Matio 7:21 - Nouveau Testament en Ngienboum

²¹ Á gʉa ná pʉ̀a pie é tóŋo wɔ̀ɔn lê Cʉ̀apʉ̀a, pɔ́ metsèm zɔ̌ té lá’ jÿó pì *lefùɔ Ssé wɔ́. Ndà’ pʉ̀a pie é gÿo mmó gie Tá wɔ̀ɔn gẅie aa tÿǒ lepwó ne ńkwoŋo ngie mé gÿo.

Matio 7:21 ပူးပေါင်းရင်းမြစ်များ

Matio 12:50

Nyìŋ lɔɔn ńgÿo mmó gie Tá wɔ̀ɔn gẅie aa tÿǒ lepwó ne ńkwoŋo, mbà wɛ̌ nyìŋ aa fɛ́ wɔ̀ɔn we mámbàŋa, ńgwɔ́ we manzwě, ńgwɔ́ má wɔ̀ɔn.

Matio 16:17

Yěsô leen ńké ńgɔɔn né yé ngie: Símo míŋ Jâŋ, ɔ́ɔ shÿó mbòŋo, á nue nyìŋ mesoŋ zɔ kaa gÿo, tá ɔ̀ zsé yɔɔn nò nénʉ́ wɔ́. Tá wɔ̀ɔn gẅie aa tÿǒ lepwó zɔ nyɛ̌ gú.

Matio 18:10

Pi laga twó gí légwága tsɔ̌ tà’ ná gígyé penkʉ́ pɔɔn. Tà mèŋ shwóŋó gẅí, *mecÿɔ́’ Ssé pie é lie wɔ́b tyé mvfo Ssé fʉ’ ntsem. [

Matio 18:19

Kwà’ nénʉ́, mèŋ n giŋé shwóŋó gẅi ngie: Epʉ̀a mépʉ́a tsetsɛ̀ɛ pi lɔɔn ńgwɔ́ tà’ ncwò á ndùmo ssé tsetsá’ jʉ’ɔɔn, ńdúɔ pɔ́ kɔ́ wɔ́ mbwó Tá wɔ̀ɔn gẅie aa tÿǒ lepwó wɔ́, mbà à ge ná á mbwó pɔ́b.

Matio 18:3

ńgɔɔn ngie: Tà mèŋ shwóŋó gẅí, kwà’ nénʉ́, pi lɔɔn tè kúbe mà gẅí, tà ńcʉ́’ ńgwɔ́ pɔ́ pá’ gubé wɔ́, mbà pi tě ndá’a ńkúu tsɛ̀ɛ nò *lefùɔ Ssé wɔ́.

Matio 18:35

Yěsô cʉ́me ńgɔɔn ngie: Áa ndʉŋ ndʉŋ pá’ Tá wɔ̀ɔn gẅie aa tÿǒ lepwó, à ge gÿo nà wɔ̌wɔɔ tsetsɛ̀ɛ pi, pá’ à lɔɔn tè lege mefʉa fɛ́ we nê ngwòŋ ntʉ́m we ntsèm wɔ́.

Matio 19:24

Mèŋ, n ge gíŋ ńnyɛte shwóŋó gẅi ngie, á zeŋe mbwó shÿɔ́ɔ léshúu tsɛ̀ɛ njwòŋ lesyɛ’ɛ́, ńcʉa ngàŋa mmó lézẅíŋ ngie Ssé zɔ cʉ́’ʉ sá’a yé.

Matio 25:10

Pɔ́ gʉa ńjúu, nyìŋ gẅie à zɔ́’ɔ cʉ́’ ńtó, pâ pûɔ ngùɔ pie tsɔ́ mmó la tè ne ńzága wɔ́b gwɔ́ kúu ndá línɔ́ɔn lɔ́ɔn ndá, mé jÿɔ́’ ncwò ndá.

Matio 25:21

Tá we gɔɔn né yé ngie: Áa mboŋ, ɔ́ɔ ngàŋa fà’ we mbòŋo, ɔ̀ ka gÿo mmó gie n ka ne ńzẅí’te mbwó gù, pá’ ɔ̀ ka pɔ́ɔn mûɔ mémmó mboŋó la, mèŋ n ge cʉ́me shúm mbwó gù tɛ’. Tóo pɔgɔ pú ńkág.

Matio 26:39

ńgɔɔn pú’u, ńná’a ńgʉa mvfò, e sẅɛ’ nuŋe ssé, ésɔb shÿó wé ssé, ńne sẅíŋte Ssé ńgɔɔn ngie: Tá wɔ̀ɔn, á lɔɔn ńgwɔ́ gie ńgwɔ́ á gwɔ́ pú’u, ɔ̀ gÿo yɔɔn ntú’ ngʉ̀ngʉ̀ fó lejʉ́ŋ mèŋ ńtsíŋte! Tá’, tè gÿo wɔ̀ɔn lekwoŋ, gÿo pɔ́ gù lekwoŋ.

Matio 26:42

Yěsô gíŋe fó lejʉ́ŋ pɔ́b ńgʉa nà mbɔ́ɔntè yépʉ́a, ésẅíŋte Ssé ńgɔɔn ngie: Tɔ́ɔnme, á lɔɔn ńgwɔ́ gie tsɔ̌ légÿo tà sẅɛ’te yɔɔn ntú’ lejʉ́ŋ mèŋ à tè gwɔ́ wɔ́, ńke ńgwɔ́ gie mèŋ n ké ńnú nú, ɔ̀ gÿo pá’ ɔ̀ kwǒŋ,

Malékuse 3:35

Pi zsé ngie nyìŋ lɔɔn ńgÿo mmó gie Ssé ne ńkwoŋo, mbà ngàŋ aa má wɔ̀ɔn, mbà aa fɛ́ wɔ̀ɔn, we mámbàŋa mbɔɔ we manzwě.

Malékuse 9:47

ḿbiŋ ńgwɔ́ gie lejÿɔ́g shú zɔ ne ńtsóte ɔ́, ɔ̀ fʉa nò, ɔ̀ tsɔ́’ ńgwá’, mvfò ee gú légwɔ́ pyè lejÿɔ́g tá ńké ńkúu nà nò *Lefùɔ Ssé, ńcʉa pá’ à lɔɔn ńgwɔ́ ɔ̀ gẅiin menÿɔ́g mú mémbʉ́a mé piŋ ḿma’a gú tsɛ̀ɛ jʉ’ʉ mmɔ̌g,

Lukase 11:28

Yěsô pʉŋe ńgɔɔn né yé ngie: Ɔ̀ kɔ’ɔ́ gɔɔn pɔ́ ngie: Pàshÿó mbòŋo ée pʉ̀a pie pɔ́ jú’u shwóŋè Ssé, ńgÿo pá’ á ne ńzɛ́te.

Lukase 13:25

Afʉ̀’ ge lá’ ku’, ngàŋ ndá lu ssé ńjÿɔ́’ ncwò ndá, pi pie pi nyé pi la, pi zye lékwá’te ncwò ndá, ńne sẅíŋte yé ngie: Andè, tsɔ́’ ncwò ndá peg kúu ndá. Tá’, à gɔɔn né pi ngie: Mèŋ, n tè ne ńzsé pʉ̀a pie pi ee pɛ̌ wɔ́!

Lukase 18:25

Á zeŋe mbwo shÿóon léshúu tsɛ̀ɛ njwóŋ lesyɛ’ɛ́, ńcʉa ngàŋa mmó lézẅíŋ ngie Ssé zɔ cʉ́’ʉ sá’a yé.

Lukase 6:46

Yěsô gíŋe ńgɔɔn ngie: Mélà’a kɔ́ pi ne ńtóŋo wɔ̀ɔn lé Andè! Andè! MÀbiŋ ńké tè ne ńgÿo mmó gie mèŋ n tsẅǐ wɔ́?

Ŋwà’ne Jâŋ 14:7

Pi gwɔ́ pé’e ńzsé wɔ̀ɔn, mbà pi zsé Tá wɔ̀ɔn yé. Mèŋ n kě ńgɔɔn pá’ɔɔn pi gwɔ́ fʉ̀’ɔɔn ńne ńzsé yé. Mbà pi gyǎ yé.

Ŋwà’ne Jâŋ 15:23

Nyìŋ lɔɔn ḿbʉa wɔ̀ɔn, mbà à lɔgɔ ḿbʉa Tá wɔ̀ɔn.

Ŋwà’ne Jâŋ 3:5

Yěsô tsɔ́’ ngie tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le kúu tsɛ̀ɛ nò *lefùɔ Ssé té gwɔ́ gie mé lɔ̌g ntse ńzyé yé, ńgíŋe ńdɔgɔ zẅìge ńzyé yé wɔ́.

Ŋwà’ne Jâŋ 5:17

Yěsô tsɔ́’ɔ mbwo pɔ́b ngie: Tá wɔ̀ɔn nyě fa’a pɔ́ fà’ tà ńkú fʉ̀’ɔɔn, mbɔɔ mèŋ yɔ́ɔn mèŋ n giŋé ne fa’a pɔ́ fà’.

Ŋwà’ne Jâŋ 6:40

Ammó gie Tá wɔ̀ɔn ne ńkwoŋo à yɔɔn: Nyìŋ gyá múɔ, ńzáb ntʉ́m ná yé, angàŋ gẅiin le gwɔ́ tèmì. Mèŋ n dá’a lyɛ’ɛ́ lá’ nzsò nzèm ńzíme yé nà legwé.

Ŋwà’ne Jâŋ 7:17

Nyìŋ lɔɔn ne ńkwoŋo légÿo mmó gie Ssé ne ńkwoŋo, mbà ngàŋ ge zsé, ka mmó gie mèŋ n zí’i pʉ̀a fóo pɔ́ mbwo Ssé wɔ́, ka á gwɔ́ pɔ́ yɔ́ɔn shwóŋè wɔ́.

Megàŋ ntúm 14:22

ńgiŋe ńtóonte ntʉ́m pʉ̀a Kristo ngie tà pɔ́ kʉ́a ná lézáb ntʉ́m nà Yěsô, ńne ńgɔɔn né pɔ́b ngie: Á ne ńzɛ́te ngie pâ pɔ̌ cʉa tsɛ̀ɛ ngʉ̀ngʉ̀ tà ńgyɔ́ɔn tá ńkúu tsɛ̀ɛ *lefùɔ Ssé.

Roma 12:2

Tà pi gÿo mí menò pá’ pʉ̀a pie ée tsɛ̀ɛ njÿó fʉ̀’ɔɔn. Pi zẅíŋ e Ssé ne ńnáa legyè se sẅé né pi ńdɔgɔ ńkúbe gi ntí lékwaŋa nò pɔ́ ntsèm, à cʉa pú’u, pi ku’u lézsé mmó gie yé Ssé ne ńkwoŋo ngie pi gÿo. Pi zsé mmó gie áa mbòŋ, ńzsé gie á poŋo yé, ńzsé gie tsɔ́ *lɔ̌’ té mǒ wɔ́.

Roma 2:13

Á nue nyìŋ zɔɔn tè jú’ *lepʉ̌ Ssé jǔ’ ndà’ ńcʉ́’ʉ nyìŋ gẅie aa mvfò Ssé ńgwɔ́ ndʉŋ ndʉŋ wɔ́. Nyìŋ jǔ’ ḿbiŋ ńgÿo pá’ é zɛ́te tá ńcʉ́’ʉ wɛ̌ nyìŋ.

Efeso 6:6

Pi pɔ́ɔn légÿo pú’u, pɔ́ ndà’ fʉ̀’ gie pɔ́ tyé nzèm pi. Pá’ fʉ̀’ gie pi gÿo pɔ́ mmó gie á ge poŋ pʉ̀a mesoŋ la. Pi fa’ pɔ́ pá’ menkwɔɔn Kristo pie pɔ́ ne gÿo mmó gie Ssé ne ńkwoŋo lê ngwòŋ ntʉ́m wɔ́b ntsèm.

Kolosia 4:12

Epafalas gẅie aa nyìŋ lá’ gẅi, a tsyɛ’té gẅí. Wɔɔn nyìŋ gẅie a fà’ fà’ Kristo ńnéŋe ngwòŋ fʉ̀’ ntsèm, ńne ńdɔgɔ lésẅíŋte Ssé, ḿma’a ncù ná twó sí. À gÿo pú’u, légwɔ́ gie pi ge tʉ tʉ ná nò Yěsô, atsɔ́ mmó le gíŋ ńzága ná pi wɔ́, pi ńnéŋe ngwòŋ fʉ̀’ ntsèm, ńzẅíŋ pɔ́ légÿo mmó gie e Ssé ne ńkwoŋo ngie pi gÿo.

1 Tesalonika 4:3

Ammó gie e Ssé ne ńkwoŋo á gwɔ́ pɔ́ ngie pi gwɔ́ ndʉalʉ̌a, tà mbàŋa fa’ pànzwě, tà pànzwě fa’ mbàŋa,

1 Tesalonika 5:18

ńne ńnáa ndǎg mbwo ye nà kɔ̀ɔkɔ́ɔ. Áa mmó gie e Ssé kwoŋ ngie pi pie pia Yěsô Kristo léen ńcʉ́’ʉ tà’ nyìŋ la, pi ne ńgÿo.

Titus 1:16

Pɔ́ tyé ńgɔɔn ngie pɔ́ ne ńzsé Ssé, tá menò mie pɔ́ gÿo nyɛɛ ngie pɔ́ té Ssé zsé. Pɔ́ tʉʉ twó tɛ’, ńgÿo mmó gie á sẅile sẅile, ńgwɔ́ pɔ́ zɔɔn legÿo nò mbòŋo wɔ́.

Heber 13:21

Á poŋ ngie e Ssé mbʉ́lè ŋwɛ́, à gÿo pi ku’u légÿo nò mbòŋo légwɔ́ gie pi ge gÿo pɔ́ mmó gie à ne ńkwoŋo. Á poŋ ngie yé Ssé fó ná Yěsô Kristo, ńgÿo ammó gie á poŋo yé, à gwɔ́ ná pege. Legú’ à gwɔ́ mbwo Yěsô Kristo á nà ngù’ nkɔ́ɔn nê nkɔ̌ɔn! *Amen.

Heber 4:6

E Ssé la záb ngie etsɔ́ pʉ̀a ge gÿo kúu tsoló, tá mevɔ́g mvfò pʉ̀a le jú’ nkʉ̀ mbòŋo la piŋ ńké tè tsoló kú, ńtí nue pɔ́ la jú’ pɔ́ té zẅíŋ.

Ŋwà’ne Jâg 1:22

Tà pi gwɔ́ pàjú’u shwóŋè Ssé jú’ ndà’, pi gÿo mmó gie shwóŋè ŋwɛ́ gɔɔn ngie pi gÿo. Tà á té pú’u wɔ́, mbà pi sele fʉte mennɛ́ mí.

1 Piɛ 2:15

Áa mmó gie e Ssé kwoŋ ngie pi gÿo, ńzsé ngie pi ge lɔgɔ légÿo nò mbòŋo, é jÿɔ́’ ncwò megʉ̀gʉ̀ pie pɔ́ lʉ’ʉ nò Ssé, pɔ́ le gíŋe shwóŋte ná pi wɔ́.

1 Piɛ 4:2

Pú’u la, pi gʉa nà melyɛ’ɛ́ lá’ mie pi nyě ńgẅiin ndùmo ssé tsetsá’, ńgÿo pɔ́ mmó gie Ssé ne ńkwoŋo, tà pi gÿo mmó gie mbùm nyìŋ zɔ tsóte yé á gÿo.

Ŋwà’ne Ngyà jʉ’ 2:27

Angàŋ ge lá’ lɔgɔ tÿǒ tʉ̌, ésá’a wɔ́b, é cúa wɔ́b nẅɛ’ pá’ à lɔɔn ńgwɔ́ mé nẅɛ’ mekʉŋe tsá’a pú’u. N ge lá’ ná metʉ̀ mbwo ngàŋ pá’ Tá wɔ̀ɔn la ná metʉ̀ né mèŋ yɔ́ɔn,

Ŋwà’ne Ngyà jʉ’ 22:14

Pàshÿó mbòŋo ée pʉ̀a pie pɔ́ sɔgɔ menzsǒ mɔ́b tà é lʉ́a, légwɔ́ gie pɔ́ ge ku’ léfó nà mencwò nká’, ńkúu tÿǒsoŋ, ńjÿó ntɔ̌ɔn tÿó ya gie á gÿo mé kwa’ ńgwɔ́ wó.

Ŋwà’ne Ngyà jʉ’ 3:5

Áa pá’ nyìŋ gẅie à ge lá’ lÿɔ́’ ncù tà cʉa nò tepòŋ ge lá’ ma’ mefɔ́gɔ nzsǒ pú’u. Mèŋ m biŋ le lá’ ńzá’ lezíŋ sé tsɛ̀ɛ ŋwà’ne gie e Ssé la ŋwe’e mezíŋ pʉ̀a pie pɔ́ gẅiin le gwɔ́ tèmì tsoló wɔ́. N gÿo ńtÿé mvfò Tá wɔ̀ɔn pâ mecÿɔ́’ pé, ńgɔɔn ngie aa wɔ̀ɔn nyìŋ.