Matio 6:9 - Nouveau Testament en Ngienboum

⁹ Pi lɔɔn ne sẅíŋte Ssé pi gɔɔn ngie: Tá weg, gù gẅie ɔ́ɔ tÿǒ lepwó. Gÿo pʉ̀a mesoŋ zsé ngie ee ndà’ gú ńgwɔ́ Ssé.

Matio 6:9 ပူးပေါင်းရင်းမြစ်များ

Matio 10:29

Mé ée lá’ɔɔn, ésẅiŋ mejʉŋé mémbʉ́a é té ku’u tsɔ́ mmó wɔ́. Tà mbɔɔ pú’u, ńgwɔ́ tsɔ̌ tà’ á le gwe ssé té gwɔ́ gie Tá gẅi Ssé à zẅǐŋ wɔ́.

Matio 23:9

Tà pi tóŋo tsɔ́ nyìŋ ndùmo ssé tsetsá’ lê tá gẅi, á nue pi gẅiin pɔ́ tà’ tá wémɔ’ɔ́ á gwɔ́ tÿǒ lepwó.

Matio 26:29

Mèŋ shwóŋó gẅí, mèŋ n tě ńdá’a ńgíŋe ńnúu mɔɔn melù’ wɔ́, tà lá’ cʉ́’ʉ núu pɔ́ me sẅé fʉ̀’ gie pege cʉ̌’ ńgwɔ́ pɔ́ tsɛ̀ɛ lefùɔ Tá wɔ̀ɔn.

Matio 26:42

Yěsô gíŋe fó lejʉ́ŋ pɔ́b ńgʉa nà mbɔ́ɔntè yépʉ́a, ésẅíŋte Ssé ńgɔɔn ngie: Tɔ́ɔnme, á lɔɔn ńgwɔ́ gie tsɔ̌ légÿo tà sẅɛ’te yɔɔn ntú’ lejʉ́ŋ mèŋ à tè gwɔ́ wɔ́, ńke ńgwɔ́ gie mèŋ n ké ńnú nú, ɔ̀ gÿo pá’ ɔ̀ kwǒŋ,

Matio 5:16

Aa yɛ̌ tá á poŋ ngie pi kyɛ’ pʉ̀a mesoŋ tá pɔ́ gyá nò mbòŋo gie pi ne ńgÿo, ńdeen ńké ńgu’te Tá gẅi gẅie aa tÿǒ lepwó.

Matio 5:48

Pú’u lá, pi gwɔ́ pàtè *lɔ̌’, pá’ Tá gẅi gẅie aa tÿǒ lepwó aa tè *lɔ̌’

Matio 6:14

Áa pú’u, ńgwɔ́ gie pi lɔɔn ńzɔɔn ńdege mefʉa petsɔ́ pʉ̀a, tá mbà Tá gẅi gẅie aa tÿǒ lepwó ge gÿo lege mí gí.

Matio 6:6

Tá ńgʉa ná gù, mbà ɔ̀ lɔɔn ńge sẅíŋte Ssé, ɔ́ kúu tsɛ̀ɛ lúm ndá, ńkábte ncwò ndá, ńnéŋe lelyěen tá sẅíŋte Tá gù gẅie aa jʉ’e lelyěen. Yé gẅie à gyá mmó gie ɔ̀ gÿo jʉ’ʉ lelyěen, à ge gÿo tsɔ́’ɔ fà’ jú.

Matio 7:11

Pi pie pi fʉ̀’ nò tɛ’ zsé léna shúm mbòŋo á mbwó gubé gí, tà ngʉ̀a shÿɔ́’ɔ ná Tá gẅi gẅie aa tÿǒ lepwó? À ge ná shúm mbòŋo mbwó pʉ̀a pie pɔ́ lǔɔ mbwó yé.

Lukase 15:18

Mèŋ n ge fóo jʉ’ɔɔn gʉa, é piŋ nzèm lê mbʉ̀a tá wɔ̀ɔn, é tó gɔɔn né yé ngie: Tá wɔ̀ɔn, n ka gÿo nò tepòŋ nà Ssé, ńgÿo ná gù.

Lukase 15:21

Múɔ gɔɔn né tá we ngie: Tɔ̌ɔnmé, n ka gÿo nò tepòŋ nà Ssé, ńgÿo ná gù, n tè gíŋe ńku’u gẅie à lɔɔn ńgwɔ́ ɔ̀ tóŋ lê míŋ gù wɔ́.

Lukase 2:14

Legu’ gwɔ́ mbwo Ssé á tàa tÿǒ lepwó, asẅétè gwɔ́ mbwo pʉ̀a mesoŋ ndùmo Ssé tsetsá’. E Ssé kwoŋo wɔ́b.

Ŋwà’ne Jâŋ 20:17

Yěsô gɔɔn né yé ngie: Tè gíŋe ndáte wɔ̀ɔn, á nue mèŋ n nyě tè kwɔ̌’ tà ńkúu lejʉ́ŋ Tá wɔ̀ɔn. Ké ńgʉa ńgyá mefɛ́ pɔ́ɔn, ńgɔɔn né pɔ́b ngie: Mèŋ n ge kwɔ́’ nê lejʉ́ŋ Tá wɔ̀ɔn mie à giŋé ńgwɔ́ Tá gẅi. Á lejʉ́ŋ Ssé yɔ̀ɔn gie e giŋé ńgwɔ́ Ssé gi.

Roma 1:7

Mèŋ m biŋ ńnáa yɔɔn ŋwà’ne mbwo pi métsèm pie pi ee tÿǒsoŋo *Roma. Pi pie e Ssé kwoŋo gẅi, áa yɛ̌ à la tóŋo gẅi pá’ pi ge gwɔ́ pʉ̀a pé pie à tsɔ̌’. Mèŋ ne ńtsɔ́ɔn ngie Tá wégè Ssé mbɔɔ Cʉ̀apʉ̀a Yěsô Kristo ne ńgwɔ́ né pi, ńně ńnéŋe sẅéte ntʉ́m pi.

Roma 8:15

A Zẅìge gie mé la ńnéŋe ná pi, zɔɔn tè Zẅìge gie á ge gÿo pi gíŋe ńgwɔ́ pɔ́ menkwɔɔn pie pɔ́ ge ne cÿɔ’ɔ cÿɔ’ wɔ́. Á gwɔ́ pɔ́ Zẅìge gie á ge gÿo pi cʉ́’ púɔ Ssé. Pege piŋ ńzẅɛ́’ɛ yɛ̌ Zẅìge, ńtóŋo yé lê Abba; á gwɔ́ ngie Tɔ̌ɔnmé.

Galatia 1:1

Yɔɔn ŋwà’ne fóo mbwo mèŋ Pɔl, ngàŋ ntúm Yěsô Kristo, mbà pʉ̀a mesoŋ zɔ̌ la tè wɔ̀ɔn tsɔ́’, tsɔ̌ nyìŋ mesoŋ zɔ̌ ké tè wɔ̀ɔn túm. Yěsô Kristo pɔ́ Ssé Tá zɔ̌ la túmo wɔ̀ɔn. Yé Tá la gÿo Yěsô zíme ná legwé.

Galatia 4:6

Áa nénʉ́ pi ee kwa’ púɔ Ssé. Aliŋé áa pá’ Ssé la ńnéŋe Zẅìge Míŋ we tsɛ̀ɛ mentʉ́m mégè, á Zẅìge gie á gÿo pege tóŋo Ssé le Abba. Á lɔgɔ ńgɔɔn ngie Tá wɔɔn.

1 Timote 6:16

ée ndà’ yé gílé yé gẅie aa tèkwé. À ńnéŋe nà jʉ’ gie á pú ńŋwʉŋe tà ńgwɔ́ gie à lɔɔn ńgwɔ́ nyìŋ mesoŋ le tsíŋte tà ḿbɔ́ɔnte jʉ’ó wɔ́. Nyìŋ laa zɔɔn ńgyá yé wɔ́, ńgwɔ́ nyìŋ le ku’u légyá yé wɔ́. Á poŋ mekù’ mé mbɔɔ lefùɔ sé e lá’a ńgwɔ́ pɔ́ wó. *Amen.

1 Piɛ 1:17

Pi gʉa fʉ̀’ ntsèm gie pi ne sẅíŋte Ssé, pi tóŋ Ssé lê Tá gẅi, pú’u la, pi lɔg melyɛ’ɛ́ lá’ mie pi nyě ńgẅiin tsɛ̀ɛ yɔɔn njÿó, ńnyɛɛ tsɛ̀ɛ gẅi leńnéŋe ngie pi ne ńnáa mekù’ mé. Aa nyìŋ gẅie à zá’ ntsaŋ pʉ̀a mesoŋ té gẅiin tyɛ̀’te, éfó pɔ́ nà mmó gie nyìŋ gÿǒ tá ńzá’ ntsaŋ ngàŋ.

Ŋwà’ne Ngyà jʉ’ 4:11

Ɔ̀ɔ nyìŋ gẅie ɔ̀ ku’ me Cʉ̀apʉ̀a weg, ńgwɔ́ Ssé yeg, ɔ̀ ku’ pá’ à lɔɔn ńgwɔ́ mé náa legú’ mbwo gù, ńná mekù’ mbwo gù, pá’ à lɔɔn ńgwɔ́ gù zɔ̌ gẅiin metʉ̀. Á nue ɔ̀ la gÿo kɔ̀ɔkɔ́ɔ á gwɔ́ wó, gù zɔ la kwoŋ tá sɛ̌ shúm kẅɛɛ tsɛ̀ɛ njÿó, gù zɔ piŋ ńne ńkwoŋo tá é gwɔ́ wó.

Ŋwà’ne Ngyà jʉ’ 5:12

ńne ńzɔbɔ ńgɔɔn ngie; Mûɔ *Njʉ̀njÿò gẅie mé la zẅé yé la, à ku’u nyìŋ gẅie à lɔɔn ńgwɔ́ mé ná metʉ̀ né yé, ńná shúm né yé, ńnáa zse nò né ye, ńná ngʉ̀’ né yé, ńná mekù’ né yé, ńnáa legú’ né yé, ńzɔb lezíŋ sé.