Matio 6:30 - Nouveau Testament en Ngienboum

³⁰ Tà Ssé lɔɔn ḿma’ nzsǒ mbòŋo á nà legǐ gẅie à zɔ́gɔ nká’ lyɛ̌’ɔɔn, njÿó lʉ́a mé kɔ́’ ńtuɔ mmɔ̌g, mbà á ge kúu ná pi tá à zág nzsǒ lá? Á gwɔ́ pɔ́ ngie: Pi té záb ntʉ́m nà Ssé fʉ̀’ ntsèm wɔ́.

Matio 6:30 ပူးပေါင်းရင်းမြစ်များ

Matio 14:31

Yěsô gwóon ńtsege pwó yé ńkwɔ́bɔ yé, ńgɔɔn né yé ngie: ɔ̀ záb ntʉ́m ná mèŋ pɔ́ mejʉ’! Ɔ̀ gwǎ mʉ́’te ńgaa?

Matio 16:8

Yěsô zsé pá’ pɔ́ ne ńkwaŋa pú’u, ńgɔɔn né pɔ́b ngie: Pi tè záb ntʉ́m ná mèŋ mboŋó wɔ́. Pi kwaŋa pɔ́ nò mbelég gie pi tè gẅiin mélà’a kɔ́?

Matio 17:17

Yěsô jú’ pú’u, ngie: Yee! Pi pʉ̀a ngù’ɔɔn, pi tè záb ntʉ́m nà Ssé wɔ́, ńgÿo pɔ́ nò tepòŋ, aa pá’ɔɔn pege lá’ ńnéŋe tà ńkú pɔ́ síŋe? Mèŋ n ge lá’ shÿɔgɔ ná menò mí tà kú pɔ́ síŋe? Pi lɔgɔ múɔ ŋwɛ́ ńtóo jʉ’ɔɔn ńná né mèŋ.

Matio 8:26

Á gɔɔn né pɔ́b ngie: Pi pɔ́gɔ kɔ́? Pi tè záb ntʉ́m nà Ssé fʉ̀’ ntsèm wɔ́! Ńgɔɔn pú’u, ńdu ssé, ńcÿɔ́gɔ fóm pɔ́ ntse. Ejʉ’ láŋte lê kěm.

Malékuse 4:40

Yěsô leen ńké ńgɔɔn mbwo *ngàŋa kwò yé ngie, pi sěen ḿbɔ́gɔ kɔ́, pi fɔ̌ɔn ńnyé pɔ́ tè záb ntʉ́m ná mèŋ kà.

Malékuse 9:19

Yěsô gɔɔn mbwo pɔ́b ngie: Akwò pàtè něŋ ntʉ́m nà Ssé, áa pá’ɔɔn pege lá’ ńnéŋe tà síŋe gwɔ́ tá pi záb ntʉ́m gẅi nà Ssé? Mèŋ n ge lá’ shÿɔgɔ ná menò mí tà kú pɔ́ síŋe? Pi lɔgɔ múɔ ŋwɛ́ ńtó, ńná né mèŋ.

Lukase 12:28

Tà Ssé lɔɔn ḿma’ nzsǒ mbòŋo nà legǐ gẅie à zɔgɔ́ nká’ lyɛ̌’ɔɔn, njÿó lʉ́a mé kɔ́’ ńtuɔ mmɔ̌g, mbà á ge kúu ná pi tá à zág nzsǒ lá? Pi tè záb ntʉ́m nà Ssé fʉ̀’ ntsèm wɔ́.

Lukase 9:41

Yěsô jú’ pú’u, ngie: Wɛ̌ɛ! Pʉ̀a ngù’ yɔɔn, pi tè záb ntʉ́m nà Ssé wɔ́, ńgÿo pɔ́ nò tepòŋ. Aa pá’ɔɔn pege lá’ ńnéŋe tà ńkú pɔ́ síŋe, mèŋ shÿɔgɔ nà menò mi? Lɔgɔ míŋ ɔ̀ ŋwɛ́ ńtó lé jʉ’ɔɔn.

Ŋwà’ne Jâŋ 20:27

Ńdeen ńké ńgɔɔn né Tomáse ngie: Tsíŋe múɔ tepwó gù jʉ’ɔɔn. Líe mbwó mɔ́ɔn. Tsíŋe pwó jú, éshÿɔ́gɔ nà gwoŋó nnɛ́ yɔ́ɔn. Tè gíŋe ḿmʉ́’te, zẅíŋ ngie aa kwà’ mèŋ.

Heber 3:12

Pú’u la, mbà mefɛ́ pɔ́ɔn, pi laga twó gí, tà ntʉ́m tsɔ̌ nyìŋ gẅi é le tiŋ ndʉ̀’ á fó ná Ssé gẅie aa ńgwɔ́ pɔ́ wó ńzyɛ́b ntʉ́m wé wɔ́.

1 Piɛ 1:24

Mé la ŋwe’e tsɛ̀ɛ ŋwà’ne Ssé ngie: Nyìŋ mesoŋ ntsèm gwɔ́ pɔ́ pá’ legǐ We legú’ ntsèm gwɔ́ pɔ́ pá’ tootǒ legǐ gẅie aa nká’. Legǐ jǔm, à tootǒ tsɔ́’ɔ ńgwe ssé.