Matio 7:13 - Nouveau Testament en Ngienboum

¹³ Pi cʉ́’ʉ léfa’a mánzsè tÿǒ lepwó, ḿpfó pɔ́ nà ncwò nká’ gẅie é kʉ́mte kʉmtě. Ncwò nká’ gẅie é gú’ tɛ’, é gee pɔ́ né lá’ legwé. Mánzsè gẅie à gee lá’ legwé gú’ tɛ’, lelÿò pʉ̀a né ḿpfó pɔ́ wɛ̌.

Matio 7:13 ပူးပေါင်းရင်းမြစ်များ

Matio 23:13

Pi ee pàshÿó tepòŋ, pi *pàkyagte lepʉ̌ Mǒsê lâ pi pà *farisay. Pi ee pànkwòŋ menÿɔ́g, pi ne ńkíle ncwò ndá gẅie pʉ̀a mesoŋ pfó mǒ tá ńkúu tsɛ̀ɛ nò *lefùɔ Ssé, pú’u, pi tè tsɛ̀ɛ wó kú, ńké tè nyé pʉ̀a pie é ne ńkwoŋo lékúu tsɛ̀ɛ wó kúu wó wɔ́.

Matio 25:41

É leen ké gíŋe gɔɔn mbwó pʉ̀a pie ée ná gwǒŋo pwó yé ye kyɛ̀bɛ, é ye: Pi ee megàŋ ndòon, pi fó lejʉ́ŋ mèŋ ńgʉa tà ngʉ̀a sag, ńkúu tsɛ̀ɛ mmɔ̌g gẅie é té ńdá’a ḿbyé wɔ́, é gẅie mé la nyɛte ńtí Sátà paa mecÿɔ́’ pé.

Matio 25:46

Pɔɔn pʉ̀a leen ńké ńgʉa lê jʉ’ gie pɔ́ ge lá’a tsẅé wó, é gyá pɔ́ ngɔ́’ tèmi. Pʉ̀a pie é la gÿo mmó gie e Ssé ne ńkwoŋo, pɔ́ gẅiin le gwɔ́ tèmi

Matio 3:2

Pi kúbe mà gẅi, á nue àfʉ̀’ gie Ssé ge nyɛ lefùɔ sé tsoté tà ne ḿbɔ́ɔnte.

Matio 3:8

Pi gÿo pɔ́ menò mbòŋo mie e nyɛɛ ngie pi kubé mà.

Matio 7:14

Tá ncwò nká’ gẅie é gee lá’ letsẅɛ́ temi, kʉ́mte kʉmtě. Mánzsè piŋ ńtege tege, pà pfó wɛ̌ té gyɔ́ɔn.

Lukase 14:33

Yěsô ma’a twó ngie: Áa ndʉŋ ndʉŋ pú’u, nyìŋ lɔɔn ńgwɔ́ tsetsɛ̀ɛ pi, à tè vɔg ńnyé shúm sie à gẅiin wɔ́, mbà à tè ku’u légwɔ́ *ngàŋa kwò wɔ̀ɔn mɔ́.

Lukase 9:33

Pâ pɔ̌ la cʉ́’ʉ ne ńgee pɔ́ fegé, Piɛ shÿɔg shÿɔg tà ńgɔɔn né Yěsô ngie: Tá weg, pege lɔɔn ńcʉ́’ʉ ńnéŋe pɔ́ jʉ’ɔɔn, á gwɔ́ mbòŋ. Zẅíŋe peg kwɛ́ méntàb méntá, tà’ gwɔ́ gù, wetsɔ́ gwɔ́ we Mǒsê, wetsɔ́ gwɔ́ we *Elîɛ. Piɛ gɔɔn yé pú’u, à tě ńzsé mmó gie à gɔɔn wɔ́.

Ŋwà’ne Jâŋ 10:9

Ncwò nká’ à gwɔ́ pɔ́ mèŋ, nyìŋ lɔɔn ḿpfó ná mèŋ ńkúu nká’, mbà ngàŋ ge gÿo tsẅɛ́. À ge ne kúu nká’, é kẅɛɛ pá’ à kwǒŋ, éfa’a mmó mpfɛ̌.

Ŋwà’ne Jâŋ 14:6

Yěsô tsɔ́’ɔ mbwo yé ngie: Mèŋ n ge mánzsè, mèŋ n ge nò nénʉ́, mèŋ n ge legwɔ̌ wó. À lɔɔn ńgwɔ́ nyìŋ á le gʉa mvfò Tá wɔ̀ɔn té cʉa pɔ́ ná mèŋ wɔ́.

Megàŋ ntúm 3:19

Pú’u lá, pi ké ńkúbe mà gẅi, ḿbiŋe mbwo Ssé. À lege menò tepòŋ mí.

Roma 9:22

Áa ndʉŋ ndʉŋ pá’ e Ssé gÿo nà pʉ̀a mesoŋ. À la kwoŋo lényɛ ngie lóŋ we ne ńgyáŋa ná menò mie pʉ̀a mesoŋ gÿo, mé fó mǒ ńgyá pá’ à tʉ pú’u. Tá, mbà á la gʉa nà pʉ̀a pie, à lɔ̌ɔn ge gyáŋa lóŋ ná pɔ́b, á ke ńdɔg pɔ́ kwɔ́gɔ nnɛ́ éshÿɔg shÿɔg. Tá mbà á la gwaa gwɔ́, mbà pɔ́ kǔ’ pá’ à ge pyága wɔ́b pyág.

2 Korento 4:4

ée pà jú’u nò Ssé té záb ntʉ́m mǒ, pie e ssé yé yɔɔn njÿó kéen ńjÿɔ́’ legyè sɔ́b ńdɔg ńtɔ́’ɔ wɔ́b légyá kyɛ̀’ gie á fóo ná nkʉ̀ mbòŋo, pú’u, pɔ́ té zsé pá’ shʉ́shÿɔ́g Kristo aa pú’u wɔ́. Yé Kristo aa pá’ e Ssé gwɔ̌.

2 Korento 6:17

Áa mmó gie á gÿo yé Cʉ̀apʉ̀a gɔɔn ngie: Pi fó tsetsɛ̀ɛ pɔ́b ńkẅɛ, éfag gi nnɛ́, Tà pi kíbe mmó gie *lɔ̌’ áa mǒ, Mèŋ n deen ńké ńkúe gẅí.

Galatia 5:24

Pʉ̀a pie ée pe Yěsô Kristo léen ńgwá’ shúm tepòŋ sie é póŋ mbùm nnɛ́ yɔb, lâ sie mbùm nnɛ́ ŋwɛ́ zɔ tsɔ̌ɔn, tá á gwɔ́ pɔ́ pá’ fʉ̀’ gie pɔ́ léen ńkim mbùm nnɛ́ ŋwɛ́ nà tÿǒ nkǐ la.

Filipo 3:19

Emɔ́b melyɛ̌’ ge lá’ maga tsɛ̀ɛ njÿó, pɔ́ gee lepÿé mmɔ̌g, mélà’mie yɔ́b ssé gwɔ́ pɔ́ lepfòm sɔ́b. Pɔ́ kága nà mmó gie eshʉ́ kɔ’ɔ́ kúu wɔ́b mǒ kǔ, ewɔ́b nkwaŋá piŋ ńtyé pɔ́ nà shúm njÿó.

1 Jâŋ 5:19

Pege ne ńzsé ngie pege ee púɔ Ssé, tá’ ngwòŋ njÿó ntsèm pǔ ńjú’u pɔ́ mbwo nyìŋ tepòŋ.

Ŋwà’ne Ngyà jʉ’ 12:9

Mé lêen ńké ńtsó máa nnù ngém ya, pâ pé mecÿɔ́’, ḿbÿɛɛ ndùmo ssé tsetsá’. Áa yé ńgwɔ́ nnú yá gie e la fó tàa fʉ̀’e mvfò la, mé tóŋo yé lé ndebele, ńgíŋe ńtóŋo yé le Sátà, aa yé gẅie à fʉte pʉ̀a mesoŋ ntsèm ndùmo ssé tsetsá’

Ŋwà’ne Ngyà jʉ’ 13:8

Pʉ̀a metsèm pie ée ndùmo ssé tsetsá’ ge gÿo kẅí’te mvfò yé, é gu’te yé. Mé gɔɔn ngwòŋ pʉ̀a metsèm pie mé la tè ŋwe’e lezíŋ sɔ́b á tsɛ̀ɛ ŋwà’ne le gwɔ́ wó, tà fó fʉ̀’ gie njÿó la zye wɔ́. Aŋwà’ne ŋwɛ́ áa ye mûɔ *Njʉ̀njÿò gẅie mé la zẅé yé.

Ŋwà’ne Ngyà jʉ’ 20:15

Wɔ̌wɔ́ɔ gẅie mé la tè gyá lezíŋ sé tsɛ̀ɛ ŋwà’ne gie mezíŋ pʉ̀a pie pɔ́ gẅiin le gwɔ́ tèmì ée tsoló wɔ́, mé ma’a yé tsɛ̀ɛ lepÿé mmɔ̌g.

Ŋwà’ne Ngyà jʉ’ 20:3

ńdeen ńké ńzé’e yé ḿma’a tsɛ̀ɛ pÿé té lǎŋ, ńdɔgɔ kí ńjÿɔ’ɔ yé tsoló, ńtse lê lìi nŋwá’ légwɔ́ gie à tè gíŋe gwá tsɛ̀ɛ mengwòŋo mengwòŋ é fʉte pʉ̀a wɔ́ tà ngù’ ntsá’ e lá’ ńku’. E lá’ ńgwɔ́ tà ńku’, mé ná’a ńkyɛ’ɛ yé ná mûɔ méfʉ̀’.