Matio 7:7 - Nouveau Testament en Ngienboum

⁷ Pi lúɔ, e Ssé ge náa mbwó pi. Pi fa’, e Ssé ge gÿo pi gyá. Pi kwá’te ncwò ndá, à ge tsɔ́’ ńná né pi.

Matio 7:7 ပူးပေါင်းရင်းမြစ်များ

Matio 18:19

Kwà’ nénʉ́, mèŋ n giŋé shwóŋó gẅi ngie: Epʉ̀a mépʉ́a tsetsɛ̀ɛ pi lɔɔn ńgwɔ́ tà’ ncwò á ndùmo ssé tsetsá’ jʉ’ɔɔn, ńdúɔ pɔ́ kɔ́ wɔ́ mbwó Tá wɔ̀ɔn gẅie aa tÿǒ lepwó wɔ́, mbà à ge ná á mbwó pɔ́b.

Matio 21:22

Pi lɔɔn ńzáb ntʉ́m nà Ssé, ésẅíŋte yé ńdúɔ kɔ́ɔkɔ́ wɔ́, mbà à ge ná.

Matio 6:33

Pi vɔg mvfò fa’ pɔ́ nò *lefùɔ Ssé, lâ mmó gie e Ssé ne ńkwoŋo, à leen ńké ńcʉ́’ʉ ńnáa sɛ̌ shúm ńdɔgɔ ńkẅi’i kẅi’i.

Matio 7:11

Pi pie pi fʉ̀’ nò tɛ’ zsé léna shúm mbòŋo á mbwó gubé gí, tà ngʉ̀a shÿɔ́’ɔ ná Tá gẅi gẅie aa tÿǒ lepwó? À ge ná shúm mbòŋo mbwó pʉ̀a pie pɔ́ lǔɔ mbwó yé.

Matio 7:8

Nyìŋ lúɔ mmó, mbà mé ge náa mbwó yé, éfa’, mbà à ge gyá, ḿbiŋ ńkwá’te ncwò ndá, mbà mé ge tsɔ́’ e ná né yé.

Malékuse 11:24

Áa mmó gie á gÿo tá mèŋ shwóŋó gẅi ngie: Akɔ́ɔkɔ́ɔ gie pi ne sẅíŋte Ssé ńdúɔ wɔ́, pi zẅíŋ ngie pi ně ńdá’ ńgẅiin, e Ssé náa mbwo pi.

Lukase 13:25

Afʉ̀’ ge lá’ ku’, ngàŋ ndá lu ssé ńjÿɔ́’ ncwò ndá, pi pie pi nyé pi la, pi zye lékwá’te ncwò ndá, ńne sẅíŋte yé ngie: Andè, tsɔ́’ ncwò ndá peg kúu ndá. Tá’, à gɔɔn né pi ngie: Mèŋ, n tè ne ńzsé pʉ̀a pie pi ee pɛ̌ wɔ́!

Lukase 18:1

Yěsô saga tsɔ́ nò, ńdɔg ńda’te mbwo *ngàŋa kwò yé pà’ á poŋo lésẅíŋte Ssé fʉ̀’ ntsèm té kʉ́a.

Ŋwà’ne Jâŋ 15:16

Pi zɔ la tè tsɔ́’ɔ wɔ̀ɔn mɔ́, mèŋ n zɔ la tsɔ́’ɔ gẅí, ńtúmo gẅi ngie pi gʉa fa’a fà’ yɔ́ɔn. Ammó gie pi gÿǒ lá’a ńgwɔ́ pɔ́ wó, á le cʉa sẅɛɛ wɔ́. À cʉa pú’u, ńgwɔ́ gie pi lɔɔn ńdɔg lezíŋ sɔ́ɔn ńdúɔ pɔ́ kɔ́ mbwo Tá wɔ́, mbà à ge náa mbwo pi.

Ŋwà’ne Jâŋ 15:7

Pi lɔɔn ńda nnɛ́ ná mèŋ, ashwóŋè yɔ́ɔn gwɔ́ tsɛ̀ɛ ntʉ́m pi, pi lúɔ mmó gie pi kwǒŋ, mbà mé ge gÿo yɛ̌ mbwo pi.

Ŋwà’ne Jâŋ 4:10

Yěsô tsɔ́’ɔ mbwo yé ngie, ɔ̀ gwé’e ńzsé fù’ gie Ssé náa, ḿbiŋ ńzsé nyìŋ gẅie à gɔɔn né gù ngie: Ná ntse n nú, mbà gù zɔ cʉ̌’ ńdúɔ ntse nǔ mbwo yé, á náa gú ńtse gẅie éfóo lesá’a.

Roma 2:7

é náa le gwɔ́ tèmì mbwo pʉ̀a pie pɔ́ la lɔgɔ légÿo nò mbòŋo té kʉ́a, ńně ńtsɔ́ɔn ngie e Ssé zɔ náa wɔ́b legú’, ńnáa wɔ́b mékù’, ńgÿo pɔ́ gwɔ́ tsɛ̀ɛ le gwɔ́ gẅie mé te gíŋe kwé mǒ wɔ́.

Roma 3:11

Atsɔ̌ nyìŋ gẅie à gẅiin legyè à tè wó wɔ́. Atsɔ̌ nyìŋ gẅie à kwa’ ne ńtsɔ́ɔn lézsé mánzsè Ssé à tè wó wɔ́.

Heber 11:6

Mé lɔgɔ ńgyá ngie nyìŋ lɔɔn tè záb ntʉ́m nà Ssé wɔ́, mbà shÿó pá’ ńgwɔ́ nò yé poŋ Ssé té wó wɔ́. Nyìŋ lɔɔn ńne sẅɛ’te nnɛ́ nê lejʉ́ŋ Ssé á gẅiin lé zɔɔn ḿvɔg ńzẅíŋ ngie e Ssé ee wó, ḿbiŋ ńne ńtsɔ́’ɔ fà’a pʉ̀a pie pɔ́ ne fa’a yé.

Ŋwà’ne Jâg 5:15

Asẅíŋte gie mé gwaa gÿo, ńzáb ntʉ́m nà Ssé, à gÿo, à zeŋe. Cʉ̀apʉ̀a pʉ’ʉ yé, ńgwɔ́ gie à ka fǒ ńgÿo pɔ́ nò tepòŋ, mbà Ssé ge lege menò tepòŋ mé náa mbwo yé.

1 Jâŋ 3:22

é luɔ pɔ́ kɔ́ mbwo yé wɔ́, à ná mélà’mie pege ne ńgiŋe ná *lepʉ̌ sé, ḿbiŋe ńgÿo mmó gie à ne ńkwoŋo.