Matio 6:13 - Nouveau Testament en Ngienboum

¹³ Tè zẅíŋ ngie peg kúu tsɛ̀ɛ nkwà’te, kẅé wég mbwó Sátà. [Á nue gù zɔɔ fùɔ, metʉ̀ ntsèm piŋ ńgwɔ́ pɔ́ mú, mé ne ńgu’te pɔ́ ndà’ gú mengù’u mengù’. Ameŋ].

Matio 6:13 ပူးပေါင်းရင်းမြစ်များ

Matio 26:41

Tà pi gíŋe ńdyé, pi sẅíŋte Ssé, ḿbɔ́g menò njÿó lékwà’te gẅí, pi fʉa nò. Ntʉ́m nyìŋ tʉte tɛ’ tá’, mbùm nnɛ́ pÿɛ́ pÿɛ̌.

Matio 28:20

ńzí’i wɔ́b létÿɔ́gɔ kwò ná menò ntsèm mie mèŋ n da zí’i gẅí. Pi zsé ngie, kwà’ mèŋ n ge lá’a gwɔ́ pɔ́ tsetsɛ̀ɛ pi tà njÿó lá’ ḿmag.

Matio 5:37

Oon gẅi gwɔ́ pɔ́ oon, ngǎŋ gẅi gwɔ́ pɔ́ ngǎŋ, àgie mé kẅi’i mǒ fóo mbwó Sátà.

Matio 6:10

Gÿo lefùɔ shú tó. Gÿo mé ne ńjú’u ncwò gú ndùmo ssé tsetsá’, pá’ mé ne jú’u tÿǒ lepwó.

Ŋwà’ne Jâŋ 17:15

Mèŋ n těen sẅíŋte ɔ́ ngie ɔ̀ fóo tsɛ̀ɛ njÿó ńkẅile wɔ́b gwɔ́, mèŋ sẅíŋte gú pɔ́ ngie ɔ̀ pɔ́ɔn wɔ́b ná Sátà nyìŋ tepòŋ.

1 Korento 10:13

Menkwà’te mie é ka kúu gẅí, ée mie é kúu nyìŋ mesoŋ. E Ssé gẅie à tè gɔɔn nò ḿbiŋ ńkúbe wɔ́, à tè zẅíŋ ngie nkwà’te kúu gẅi tà ńgá’ metʉ̀ mí wɔ́. Nkwà’te ge gwɔ́ tà tó, à náa gẅi metʉ̀ lélɔg shÿɔg ḿbiŋ ńnáa gẅi shÿó lélɔg fó tsoló ńkẅɛ.

1 Korento 14:16

á nue nyìŋ lɔɔn ńgwɔ́ pé’e ésíe Ssé pɔ́ ndà’ nà ntí gie Zẅìge tsóte yé ngie à gÿo, mbà nyìŋ gẅie à ńnéŋe ssé à tè ne ńzsé nò nà yɛ̌ ntí wɔ́, à ge gwaa gɔɔn ngie *amen, é lɔg cʉ́me nò gie ngàŋ lɔgɔ síe Ssé é gÿo lêkɔ́ pá’ à tè ne ńjú’u nò gie à gɔɔn wɔ́?

2 Korento 1:20

Yé zɔ zɔɔn ńgwɔ́ nyìŋ gẅie à gÿo ngie kɔ̀ɔkɔ́ɔ gie e Ssé la ka’ wɔ́, à pumte. Pú’u, pege lɔg lezíŋ sé, ńgɔɔn ngie *amen, ńdɔgɔ pú’u, ńnáa mekù’ mbwo Ssé.

Galatia 1:4

Pi ne ńzsé ngie Kristo yé máŋwɛ́ la náa twó yé nà menò tepòŋ mégè lélɔg sẅɛ’ ndòon yege, pú’u léfó mbwo yɔɔn kème njÿó gie á té poŋ ńkẅile wégè. Mɔɔn menò gwɔ́ pɔ́ pá’ Tá wege Ssé la záb.

1 Tesalonika 1:10

Pú’u, ńcʉ́’ʉ ńzẅí’te pɔ́ ngie Míŋ we fó tÿǒ lepwó ńtó, Míŋ we ŋwɛ́ aa Yěsô, mbà Ssé la zíme yé nà legwé. Yé zɔ ne ḿbe’e wégè nà ngʉ̀ngʉ̀ gie e ne ńtóo.

2 Tesalonika 3:3

Cʉ̀apʉ̀a aa ńké těen ńkúbe wɔ́. À ge gÿo pi le kʉ́a, é piŋ le zẅíŋ Sátà zába pwó ná pi wɔ́.

1 Timote 1:17

Mekù’ lâ gù’te é lá’a ńgwɔ́ mengù’u mengù’, ńgwɔ́ pɔ́ mbwo fùɔ gẅie à ge lá’a gwɔ́ pɔ́ wó. Yé gẅie aa ndá’ Ssé, ńgwɔ́ tèkwé, ńgwɔ́ gẅie mé té gyá yé nê lejÿɔ́g wɔ́. *Amen.

Heber 11:36

ńgíŋ ńgʉa ná tsɔ́ pʉ̀a, mé tém shʉ́ ná pɔ́b, ńdɔg ngwɔɔn ńcúa wɔ́b, ńtóo ná tsɔ́ pʉ̀a mé té gÿo pɔ́ ndà’ pú’u wɔ́, ńgíŋ ńkwɛ́ɛ wɔ́b lê metsɛ̂n, ḿma’a wɔ́b ndá tsǎŋ,

1 Piɛ 5:8

Tà pi gwá’a lÿɔg, tà pi lyé. Angàŋ mbù gẅi, Sátà, à ne ńgwá ńzéme, éfa’a nyìŋ gẅie à ge gwoon yé, pá’ pú’ ntʉ̀ gẅie à ga’te éfa’a mmó gie à ge pfɛ́ la.

2 Piɛ 2:9

Mé fó ná mɔɔn menò ńgyá ngie Cʉ̀apʉ̀a kwoŋo léfóo tsɛ̀ɛ ngɔ́’ ńkẅile pʉ̀a pie é zsé pɔ́ ndà’ yé, é cʉ́’ pʉ̀a tepòŋ á nyé wɔ́b ngie pɔ́ zẅí’te ngɔ́’ lyɛ’ɛ́ létsɔ́’te mentsaŋ.

1 Jâŋ 3:8

Nyìŋ lɔɔn ńké ńnéŋe ńgÿo yé pɔ́ nò tepòŋ, mbà aa nyìŋ Sátà, á nue Sátà aa ngàŋ mefʉa tà fó pɔ́ nzyète ngwòŋ. Míŋ Ssé la zɔɔn ńtó pɔ́ ńgÿo kɔ́? À la tóo ḿbyág mefà’ Sátà.

Ŋwà’ne Ngyà jʉ’ 1:18

Mèŋ n gee nyìŋ gẅie à gÿo mé gwɔ́ wó. N da kwé, tá mèŋ n gee fʉ̀’ɔɔn ńgwɔ́ wó, é ké lá’a gwɔ́ pɔ́ wó. Mèŋ n gẅiin metsɔ́’ɔ kí, mie é náa wɔ̀ɔn metʉ̀ lélɔg ńjÿɔ́’ɔ jʉ’ gie mepfó ée wó, kà pɔ́ lélɔg ńtsɔ́’ éfó wó ńkẅile pʉ̀a wɔ́.

Ŋwà’ne Ngyà jʉ’ 19:1

N gyá sɔɔn shúm tà ńtsẅé jʉ’, ńjú’ tsɔ̌ ngyè tetʉ́ʉ é gwɔ́ pɔ́ pá’ ngyè máamáa nùɔ lá’ la, é gwɔ́ tÿǒ lepwó ńne ńgɔɔn ngie: Alelúyà, letsẅɛ́ ńgÿo legú’ mbɔɔ metʉ̀ ée mbwo Ssé yege,

Ŋwà’ne Ngyà jʉ’ 19:4

Melÿò pá ntsɔ̀b lekùa lê móm mbʉ́a, mbɔɔ menɔ̀ɔn pá lekùa kẅí’te ssé, ńgu’te Ssé gẅie à ńnéŋe nà lʉŋe lefùɔ, ńne ńgu’te yé, ńgɔɔn ngie: *Amen! Alelúyà!

Ŋwà’ne Ngyà jʉ’ 2:10

Áa nénʉ́ ngie pi ge gyá ngɔ́’, tá’, tà pi ké ḿbɔ́g. Pi zsé ngie Sátà ge ma’ tsɔ́ pʉ̀a pí ndá tsǎŋ lélɔg ńdʉŋte gẅi ńgyá. Pi gyá ngʉ̀ngʉ̀ gyǎ é lyɛ̌’ lá’ legém. Pi ké ńzsé pɔ́ ndà’ wɔ̀ɔn, tà mbɔɔ pá’ mé lɔɔn ńne ńzẅéte gẅi ńtí pú’u. Mèŋ n ge lá’ tɔ’ ngú’ gi, á gwɔ́ pá’ pi ge lá’a gwɔ́ pɔ́ wó.

Ŋwà’ne Ngyà jʉ’ 21:4

À ge gÿo tsí’i ntse nÿɔ́g mɔ́b ntsèm. Legwé tè gÿo gíŋe gwɔ́ wó wɔ́. Mé le gíŋe ńdʉa legwé wɔ́. Mé le gíŋe ńga’te wɔ́. Mé le gíŋe ńgyá ngɔ́’ wɔ́. Á nue ngwòŋ we nzẅìŋ kéen ḿmag.

Ŋwà’ne Ngyà jʉ’ 3:10

Pá’ pi ka kú’te shwóŋè yɔ́ɔn tà pi tè kʉ́a la, mèŋ yɔ́ɔn n ge gÿo tÿɔ́’te gẅi nà fʉ̀’ gie ngɔ́’ ge gÿo tóo tsɛ̀ɛ yɔɔn njÿó ntsèm, é lʉŋte pʉ̀a mesoŋ pie ée ndùmo ssé tsetsá’.

Ŋwà’ne Ngyà jʉ’ 3:14

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Laodisé. Ŋwe’e ngie: Nyìŋ gẅie lezíŋ sé ée lê *Amen, á gwɔ́ njÿò ńgyá we tè kubé shwóŋè, gẅie à gɔɔn nò gie áa nénʉ́, gẅie yé zɔ nzyeté nà kɔ̀ɔkɔ́ɔ gie e Ssé la nyɛte, à ne ńgɔɔn ngie:

Ŋwà’ne Ngyà jʉ’ 5:13

Mèŋ n gíŋe ńjú’, akɔ́ɔkɔ́ɔ gie e Ssé la nyɛte, á gie áa tÿǒ lepwó, á gie áa ndùmo ssé tsetsá’, á gie áa tsɛ̀ɛ tsetsá’, á gie áa tsɛ̀ɛ ntse té pàa tà mbɔɔ kɔ̀ɔkɔ́ɔ gie áa tsɛ̀ɛ njÿó wɔ́, á ne ńzɔbɔ ńgɔɔn ngie: Mé zɔb lezíŋ, ńgÿo mekù’ ńnáa legú’, ńnáa lesá’ njÿó á mbwo nyìŋ gẅie à ńnéŋe nà lʉŋe lefùɔ, mbɔɔ mbwo mûɔ *Njʉ̀njÿò á nà ngù’ nkɔ́ɔn nê nkɔ̌ɔn.