Matio 6:34 - Nouveau Testament en Ngienboum

³⁴ Pú’u la, tà pi pú’ mbùm gi ná nò lyɛ’ɛ́ lá’ jǔɔ. Àlyɛ’ɛ́ lá’ jǔɔ, a ge gÿo tó lâ mé menò. Yɛ̌ ngɔ́’ wɔ́ ku’u nà yé lyɛ’ɛ́ lá’.

Matio 6:34 ပူးပေါင်းရင်းမြစ်များ

Matio 6:11

Náa yég mmó léjÿó gie á ge ku’u ná peg nà lyɛ̌’ɔɔn,

Matio 6:25

Mèŋ n dɔgɔ shwóŋó gẅi ngie: Tà pi ńnéŋe ḿbú’u mbùm gí ngie peg ge pfɛ́ɛ kɔ́, peg ge lɔg ntse nzɔ̌ é núu? Peg ge lɔg nzsǒ nzɔ̌ ma’a? Gẅi le gwɔ́ wó tè cʉa shúm léjÿó wɔ̂? Mbùm nyìŋ piŋ tè gwɔ́ mmó tʉ̀ nzẅìŋ ńcʉa menzsǒ wɔ́?

Matio 6:27

Àwɔ̌ aa ná pi gẅie ńgwɔ́ á seen ńdɔg pɔ́ pá’ à pǔ’ mbùm ye, ńku’u lékẅi’i tà’a lyɛ̌’ nà melyɛ’ɛ́ lá’ mé?

Lukase 10:41

Yěsô gɔɔn ngie: Mágtà, Mágtà, ɔ̀ pǔ’ mbùm ɔ̀, ńgwá ńgyá ngɔ́’ nà shúm tà ńgyɔ́ɔn.

Lukase 11:3

ńgwɔ́ lyɛ̌’ ntsèm, ńnáa yég mmó léjÿó gie á ge ku’u ná peg á nà lyɛ̌’ɔɔn

Lukase 12:11

Pi zsé ngie, tsɔ́ fʉ̀’ ge gÿo ku’, mé gwoon gẅí, ńgʉa ńŋaga gẅi kà pɔ́ *ndá cú’tè pà Yuda wɔ́, kà pɔ́ mvfò mefùɔ wɔ́, kà pɔ́ mvfò pàsá’a lá’ gwɔ́. Mé gwɔ́ tà ne ńdɔgɔ gẅi ńgee, tà pi pú’ mbùm gí ngie pi ge tóo wó é gɔɔn ngie kɔ́ wɔ́? É zoŋo twó gí lêkɔ́ wɔ́?

Lukase 12:22

Yěsô gíŋe ńgɔɔn mbwo *ngàŋa kwò yé gie: N dɔgɔ shwóŋó gẅi ngie tà pi ńnéŋe ḿbú’u mbùm gí nà nò mmó léjÿó ngie: Peg ge pfɛ́ɛ kɔ́? Tà pi pú’ mbùm gi nà nò nzsǒ ngie: Peg ge ma’a kɔ́?

Ŋwà’ne Jâŋ 14:27

Tà pi cʉ́’ nzèm ntʉ́m gẅi gíŋe ḿvɛ, tà pi cÿɔ’. Mèŋ n ge néŋ mbʉ́lè tsɛ̀ɛ ntʉ́m gẅí, e gwɔ́ mbʉ́lè gie e fóo ná mèŋ, e tè gie mé fa’a tsɛ̀ɛ yɔɔn njyó wɔ́.

Ŋwà’ne Jâŋ 16:33

Mèŋ n tʉ́ njÿó shwóŋó gẅi mɔɔn menò légwɔ́ gie pi ge la nnɛ́ ná mèŋ, mbʉ́lè gwɔ́ ntʉ́m pi. Pi ge gÿo gyá ngɔ́’ tsɛ̀ɛ njÿó, tá’ tà pi cÿɔ’. N kéen ńcʉa njÿó.

Megàŋ ntúm 14:22

ńgiŋe ńtóonte ntʉ́m pʉ̀a Kristo ngie tà pɔ́ kʉ́a ná lézáb ntʉ́m nà Yěsô, ńne ńgɔɔn né pɔ́b ngie: Á ne ńzɛ́te ngie pâ pɔ̌ cʉa tsɛ̀ɛ ngʉ̀ngʉ̀ tà ńgyɔ́ɔn tá ńkúu tsɛ̀ɛ *lefùɔ Ssé.

Filipo 4:6

Tà pi pú’ mbùm gí nà tsɔ́ nò. Tá’, akɔ́ nò zɔ̌ lɔɔn ńtyé ssé wɔ́, pi pú’ mbwó mbwo Ssé, éshwóŋó yé mmó gie pi ne ńtsɔ́ɔn, ésẅíŋte yé, ḿbiŋ ńná ndǎg mbwo yé.

1 Piɛ 5:7

Pi pú ńnéŋe kɔ̀ɔkɔ́ɔ gie á ne ńcʉa gẅí, á nà mbwo Ssé, ńtí nue à ne ńdíe gẅí.