Matio 6:5 - Nouveau Testament en Ngienboum

⁵ Pi lɔɔn ne sẅíŋte Ssé, tà pi gÿo pá’ pà nkwòŋ menÿɔ́g, pɔ́ kwoŋo létyé tsɛ̀ɛ *mendá cú’tè mbɔɔ metwó nzsè tá sẅíŋte Ssé, pá’ pʉ̀a metsèm ge gyá wɔ́b. Tà mèŋ shwóŋó gẅí, kwà’ nénʉ́, pɔ́ ně ńda’ ńkẅé ńtsɔ́’ɔ fà’ wɔ́b.

Matio 6:5 ပူးပေါင်းရင်းမြစ်များ

Matio 21:22

Pi lɔɔn ńzáb ntʉ́m nà Ssé, ésẅíŋte yé ńdúɔ kɔ́ɔkɔ́ wɔ́, mbà à ge ná.

Matio 23:13

Pi ee pàshÿó tepòŋ, pi *pàkyagte lepʉ̌ Mǒsê lâ pi pà *farisay. Pi ee pànkwòŋ menÿɔ́g, pi ne ńkíle ncwò ndá gẅie pʉ̀a mesoŋ pfó mǒ tá ńkúu tsɛ̀ɛ nò *lefùɔ Ssé, pú’u, pi tè tsɛ̀ɛ wó kú, ńké tè nyé pʉ̀a pie é ne ńkwoŋo lékúu tsɛ̀ɛ wó kúu wó wɔ́.

Matio 23:5

Pɔ́ gwɔ́ gÿo kɔ́ wɔ́ nně ńtsɔ́ɔn ngie mé gyá wɔ́b. Áa mmó gie á gÿo, pɔ́ gʉa ná shwóŋó Ssé gie mé ŋwe’e ńnéŋe tsɛ̀ɛ tétɔ́’, á gie mé kwɛ́ɛ ná zǐ ka ná pwó wɔ́ la, pɔ́ gÿo pɔ́b metétɔ́’ é gú’ pɔ́ nà ntí yé ndyɛ̀’ɛ. Pɔ́ gíŋe ńgÿo yɔb nzsǒ gie mé ma’a ńdɔgɔ ńtsyɛ’te Ssé, metsɔ̌ɔn sag tɛ’

Matio 23:6

Pɔ́ kúu jʉ’e melínɔ́ɔn, ńnéŋe pɔ́ nà jʉ’e melÿò, ńkúu *mendá cú’tè ńkaŋa yɔ́b jʉ’ pɔ́ mvfò.

Matio 6:1

Yěsô gíŋe ńgɔɔn ngie: Pi lɔɔn ńge ńgÿo mmó gie *lepʉ̌ Ssé ne ńzɛ́te, pi laga twó gí létóŋo lá’ tá ńgÿo, á nà ntí gie mé ge ne líe gẅí. Pi lɔɔn ńgÿo pú’u, mbà Tá gẅi gẅie aa tÿǒ lepwó tè gÿo tsɔ́’ɔ fà’ gí wɔ́.

Matio 6:16

Pi lɔɔn ńkwoŋ kwoŋ ńnéŋe nzyè lésẅíŋte Ssé, tà pi sẅé’e shÿó gẅi pá’ pà nkwòŋ menÿɔ́g. Pɔ́ sẅé’e shÿó wɔ́b, ńdɔg ńnyɛ ngie pɔ́ ne ńnéŋe nzyè lésẅíŋte Ssé. Tà mèŋ shwóŋó gẅí, kwà’ nénʉ́, pɔ́ ně ńdá’ ńgẅiin ntsɔ’ɔ́ fà’ wɔ́b.

Matio 6:2

Ɔ̀ lɔɔn ńgee ńná nkáb mbwó pàte mmó, tè gÿo pé pá’ mé ge tyé ne gyá. Megàŋa ŋá’te nnɛ́ zɔ̌ gÿo pú’u. Pɔ́ kúu *ndá cú’tè, ńtyé mbɔɔ metwó nzsè tá ńnáa mmó, pú’u, ngie pʉ̀a gɔ’te wɔ́b. Tà mèŋ shwóŋó gẅí, kwà’ nénʉ́, pɔ́ ně ńda’ ńkẅé ntsɔ’ɔ́ fà’ wɔ́b.

Matio 9:38

Á poŋ ngie pi sẅíŋte ngàŋ nká’ à kẅi’i megàŋa fà’ pie pɔ́ ge ne laga shúm sé.

Malékuse 11:25

Afʉ̀’ gie ɔ̀ ne sẅíŋte Ssé lá, ńgwɔ́ gie nyìŋ fʉ̌a nò mbwo gù, ɔ̀ lege ńnáa mbwo ngàŋ. À cʉa pú’u, tá Tá gẅi gẅie aa tÿǒ lepwó, à lege mí mefʉ̀a ńná lé pi.

Malékuse 12:38

Yěsô gíŋe ńzí’i wɔ́b ngie: Pi lÿɔ́’ *pàkyàgte lepʉ̌ Mǒsê pá’ɔɔn tɛ’. Pɔ́ kwoŋo léma’ meshʉ̀shʉ̀a menzsǒ ńdɔg ńgwáa ńkʉ́’ʉ, ńkwoŋ ngie mé tó ńtsyɛ’te wɔ́b ndùmo gyɛ̌,

Lukase 11:43

Ndòon ee twó pi pà *farisay! Pi kúu *ndá cú’tè, ńkaŋa gí jʉ’ pɔ́ mvfò, ńkwoŋ ngie mé tó ńtsyɛ’te gẅi ndùmo gyɛ̌.

Lukase 18:1

Yěsô saga tsɔ́ nò, ńdɔg ńda’te mbwo *ngàŋa kwò yé pà’ á poŋo lésẅíŋte Ssé fʉ̀’ ntsèm té kʉ́a.

Lukase 18:13

Ankẅè ncùb ŋwɛ̌ tyé yé pɔ́ taa nzèm, éfó tè ku’u lépʉ’ʉ twó yé ńdíe tÿǒ wɔ́, ńcʉ́’ sɔbɔ twó yé ssé ńgɔɔn ngie: E Ssé yɔɔn, tsɔ́ɔn mezìŋe mɔ́ɔn, mèŋ n deen ńgwɔ́ pɔ́ nyìŋ tepòŋ.

Lukase 20:47

Pɔ zɔ̌ gíŋe ńdɔgɔ legyè ńkẅé shúm mepfɔ̌g, ńcʉ́’ʉ létsyɛ’te Ssé, ńdɔgɔ légɔɔn nò á sag ḿbaba menÿɔ́g pʉ̀a. E Ssé ge lá’ záb yɔb ngʉ̀ngʉ̀ e tʉ tɛ’.

Lukase 6:24

Tá’, pi ee kwà’ pàshÿó tepòŋ pi pie pi ee megàŋa mmó, mélà’mie pi lêen ńgẅiin léjÿó sî shúm mbòŋo pɔ́ ndà’ fʉ̀’ɔɔn.

Ŋwà’ne Jâŋ 16:24

Tà ńkú fʉ̀’ɔɔn, pi laa zɔɔn ńdɔg lezíŋ sɔ́ɔn ńdúɔ tsɔ́ mmó mbwo Ssé wɔ́. Pi lúɔ à ná né pi, lekág nyɛte ńdúe tsɛ̀ɛ ntʉ́m gẅí.

Efeso 6:18

Pi gwɔ́ fʉ̀’ ntsèm ńne ńtsyɛ’te Ssé, ńgíŋe ne sẅíŋte yé nà mentí ntsèm, pá’ Zẅìge ge ne nyɛɛ gẅi ngie pi gÿo pú’u. Tà pi gwá’a lÿɔ̀g, pi sẅíŋte Ssé nà twó pʉ̀a Ssé métsèm.

1 Tesalonika 5:17

Pi ne ńtsyɛ’te Ssé fʉ̀’ ntsèm,

Ŋwà’ne Jâg 4:6

Tá, e Ssé kě ńne ńcÿó gʉm yégè, apòŋo ntʉ́m yé nzèm pege fáŋ ńcʉa kɔ̀ɔkɔ́ɔ. Ŋwà’ne Ssé zɔɔn ńgɔɔn ngie: E Ssé lʉ’ pàŋá’te nnɛ́ lʉ’, ńké ńdɔgɔ pòŋo ntʉ́m ńdíe pʉ̀a pie é sẅí’i mbùm yɔb ńnáa ssé.