Matio 7:24 - Nouveau Testament en Ngienboum

²⁴ Nyìŋ lɔɔn ńtó ńtsɛ́ɛ wɔ̀ɔn, ńzẅí’te shwóŋò yɔ́ɔn, ńgÿo pá’ á ne ńzɛ́te, mbà ngàŋ gwá’a tsɔ̌ nzsè nò wá gẅie, à la cʉ́’ʉ lékwɛ́ ndá yé, ńtúŋo jʉ’ tà ńgyá máa tóon, ńtÿɔ́g ndá ndùm wɔ́.

Matio 7:24 ပူးပေါင်းရင်းမြစ်များ

Matio 12:50

Nyìŋ lɔɔn ńgÿo mmó gie Tá wɔ̀ɔn gẅie aa tÿǒ lepwó ne ńkwoŋo, mbà wɛ̌ nyìŋ aa fɛ́ wɔ̀ɔn we mámbàŋa, ńgwɔ́ we manzwě, ńgwɔ́ má wɔ̀ɔn.

Matio 16:18

N ge ké gíŋe shwóŋó ɔ́, kwà’ nénʉ́, ngie: Ɔ̀ɔ Piɛ, ńdɔgɔ ngie tóon, mèŋ n ge gÿo tÿɔ́gɔ cú’te pʉ̀a pɔ́ɔn ndùm tóon ŋwɛ́. Tà mbɔɔ legwé lelá’ ńku’u lénʉ’te yɛ̌ cú’tè wɔ́.

Matio 24:45

Ngàŋa fà’ gẅie à jǔ’, ḿbiŋ ńgẅiin legye à gwá’a la? Aa gẅie tá fà’ we la cʉ́me pʉ̀a pé mbwó yé, pá’ à ge cʉ́’ ná shúm léjÿó mbwó pɔ́b á nà fʉ̀’ gie á ne ńzɛ́te.

Matio 25:2

Epe métʉ̀a gwɔ́ tsetsɛ̀ɛ pɔ́b pɔ́ té legye gẅiin, epe metʉ̀a gẅiin legye.

Matio 25:4

Epie é la gẅiin legye la gwaa kaa melâm pɔ́b, ńgíŋe ńnéŋ tsɔ́ mèvɛ tsɛ̀ɛ tsɔ́ mmó ndyɛ̀’ɛ ńgẅiin.

Matio 25:9

Epie é gẅiin legye tsɔ́’ ngie: Peg tè ná wɔ́, peg lɔɔn ńná, mbà még ge zág. Pi gʉa pɔ́ ndá sɔ̌ɔn ńjú mí.

Matio 7:25

Mbʉ̀ŋ gÿo ńdú, ngʉa ntse tó, fefà cʉ’ʉ, ńtéme nà ndá. Ndá tè gwe, mélà’mie mé la tÿɔ́g ndá ná tóon.

Matio 7:26

Tá nyìŋ gẅie à ju’ú shwóŋò yɔ́ɔn, à tè gÿo pá’ n gɔ̌ɔn wɔ́, mbà ngàŋ gwá’a gʉ̀gʉ̀ nyìŋ gẅie à la kwɛ́ ndá yé té túŋo cÿó.

Lukase 11:28

Yěsô pʉŋe ńgɔɔn né yé ngie: Ɔ̀ kɔ’ɔ́ gɔɔn pɔ́ ngie: Pàshÿó mbòŋo ée pʉ̀a pie pɔ́ jú’u shwóŋè Ssé, ńgÿo pá’ á ne ńzɛ́te.

Ŋwà’ne Jâŋ 13:17

Pá’ pi né ńzsé fʉ̀’ɔɔn la, pi lɔɔn ńgÿo pú’u, mbà pi ee pà shÿó mbòŋo.

Ŋwà’ne Jâŋ 14:15

Pi lɔɔn ńkwoŋo wɔ̀ɔn, mbà pi ge gÿo kú’te mbʉ̌ mɔ́ɔn.

Ŋwà’ne Jâŋ 15:10

Pi lɔɔn ńkú’te mbʉ̌ mɔ́ɔn, mbà mèŋ n ge ne kwoŋo gẅi kwoŋ. Ndʉŋ ndʉŋ pá’ mèŋ n da kú’te mbʉ̌ Tá wɔ̀ɔn á piŋ ne ńkwoŋo wɔ̀ɔn kwoŋ.

Ŋwà’ne Jâŋ 15:14

Pi lɔɔn ńgÿo mmó gie mèŋ n zɛté gẅí, mbà pi cʉ̌’ ńgwɔ́ pɔ́ meshǔ pɔ́ɔn.

Roma 2:13

Á nue nyìŋ zɔɔn tè jú’ *lepʉ̌ Ssé jǔ’ ndà’ ńcʉ́’ʉ nyìŋ gẅie aa mvfò Ssé ńgwɔ́ ndʉŋ ndʉŋ wɔ́. Nyìŋ jǔ’ ḿbiŋ ńgÿo pá’ é zɛ́te tá ńcʉ́’ʉ wɛ̌ nyìŋ.

1 Jâŋ 2:3

Pege lɔɔn ńgÿo mmó gie Ssé ne ńtsẅii né pege, mbà wɛ̌ légwɔ́ ge nyɛɛ wégè ngie pege zsé Ssé