. Tá ńké ne ńtɔ’ɔ wɔ́b lêkɔ́ wɔ́, pɔ́ ké ne sá’a yɔɔn nò sǎ’.

Malékuse 8:30

Yěsô tɔ’ɔ wɔ́b tɛ’, ńgɔɔn ngie tà pɔ́ kím tà nyìŋ ndyɛ̀’ɛ zsé nyìŋ gẅie aa wɛ̌.

Malékuse 9:9

Pâ pɔ́ gÿo ńne fóo ndùm lekwɛ́ ńcwóŋo, á tɔ’ɔ wɔ́b ngie tà pɔ́ keme mmó gie pɔ́ gyǎ lá, tà ńdá’ ńkú fʉ̀’ gie *Míŋ Nyìŋ zimé nà legwé.

Lukase 17:14

Yěsô gyá wɔ́b, ńgɔɔn né pɔb ngie pi gʉa ńnyɛ mbùm gi mbwo *pànùŋe pwɔ́’. Pɔ́ cʉ́me mánzsé, ńně ńgee, ńgyá, mbà nkà’ magá ná pɔ́b.

Lukase 21:13

Tá à leen ńké ńcʉa pú’u, ńdɔg náa gẅi shÿó léshwóŋó nyìŋ gẅie mèŋ n gee wɛ̌.

Lukase 4:41

*Messé tepòŋ ne ńgwaa fóo nà lelÿò é kẅɛɛ, ńga’te ńgɔɔn ngie: Ɔ̀ɔ Míŋ Ssé. Tá’ Yěsô cÿɔ́gɔ wɔ́b, à tè zẅíŋ ngie pɔ́ gɔɔn nò wɔ́, mélà’mie pɔ́ la zsé ngie Yěsô aa *Nzà’nkÿo pù’ gẅie Ssé la ka’a mbwo pʉ̀a mesoŋ.

Lukase 5:14

Yěsô tɔ’ɔ yé ngie: Pɔ́ɔn lékím tà shwóŋó nyìŋ, gʉa ńnyɛ pɔ́ mbùm ɔ̀ mbwó *pànùŋe pwɔ́’ ḿbiŋ ńnáa mmó gie *lepʉ̌ Mǒsê ne ńzɛ́te mbwo nyìŋ gẅie nkà’ magá ná ye, pʉ̀a metsèm lêen ńké ńzsé ngie ɔ̀ zeŋé

Lukase 8:56

Tá múɔ pɔ́ má múɔ gyá, á kʉ’ʉ wɔ́b. Tá’ Yěsô tɔ’ ngie tà pɔ́ ke shwóŋó nyìŋ mmó gie á cʉ̌a.

Lukase 9:21

Yěsô tɔ’ɔ wɔ́b tɛ’, ngie tà pɔ́ gɔɔn tà nyìŋ ndyɛ̀’ɛ jú’,

Ŋwà’ne Jâŋ 5:41

Mèŋ n tè ne ńtsɔ́ɔn tsɔ̌ ngɔ́ɔnte gie e fóo mbwo pʉ̀a mesoŋ wɔ́.

Ŋwà’ne Jâŋ 7:18

Nyìŋ lɔɔn ne ńgɔɔn nò, ńgwɔ́ gie á gwɔ́ pɔ́ shwóŋè yé, mbà à fa’a pɔ́ we legú’. Tá ńgwɔ́ gie nyìŋ lɔɔn ne fa’a legú’ nyìŋ gẅie à ně ńtúmo yé, mbà ngàŋ shwóŋó nò nénʉ́, atsɔ́ nò nŋwɔ́’te ŋwɔ’té té ná yé wɔ́.

Ŋwà’ne Jâŋ 8:50

Mèŋ, n tě ne fa’a pɔ́ wɔ̀ɔn legú’ wɔ́. Atsɔ̌ nyìŋ ndyɛ̀’ɛ zɔ ne fa’a wɔ̀ɔn legú’, yé zɔ ge zá’ ntsaŋ.