Matio 6:20 - Nouveau Testament en Ngienboum

²⁰ Pi cú’te shúm tʉ̀ nzẅìŋ sí pɔ́ lejʉ́ŋ Ssé, áa jʉ’ó àsɔ́ɔn pɔ́ vɛkɔ́ɔn té mmó cʉŋte. Metsǒŋ piŋ ńké tè ku’u lépwɔ́’ ndá ńkaa mmó wɔ́.

Matio 6:20 ပူးပေါင်းရင်းမြစ်များ

Matio 19:21

Yěsô tsɔ́’ɔ mbwó yé ngie: Ɔ̀ lɔɔn ne fa’a lémege ńcʉ́me, ɔ̀ gʉa sẅiŋ shúm sie ɔ̀ gẅiin ntsèm, ńná nkáb mbwó pàtèmmó, ńdeen ńké ndá’ ńgẅiin shúm tʉ̀ nzẅìŋ tÿǒ lepwó. Gʉa ńgÿo pú’u, ḿbiŋ ńtó ńcʉ́me nzèm mèŋ.

Matio 6:19

Tà pi cú’te shúm tʉ̀ nzẅìŋ sí ndùmo tsetsá’. Á jʉ’ gie àsɔ́ɔn pɔ́ vɛkɔ́ɔn ge pfɛ́ ntsèm, ńké tè pú’u wɔ́, metsǒŋ pwɔ́’ ndá, ńkáa.

Malékuse 10:21

Yěsô gíŋe ńdíe yé, anò yé poŋo yé, á gɔɔn né yé ngie: Mémmó wémɔ’ɔ́ nyě ńzága gẅie ɔ̀ ge gÿo. Gʉa, ḿbú sẅiŋ shúm shú ntsèm, ńgab nkáb mbwo pàtèmmó, ńdeen ńké ńdá’ ńgẅiin shúm tʉ̀ nzẅìŋ tÿǒ lepwó. Gʉa ńgÿo pú’u, ḿbiŋ ńtó ńcʉ́me nzèm mèŋ.

Lukase 12:33

Pi sẅíŋ shúm sie pi gẅiin, ńná nkáb mbwo pàtèmmó, ńdɔgɔ ńgẅiin púɔ pɔ̀ɔn nkáb pie é lɔɔn ńgwɔ́ é le tɔ́gte, ńdɔg ńde’e fù’ gí lejʉ́ŋ Ssé. Á jʉ’ gie á lɔɔn ńgwɔ́ wó, á le mag, metsǒŋ le ku’u léjʉ wɔ́, asɔ́ɔn á le ku’u léjÿó wɔ́.

Lukase 18:22

Yěsô zẅí’te tà ńtsɔ́’ɔ mbwo yé ngie: Tà’a mmó kě ńnyé ńzága mbwo ɔ̀. Gʉa sẅiŋ shúm shú ntsèm, ńgab nkáb mbwo pàtèmmó, ńdeen ńké ńdá’ ńgẅiin shúm tʉ̀ nzẅìŋ tÿǒ lepwó, gʉa ńgÿo pú’u, ḿbiŋ ńtó ńcʉ́me nzèm mèŋ.

1 Timote 6:17

Á gʉa ná pʉ̀a pie pɔ́ ée megàŋa mmó tsɛ̀ɛ yɔɔn njÿó, tsẅi né pɔ́b ngie pɔ́ pɔ́ɔn le ŋá’te nnɛ́, ńgie tà pɔ́ ńnéŋe ńzẅí’te wɔb lepòŋ pɔ́ nà shúm sie pɔ́ gẅiin, á nue á gwɔ́ pɔ́ fù’u njÿòon. Tsẅi né pɔ́b ngie pɔ́ zẅí’te wɔb lepòŋ pɔ́ mbwo Ssé gẅie à náa wege shúm ntsèm tà é gyɔ́ɔn gyɔ̌ɔn ngie pege lɔg ńkẅéte mbùm yege.

1 Timote 6:19

Pɔ́ lɔɔn ńgÿo pú’u, mbà pɔ́ lɔgɔ ńcú’te fù’ yɔ́b ńde’e ná jʉ’ʉ mbòŋo, á jʉ’ gie yɛ̌ fù’ ge lá’a gwɔ́ pɔ́ wó, é lɔgɔ pú’u, gẅiin kwà’ le gwɔ́ wó.

Heber 10:34

Megàŋa tsǎŋ la ne ńgyá ngɔ́’, pi kú gí nùɔ pɔ́b. Afʉ̀’ gie mé la gwoon shúm sí ńkẅé, pi lɔg pɔ́ lekág ńzẅíŋ mé kẅé, á nue pi la ne ńzsé ngie pi gẅiin tsɔ́ shúm é gwɔ́ sie é poŋ ńcʉa sɛ̌ ḿbiŋ ńgwɔ́ sie é ge lá’a gwɔ́ pɔ́ wó.

Heber 11:26

À la ne ńgyá ngie mé lɔɔn ńgwága yé pá’ mé la gÿo ńgwága *Nzà’nkÿo, mbà le gwɔ́ pú’u, ge gwɔ́ mbwo yé gwɔ́ mbòŋ é cʉa fù’ gie áa Egipto, á nue nÿɔ́g mé la tyé pɔ́ nà ntsɔ’ɔ́ fà’ gẅie à ge lá’ gẅiin.

Ŋwà’ne Jâg 2:5

Mefɛ́ pɔ́ɔn pe ntʉ̀ nzẅìŋ, pi jú’ mboŋó, e Ssé la tsɔ́’ pʉ̀a pie mé tóŋo tsɛ̀ɛ njÿó lê mefÿɔg, ńdɔg ńgÿo pàzáb ntʉ́m ná yé tɛ’, pɔ́ gẅiin yɔ́b jʉ’ tsɛ̀ɛ nò lefùɔ sie à la ka’a mbwo pʉ̀a pie é kwoŋo yé.

1 Piɛ 1:4

é gwɔ́ tÿɔgɔ́ wégè gẅie ée tÿǒ lepwó, mbà Ssé la le’e né pege, ée gẅie à lɔɔn ńgwɔ́ é le cʉŋte, ncÿǒ ké le gwoon, é ké le lʉ́,

1 Piɛ 5:4

Pi lɔɔn ńgÿo pú’u, mbà á ge lá’a lyɛ̌’ gie mbyɛ̀b mvfó we lÿò tǒ, à tɔ’ ngú’ twó pi, é gie nzẅìŋ we téen ńdá’a ḿmaga wɔ́.

Ŋwà’ne Ngyà jʉ’ 2:9

Mèŋ n ne ńzsé ngʉ̀ngʉ̀ gi, ńne ńzsé ngie pi gwɔ́ pɔ́ mepóŋ, tá’, ńké ńgwɔ́ nà lezsě Ssé ńgwɔ́ ngàŋa mmó. Mèŋ n giŋé ńne ńzsé ngie pʉ̀a pie pɔ́ gɔɔn ngie pɔ́ ée pà Yuda, tá ńké ńdɔgɔ pɔ́ ncwò ńgɔɔn, pɔ́ ne ńkíme lezíŋ sí té poŋ. Pɔ́ gwɔ́ pɔ́ pʉ̀a pe cú’tè ye Sátà.