Matio 7:15 - Nouveau Testament en Ngienboum

¹⁵ Pi laga twó gí nà pʉ̀a pie é cÿɔɔ nò ngie pɔ́ ee pà *ntsẅì nkʉ̀ Ssé. Pɔ́ gwaa tóo lejʉ́ŋ pi ḿma’ *ngùb *njʉ̀njÿò tá nkwaŋá wɔ́b gwɔ́ pɔ́ we menɔ́ɔn ngẅi.

Matio 7:15 ပူးပေါင်းရင်းမြစ်များ

Matio 10:17

Pi laga twó gí, mélà’mie pʉ̀a mesoŋ ge gÿo sẅiŋe gẅi mé ŋaga gẅí, ńdɔ́g mengwɔ̀ɔn ńcuɔ gẅi á tsɛ̀ɛ *mendá cú’tè mɔ́b

Matio 16:11

Á piŋ ńgÿo lêkɔ́, pi tè jú’ ngie mèŋ n tě ńgɔɔn nò nà mbelég wɔ́? Mèŋ n giŋé ńgɔɔn ngie: Pi pɔ́ɔn *mvòŋ pà *farisay lâ pà *sadukay.

Matio 16:6

Yěsô gÿo ne ńgɔɔn né pɔ́b ngie: Pi laga twó gí, ḿbɔ́ɔn *mvòŋ pʉ̀a *farisay lâ pʉ̀a *sadukay.

Matio 24:11

Pà *ntsẅì nkʉ̀ Ssé pe cÿɔ’ nò kẅɛte tà ńgyɔ́ɔn, éfʉte lelÿò pʉ̀a.

Matio 7:14

Tá ncwò nká’ gẅie é gee lá’ letsẅɛ́ temi, kʉ́mte kʉmtě. Mánzsè piŋ ńtege tege, pà pfó wɛ̌ té gyɔ́ɔn.

Lukase 12:15

MÀbiŋ ńgɔɔn mbwo mânyìŋ ntsèm ngie: Pi laga twó gí! Tà pi fa’a lécú’te shúm, ńké ńkẅi’i kẅi’i, le gwɔ́ we nyìŋ tè gẅiin tsɔ́ nò ná shúm sie angàŋ gẅiin wɔ́, tà mbɔɔ pá’ à zɔɔn fó ńgẅiin pɔ́ kɔ́ wɔ́!

Lukase 6:26

Pi ee pàshÿó tepòŋ pá’ à lɔɔn ńgwɔ́ epʉ̀a ne ńkíme gẅi pɔ́ mboŋó, mélà’mie á zɔ́ɔn ńgwɔ́ pɔ́ pá’ metá pɔ́b lɔ́ɔn ńgÿo ná *pàntsẅì nkʉ̀ Ssé pe cÿɔ̌ nò.

Ŋwà’ne Jâŋ 10:12

Nyìŋ gẅie à laba yé pɔ́ nkáb, tà *menjʉ̀njÿò té mé wɔ́, à tè kwà’ mbyɛ̀b mvfó wɔ́. À neŋé tà ńgyá tsò tó, á gwá’a wɔ́b ńkÿo. Tsò gwoon tsɔ̌, ńgÿo pfwɔ́’ sa jʉ’.

Megàŋ ntúm 13:40

Pú’u la, pi ké ńdaga twó gí, ḿbɔ́gɔ mmó gie pà *ntsẅì nkʉ̀ Ssé la ŋwe’e tsɛ̀ɛ ŋwà’ne Ssé légÿo gẅí. Pɔ́ la gɔɔn ngie:

Megàŋ ntúm 13:6

Pâ pɔ̌ gÿo fó wó ńzyɛ́’ tà ńkúu tÿǒsoŋo Pafos, ńkúu wó ḿbumte tsɔ̌ nyìŋ pà Yuda, mé tóŋo yé lê Mbar Yěsô. Á gwɔ́ ngàŋ lekàŋ, ńzɔ́gɔ shwóŋó pʉ̀a ngie yé aa *ntsẅì nkʉ̀ Ssé.

Galatia 2:4

Tà mbɔɔ pá’ tsɔ́ pàcÿɔ nò ngie pɔ́ ée mefɛ́ pég la ne ńkwoŋo ngie mé pú’u yé. Pʉ̀a ŋwɛ́ la shú ńkúu tsɛ̀ɛ nùɔ yég pá’ pà mánaŋ. Pɔ́ lɔ́ɔn ńtóo lé gyá pá’ peg ee pà ndù nnɛ́ ná mà pà Yuda, ńcʉa ná Yěsô Kristo ńgÿo még menò pú’u. Pɔ́ lɔ́ɔn fa’a lé lɔgɔ wég ńgÿo menkwɔɔn.

Efeso 4:14

À cʉa pú’u, pege é le gíŋe ńgwɔ́ mecʉ̀cʉ̀ŋ penkʉ́ pie ée pá’ kanú’ gie ntse shwoŋo ńdɔgɔ ńgee jʉ’ɔɔn, ńgee jʉ’ʉ wɔ́. Mé le gíŋe shwóŋó wégè ngie pege pʉ pʉ kà ngie pege cwóŋ cwóŋ wɔ́, tà pege jú’ mɛ̌ ménò mie mé zí’i pʉ̀a ńzẅíŋ wɔ́. Á fó pú’u, pege le gíŋe ńgwɔ́ pá’ mecʉ̀cʉ̀ŋ pie pɔ́ zẅíŋe, epʉ̀a kwaŋa menò ńdɔgɔ fʉte wɔ́b pɔ́ zẅíŋe cÿɔ̌ nò wɔ́.

Efeso 5:6

Tà nyìŋ lɔgɔ púu shwóŋè, éfʉʉ gẅí. Menò mie mé tʉ́ʉ lɔɔn zɔɔn ńgÿo Ssé gyáŋa lóŋ ńtí pʉ̀a pie pɔ́ té gÿo mmó gie à ne ńkwoŋo wɔ́.

Filipo 3:2

Pi pɔ́ɔn pàzí’i pʉ̀a mmó pie ée pè tepòŋ! Mefà’ mɔ́b ée mbwo Ssé é sẅile sẅile! Ayɔ́b nò wɔ́ pɔ́ ngie mé lɔɔn tè nyìŋ pú’, e Ssé légÿo á tsẅɛ́ wɔ́.

Kolosia 2:8

Pi pɔ́ɔn nyìŋ lélɔgɔ zse nò pʉ̀a mesoŋ gie á gwɔ́ pɔ́ fÿɔ́g sẅɛ̀ɛ, éfʉte gẅí, pi gwe ná lejÿɔ̀’ sé. Yɛ̌ gwɔ́ pɔ́ cÿɔ̌ nò gẅie é jʉ́’ʉ ná nùŋe pʉ̀a mesoŋ, ńgíŋ ńjʉ’ʉ nà metʉ̀ mentí mentí mie ée tsɛ̀ɛ njÿó, é té jʉ́’ʉ ná Kristo wɔ́.

2 Timote 3:13

Tá’ n gɔɔn pá’ɔɔn pʉ̀a tepòŋ pâ ngàŋa fʉte ge gÿo lɔgɔ nò tepòŋ é kẅi’i gʉa pɔ́ lê mvfò, é ne fʉte pʉ̀a, pɔ́ gíŋe ne fʉte wɔ́b yɔ́b.

2 Timote 4:3

Á nue atsɔ́ fʉ́’ ge gÿo gwɔ́, epʉ̀a le gíŋe ńkwoŋo lézẅí’te nò nénʉ́ gie mé zí’i pʉ̀a ná Yěsô Kristo wɔ́, é lɔg pá’ pɔ́ kwoŋo lézẅí’te pɔ́ nò gie ntʉ́m wɔ́b ne ńtsɔ́ɔn, éfa’ pɔ́b pàzí’i wɔ́b mmó tà e gyɔ́ɔn gyɔ́ɔn. Pɔ́ zí’i wɔ́b nò gie pɔ́ kwoŋo lé jú’.

2 Piɛ 3:17

Meshǔ pɔ́ɔn pe tʉ̀ nzẅìŋ, á gʉa ná pi, mbà mèŋ n tʉ̌ njÿó é shwóŋó gẅí. Pi ké ńdaga twó gí, ḿbɔ́gɔ pà tè shʉ́ ńkúu wɔ́b léfʉte gẅi pi fʉa mánzsè, ńzye lémʉ’te ná mmó gie letʉ́m sí ka zɔɔn ńtyé mǒ tà ńtyé.

1 Jâŋ 4:1

Meshǔ pɔ́ɔn pe tʉ̀ nzẅìŋ, tà pi jú’ nyìŋ gɔɔn ngie Zẅìge Ndʉalʉ̌a áa ná yé, pi gwóon ńzẅíŋ zẅíŋ, té cwoŋo ńdíe ka áa kwà’ Zẅìge Ssé wɔ́. Á nue pà *ntsẅì nkʉ̀ Ssé pe cÿɔ̌ nò pǔ ńgyɔ́ɔn tsɛ̀ɛ njÿó tɛ’.

Jẅide 1:4

Mèŋ n gɔɔn pá’ɔɔn nue tsɔ́ pʉ̀a kéen ńzɔɔn shú ńkúu tsetsɛ̀ɛ pi, pɔ́ ne sele shÿó nò mbòŋo gie e Ssé yege la lɔg ńcÿó gʉm yégè, pú’u lépʉ́le ńgÿo menò shʉ́ mɔ́b. Pɔ́ lɔgɔ pú’u, ḿmoŋe Yěsô Kristo, á gwɔ́ ndà’ Ndè wege, yé gíle yé zɔ gẅiin wégè. Pɔ́ ée pʉ̀a tepòŋ, ńgwɔ́ pʉ̀a pie ntyě sǎg pá’ ŋwà’ne Ssé la lá’ ńgɔɔn ntí ngʉ̀ngʉ̀ gie e ku’u ná pɔ́b.

Ŋwà’ne Ngyà jʉ’ 16:13

N gyá tsɔ̌ *ssé tepòŋ fóo ncwò máa nnùngém ńkẅɛ, yetsɔ̌ fóo ncwò nkʉ̀’ʉ nɔ̀ɔn ńkẅɛ, yetsɔ̌ fóo ncwò *ntsẅì nkʉ̀ Ssé we cÿɔ̌ nò ńkẅɛ, tà pɔ́ gwɔ́ metá, ńgwɔ́ pɔ́ pá’ metetɔ́’ la,

Ŋwà’ne Ngyà jʉ’ 17:6

Mèŋ n gyá manzwě áwɛ̌, mbà à ně nú metse pʉ̀a Ssé mbɔɔ me pʉ̀a pie pɔ́ gɔɔn mmó gie pɔ́ zsé ná Yěsô nǔ tà ḿbʉ́a. Mèŋ n gyá yé ḿbú ḿmɔɔn tɛ’.

Ŋwà’ne Ngyà jʉ’ 19:20

Mé jÿo nkʉ̀’ʉ nɔ̀ɔn wa, ńgwoon yé, ńgíŋe ńgwoon mbɔɔ *ntsẅì nkʉ̀ Ssé we cÿɔ̌ nò gẅie, à la tyé mvfò yé, ńgÿo menò mmɔɔn mmɔɔn ńdɔg fʉte pʉ̀a pie pɔ́ la zẅíŋ mé cÿɔ’ɔ liŋé nkʉ̀’ʉ nɔ̀ɔn ŋwɛ́ ná pɔ́b, pɔ́ gíŋ ńgu’te tútú nɔ̀ɔn ŋwɛ́ la. Mé gwoon wɔ́b pú’u, ńzé’e wɔ́b mépʉ́a pɔ́ ntentʉ́, ḿma’a tsɛ̀ɛ gÿǒon mmɔ̌g *mekʉ̀a.

Ŋwà’ne Ngyà jʉ’ 20:10

Sátà gẅie á kě ne fʉte wɔ́b la, mé tsó yé ḿma’a tsɛ̀ɛ gÿǒon mmɔ̌g *mekʉ̀a, á lejʉ́ŋ nkʉ̀’ʉ nɔ̀ɔn mbɔɔ lejʉ́ŋ *ntsẅì nkʉ̀ Ssé we cÿɔ̌ nò. Pɔ́ lá’a ńtsẅé wó, ńgyá ngʉ̀ngʉ̀ ntí ntí, á zsó pɔ́ tsẅɛ́’, á nà ngù’ nkɔ́ɔn lê nkɔ̌ɔn.