Matio 6:2 - Nouveau Testament en Ngienboum

² Ɔ̀ lɔɔn ńgee ńná nkáb mbwó pàte mmó, tè gÿo pé pá’ mé ge tyé ne gyá. Megàŋa ŋá’te nnɛ́ zɔ̌ gÿo pú’u. Pɔ́ kúu *ndá cú’tè, ńtyé mbɔɔ metwó nzsè tá ńnáa mmó, pú’u, ngie pʉ̀a gɔ’te wɔ́b. Tà mèŋ shwóŋó gẅí, kwà’ nénʉ́, pɔ́ ně ńda’ ńkẅé ntsɔ’ɔ́ fà’ wɔ́b.

Matio 6:2 ပူးပေါင်းရင်းမြစ်များ

Matio 15:7

Pi ee pà nkwòŋ menÿɔ́g! Esǎya á *ntsẅì nkʉ̀ Ssé, lɔ̌ɔn fɔ́ɔn ńgɔɔn pá’a shwóŋó nò, pá’ à la gɔɔn ná mà lá’ gẅi ngie e Ssé gɔ̌ɔn ngie:

Matio 16:3

Á gwɔ́ mba’ámba’ gẅie lefaŋ é pǎŋ sîŋ sǐŋ pi gɔɔn ngie: Àlyɛ’ɛ́ lá’ té ge zɔ́g poŋ wɔ́. Pi gwɔ́ tà ńdíe lefaŋ, ńgwóon ńzsé pá’ àlyɛ’ɛ́ lá’ ge gÿo gwɔ́ pú’u, tá ńgʉa nà shúm sie e Ssé ne ńnyɛɛ fʉ̀’ɔɔn pi tè zsé mmó gie sɛ̌ shúm lɔgɔ ńgɔɔn wɔ́ mélà’a kɔ́?

Matio 22:18

Tá Yěsô zsé nkwaŋá tepòŋ wɔ́b, ńgɔɔn né pɔ́b ngie: Pànkwòŋ menÿɔ́g, pi kwa’te wɔ̀ɔn mélà’a kɔ́?

Matio 23:5

Pɔ́ gwɔ́ gÿo kɔ́ wɔ́ nně ńtsɔ́ɔn ngie mé gyá wɔ́b. Áa mmó gie á gÿo, pɔ́ gʉa ná shwóŋó Ssé gie mé ŋwe’e ńnéŋe tsɛ̀ɛ tétɔ́’, á gie mé kwɛ́ɛ ná zǐ ka ná pwó wɔ́ la, pɔ́ gÿo pɔ́b metétɔ́’ é gú’ pɔ́ nà ntí yé ndyɛ̀’ɛ. Pɔ́ gíŋe ńgÿo yɔb nzsǒ gie mé ma’a ńdɔgɔ ńtsyɛ’te Ssé, metsɔ̌ɔn sag tɛ’

Matio 23:6

Pɔ́ kúu jʉ’e melínɔ́ɔn, ńnéŋe pɔ́ nà jʉ’e melÿò, ńkúu *mendá cú’tè ńkaŋa yɔ́b jʉ’ pɔ́ mvfò.

Matio 24:51

é tó, é néŋ ngʉ̀ngʉ̀ twó yé tɛ’, é jwoŋo yé, à gʉa né jʉ’ gie mé jwoŋo pʉ̀a tepòŋ ńnáa wó, é ńnéŋe jʉ’ó ne lʉa, lóŋ we ne ffó.

Matio 5:18

Tà mèŋ n ké shwóŋó gẅí, kwà’ nénʉ́, lefàŋ pɔ́ tsetsá’ ge lá’ ńnéŋe pɔ́ lêkɔ́ wɔ́, mùɔ mélǎga nò lê pilé, múɔ mémmó lê pilé le nà *lepʉ̌ pyé. À ké ńgwɔ́ pɔ́ pú’u, tà ńkú fʉ̀’ gie àkɔ̌kɔ gie *lepʉ̌ gɔɔn à pumté.

Matio 6:16

Pi lɔɔn ńkwoŋ kwoŋ ńnéŋe nzyè lésẅíŋte Ssé, tà pi sẅé’e shÿó gẅi pá’ pà nkwòŋ menÿɔ́g. Pɔ́ sẅé’e shÿó wɔ́b, ńdɔg ńnyɛ ngie pɔ́ ne ńnéŋe nzyè lésẅíŋte Ssé. Tà mèŋ shwóŋó gẅí, kwà’ nénʉ́, pɔ́ ně ńdá’ ńgẅiin ntsɔ’ɔ́ fà’ wɔ́b.

Matio 6:3

Tá á gʉa ná gu, mbà ɔ̀ lɔɔn ńge ńná nkáb mbwó pàte mmó, ɔ̀ pɔ́ɔn légÿo tà mbòŋ shǔ gù zsé.

Matio 6:5

Pi lɔɔn ne sẅíŋte Ssé, tà pi gÿo pá’ pà nkwòŋ menÿɔ́g, pɔ́ kwoŋo létyé tsɛ̀ɛ *mendá cú’tè mbɔɔ metwó nzsè tá sẅíŋte Ssé, pá’ pʉ̀a metsèm ge gyá wɔ́b. Tà mèŋ shwóŋó gẅí, kwà’ nénʉ́, pɔ́ ně ńda’ ńkẅé ńtsɔ́’ɔ fà’ wɔ́b.

Matio 7:5

Ànkwoŋ menÿɔ́g! Vɔg ńkẅile kúmo gẅie aa lejÿɔ́g gù, tà ne ńcwoŋo ńgyá jʉ’ tá ńku’u lékẅile fùbe pǐŋ á tsɛ̀ɛ lejÿɔ́g fɛ́ gù.

Malékuse 12:39

ḿbiŋ ńkúu jʉ’ʉ melínɔ́ɔn, ńkwoŋo léńnéŋe pɔ́ nà jʉ’ʉ melÿò, ńkú *mendá cú’tè, ńkaŋa yɔ́b jʉ’ pɔ́ mvfò,

Malékuse 7:6

Yěsô tsɔ́’ɔ mbwo pɔ́b ngie: Pi ee pà nkwòŋ menÿɔ́g. Esǎya, *ntsẅì nkʉ̀ Ssé lɔ̌ɔn fóon ńgɔɔn pá’a shwóŋó nò, pá’ à la ŋwe’e ńtí mà gẅi ńgɔɔn ngie: Epʉ̀a pɛ̂ lɔgɔ pɔ́ ndà’ ncwò wɔ́b ńgu’te wɔ̀ɔn, ntʉ́m wɔ́b té ná mèŋ wɔ́.

Lukase 11:41

Ammó gie á ke ḿboŋ ngie pi gÿo gwɔ́ pɔ́ lépí shúm mbòŋo sie ée tsɛ̀ɛ mekáŋ mí, ńnáa mbwo pàtèmmó, pɔ́ jÿó yɔ́b. Pi ge gÿo pú’u, tá ntʉ́m gẅi lêen ńké ńdʉ́a mvfò Ssé.

Lukase 11:43

Ndòon ee twó pi pà *farisay! Pi kúu *ndá cú’tè, ńkaŋa gí jʉ’ pɔ́ mvfò, ńkwoŋ ngie mé tó ńtsyɛ’te gẅi ndùmo gyɛ̌.

Lukase 12:33

Pi sẅíŋ shúm sie pi gẅiin, ńná nkáb mbwo pàtèmmó, ńdɔgɔ ńgẅiin púɔ pɔ̀ɔn nkáb pie é lɔɔn ńgwɔ́ é le tɔ́gte, ńdɔg ńde’e fù’ gí lejʉ́ŋ Ssé. Á jʉ’ gie á lɔɔn ńgwɔ́ wó, á le mag, metsǒŋ le ku’u léjʉ wɔ́, asɔ́ɔn á le ku’u léjÿó wɔ́.

Lukase 12:56

Megàŋ mepàb, pi líe lefàŋ pɔ́ tsetsá’ ńzsé mmó gie á gee ńgÿǒ, á piŋ ńgaa pi gyá menò mie é ne ńcʉate fʉ̀’ɔɔn, pi tè zsé mmó gie é lɔgɔ ńgɔɔn wɔ́?

Lukase 13:15

Tá Yěsô tsɔ́’ɔ mbwo yé ngie: Pi ee ngàŋa cÿɔ̌ nò, awɔ̌ ná pi tè gʉa lyɛ’ɛ́ nzsè yégè, ńkyɛ́’ɛ foŋ we, ka pɔ́ nzikáase ye wɔ́, ńdɔg ńgʉa á nú ntse wɔ́?

Lukase 20:46

Pi lÿɔ́’ *pàkyagte lepʉ̌ Mǒsê. Pɔ́ kwoŋo léma’ meshʉ̀shʉ̀a nzsǒ ńdɔg ńgwáa ńkʉ́’ʉ, ḿbiŋ ńkwoŋ ngie me tsyɛ’te wɔ́b á ndùmo gyɛ̌. Ńkú *mendá cú’tè, ńkaŋa yɔ́b jʉ’ pɔ́ mvfò. Pɔ́ kúu jʉ’e melínɔ́ɔn, ńnéŋé pɔ́ nà jʉ’e melÿò.

Lukase 6:24

Tá’, pi ee kwà’ pàshÿó tepòŋ pi pie pi ee megàŋa mmó, mélà’mie pi lêen ńgẅiin léjÿó sî shúm mbòŋo pɔ́ ndà’ fʉ̀’ɔɔn.

Lukase 6:42

Ngwɔ́ ɔ̀ gǎ tá ńgɔɔn né fɛ́ gù ngie: Afɛ̌, cʉ́’ n kẅile fùbe pǐŋ yɛ gie ee lejÿɔ́g gù lɛ, ńgwaa gɔɔn éfó le ne ńgyá kúmo gẅie à nuŋe nà shú wɔ́ wɔ́? Ɔ̀ɔ ngàŋ melɔ̀ɔn, vɔg ńkẅile kúmo gẅie aa lejÿɔ́g gù, tà ne ńcwoŋo ńgyá jʉ’ tá ńku’u lékẅile fùbe pǐŋ tsɛ̀ɛ lejÿɔ́g fɛ́ gù.

Ŋwà’ne Jâŋ 13:29

Tsɔ́ pʉ̀a ne ńkwaŋa ngie à gɔɔn ngie Jẅidas gʉa ńjú sɔ́ba pɔ̌ shúm línɔ́ɔn, ka pɔ́ ngie à náa mmó mbwo mepóŋ wɔ́, á nue yé zɔ lɔ̌ɔn ńgẅiin mûɔ pɔ̀ɔn nkáb wɔba pɔ̌.

Ŋwà’ne Jâŋ 5:41

Mèŋ n tè ne ńtsɔ́ɔn tsɔ̌ ngɔ́ɔnte gie e fóo mbwo pʉ̀a mesoŋ wɔ́.

Ŋwà’ne Jâŋ 5:44

Ńgwɔ́ pi záb ntʉ́m ná mèŋ lêkɔ́? Pi fa’ pɔ́ ngie nyìŋ mesoŋ ná ngɔ́ɔnte wetsɔ̌, pi tè fa’ ngie e Ssé gílé yé zɔ ná ngɔ́ɔnte gi wɔ́, ée ndà’ yé ńgwɔ́ Ssé.

Ŋwà’ne Jâŋ 7:18

Nyìŋ lɔɔn ne ńgɔɔn nò, ńgwɔ́ gie á gwɔ́ pɔ́ shwóŋè yé, mbà à fa’a pɔ́ we legú’. Tá ńgwɔ́ gie nyìŋ lɔɔn ne fa’a legú’ nyìŋ gẅie à ně ńtúmo yé, mbà ngàŋ shwóŋó nò nénʉ́, atsɔ́ nò nŋwɔ́’te ŋwɔ’té té ná yé wɔ́.

Megàŋ ntúm 10:2

Á gwɔ́ nyìŋ, pâ ngẅɛ̀ yé ntsèm pú ńgÿo mekù’ Ssé pà Yuda, ńjú’u ncwò wé. Á piŋ ńkẅéte pà Yuda pie ée mepóŋ tà é gyɔ́ɔn gyɔ̌ɔn, ńnéŋe sẅíŋte Ssé fʉ̀’ ntsèm.

Megàŋ ntúm 10:31

ńgɔɔn né mèŋ ngie: Kornɛy, e Ssé ju’ú sẅíŋte jú. À kaa lege shúm sie ɔ̀ náa mbwo mepóŋ ńdɔgɔ ńkẅéte wɔ́b la wɔ́.

Megàŋ ntúm 10:4

Á pʉ’ʉ twó yé, ńdíe *cÿɔ́’ Ssé, ńne ḿbɔ́gɔ, ńgɔɔn né yé ngie: Áa kɔ́ Cʉ̀apʉ̀a? *Cÿɔ́’ Ssé tsɔ́’ɔ mbwo yé ngie: E Ssé jǔ’ pá’ ɔ̀ zɔgɔ lésẅíŋte yé, ńgíŋ ńgyá mbɔɔ mmó gie ɔ̀ ne ńgÿo ná mepóŋ ńdɔgɔ ńkẅéte wɔ́b. E Ssé kaa gú lege.

Megàŋ ntúm 11:29

Agabus gɔɔn pá’ɔɔn, epʉ̀a Kristo záb ngie awɔ̌wɔ́ɔ náa yé mmó gie à ku’u mǒ, mé túm, ńdɔg ńkẅéte mefɛ́ mefɛ́ pie pɔ́ tsẅé tsɛ̀ɛ pàga ngwòŋ Jẅidea.

Megàŋ ntúm 24:17

N ka ńnéŋe túm tɛ’. N kaa pá’ɔɔn, mbà mèŋ m biŋé Yerósalem pɔ́ léná nkáb ńdɔg ńkẅéte lá’a yég, mbɔɔ lénáa mmó lélɔg ńgu’te Ssé.

Megàŋ ntúm 9:36

Atsɔ̌ mánzwě gwɔ́ Jope, lezíŋ sé gwɔ́ lé Tapita, ńdɔgɔ ńgɔɔn ngie nɔ̀ɔn ngáb. Á gwɔ́, mbà à la zẅíŋe nò Yěsô, ńgwɔ́ fʉ̀’ ntsèm ńgÿo pɔ́ nò mbòŋo, ḿbiŋe ńkẅéte pàte mmó.

Roma 12:8

Afù’ ye nyìŋ gwɔ́ lékẅiŋte petsɔ́ pʉ̀a, á kẅiŋte. Nyìŋ lɔɔn ne ńnáa mmó né nyìŋ, á ná té sáŋ. Nyìŋ lɔɔn ńgwɔ́ nyìŋ gẅie à táŋte cú’tè, á táŋte tà ńzsé mmó gie à gÿo yɛ̌. Nyìŋ lɔɔn ne ńkẅéte mepóŋ, á kẅéte lê ntʉ́m mbòŋo.

1 Korento 13:3

À lɔɔn ńgwɔ́ mèŋ n gabte shúm sɔ́ɔn ntsèm ńnáa mbwo pʉ̀a pie nzyè ne ńgyáŋa wɔ́b, à lɔɔn ńgwɔ́ n zẅíŋ ngie mé túɔ wɔ̀ɔn, tá á gwaa gwɔ́ pú’u, n tè kwoŋo nyìŋ mesoŋ wɔ́, mbà á té kẅéte wɔ̀ɔn nà tsɔ́ mmó wɔ́.

Galatia 2:10

Pɔ́ gɔɔn né peg pɔ́ ndà’ ngie peg kímte mépoŋ pie ée tsɛ̀ɛ cú’tè pʉ̀a Kristo Yerósalem. N ka kě ńkímte wɔ́b kwà’ mboŋó.

Efeso 4:28

Pʉ̀a pie pɔ́ gẅiin mà léjʉ gwá’ tsǒŋ, ńcʉ́’ ńdɔg mbwó mɔ́b, éfa’ tà ńtéŋe zì’i ńzsé ngie pɔ́ ge gẅiin mmó tà lɔgɔ tsɔ́ é kẅéte pʉ̀a pie é ne ńzága yɔ́b,

1 Tesalonika 2:6

Peg la tè zɛ́te ngie me ná mekù’ még wɔ́, kà pɔ́ gẅi lénná wɔ́, kà pɔ́ petsɔ́ pʉ̀a wɔ́.

1 Timote 6:18

Tsẅi né pɔ́b ngie pɔ́ gÿo nò mbòŋo. Lefa’ mefà’ mbòŋo, à gwɔ́ yɔ́b fù’, ńgie pɔ́ zí’i légaba pwó, ńdɔg shúm sɔ́b ńkẅéte pʉ̀a.

Filemo 1:7

N gɔɔn nue, nkwòŋe gie ɔ̀ gẅiin e ka gÿo m bú ńkág tɛ’. À fɛ́ wɔ̀ɔn, ntʉ́m wɔɔn sẅeté, á fóo nà pá’ ɔ̀ ka kẅiŋte pʉ̀a Ssé.

Heber 13:16

Tà pi lege légÿo nò mbòŋo mbɔɔ lélɔgɔ mmó gie pi gẅiin ńkẅéte pʉ̀a, á nue legÿo mɛ̌ menò áa lii pwɔ́’ gie á poŋ Ssé.

1 Piɛ 4:11

Afù’ ye nyìŋ lɔɔn ńgwɔ́ légɔɔn nò Ssé, á gɔɔn pɔ́ gie á fóo mbwo Ssé. Aye nyìŋ gwɔ́ léfa’ mefà’ tsɛ̀ɛ cú’tè, á lɔg pɔ́ metʉ̀ mie Ssé náa mbwo yé ńdɔg fa’. Pi gÿo pá’ɔɔn ńzsé ngie mé ge cʉa ná Yěso Kristo, égu’te Ssé nà kɔ̀ɔkɔ́ɔ, yé gẅie metʉ̀ ntsèm, mbɔɔ lésá’ njÿó ée mbwo yé nà mengù’ nkɔ́ɔn nê nkɔ́ɔn. Amɛn