Matio 8:32 - Nouveau Testament en Ngienboum

³² Yěsô gɔɔn né pɔ́b ngie: Pi lò. Pɔ́ leen ńké fó nà pʉ̀a pá ńkẅɛ, ńgʉa ńkúu nà mekúnɔ́ɔn. Mé gwaa gyá, ànùɔ mekúnɔ́ɔn pá fóo kenkʉ́ŋe, ńtága, ńzẅɛ ḿbʉle tsɛ̀ɛ letʉŋ, ńnú ntse ńkwéte.

Matio 8:32 ပူးပေါင်းရင်းမြစ်များ

Matio 8:31

*Messé tepòŋ sẅíŋte Yěsô ngie: Ɔ̀ lɔɔn ńjwoŋo wég, ɔ̀ zẅíŋ peg gʉa ńkúu nà nùɔ mekúnɔ́ɔn pi.

Matio 8:33

Epʉ̀a pie pɔ́ ké ne ḿbyɛ́bɛ mekúnɔ́ɔn gyá pú’u, ńtága ńkÿote, ńgʉa tÿǒsoŋ ḿbú ḿbíte kɔ́ɔkɔ́ wɔ́ gie á cʉ̌a, tà mbɔɔ ye pʉ̀a pie *messé tepòŋ kěen ná pɔ́b la.

Malékuse 5:13

Yěsô zẅíŋ, *messé tepòŋ leen ńké fóo ná nyìŋ ŋwɛ́, ńkẅɛ ńkúu nà mekúnɔ́ɔn. Anùɔ mekúnɔ́ɔn pú ńtága fó ndùm lekwɔ’ɔ́ ḿbʉle ntse, ńnú ntse ńkwéte. Pɔ́ laa mmó ntsá’ yépʉ́a.

Lukase 8:33

Pɔ́ lêen ńké fó ná nyìŋ awɛ̌ ńkẅɛ, ńgʉa ńkúu nà mekúnɔ́ɔn. Pɔ́ fó nkʉnkʉ́ŋe ńtága, ńzẅɛ ḿbʉle tsɛ̀ɛ letʉ̀ŋ, ńnú ntse ńkwéte.

Megàŋ ntúm 2:23

Wɔɔn aa nyìŋ gẅie mé la ńnéŋe mbwo pi, á gwɔ́ pɔ́ pá’ e Ssé la lá’ ńkwaŋte ńzáb. Pi lêen ńké gÿo pàtezsě Ssé kime yé nà tÿǒ nkǐ, ńzẅé yé.

Megàŋ ntúm 4:28

Pɔ́ la táŋa yé pú’u, ńdêen ḿbú ńgÿo kɔ̀ɔkɔ́ɔ gie gù Ssé, ɔ̀ lá lá’ ńtʉ́ njÿó ńkwaŋte ńzáb ngie á ge lá’ gwɔ́ pú’u.

Ŋwà’ne Ngyà jʉ’ 20:7

Mengù’ ntsá’ mɛ̌ ge gÿo gwɔ́ tà ku’, mé gʉa tsɛ̀ɛ ndá tsǎŋ gie Sátà aa tsoló la, ńkyɛ́’te metsɛ̂n ná ye ńnyé yé.