Matio 6:10 - Nouveau Testament en Ngienboum

¹⁰ Gÿo lefùɔ shú tó. Gÿo mé ne ńjú’u ncwò gú ndùmo ssé tsetsá’, pá’ mé ne jú’u tÿǒ lepwó.

Matio 6:10 ပူးပေါင်းရင်းမြစ်များ

Matio 12:50

Nyìŋ lɔɔn ńgÿo mmó gie Tá wɔ̀ɔn gẅie aa tÿǒ lepwó ne ńkwoŋo, mbà wɛ̌ nyìŋ aa fɛ́ wɔ̀ɔn we mámbàŋa, ńgwɔ́ we manzwě, ńgwɔ́ má wɔ̀ɔn.

Matio 16:28

Mèŋ shwóŋó gẅí, kwà’ nénʉ́, etsɔ́ ntá’ ná pʉ̀a pie ée jʉ’ɔɔn fʉ̀’ɔɔn té gÿo kwé, té gwɔ́ gie pɔ́ gyǎ pá’ *Míŋ Nyìŋ tǒ pá’ fùɔ wɔ́.

Matio 26:42

Yěsô gíŋe fó lejʉ́ŋ pɔ́b ńgʉa nà mbɔ́ɔntè yépʉ́a, ésẅíŋte Ssé ńgɔɔn ngie: Tɔ́ɔnme, á lɔɔn ńgwɔ́ gie tsɔ̌ légÿo tà sẅɛ’te yɔɔn ntú’ lejʉ́ŋ mèŋ à tè gwɔ́ wɔ́, ńke ńgwɔ́ gie mèŋ n ké ńnú nú, ɔ̀ gÿo pá’ ɔ̀ kwǒŋ,

Matio 3:2

Pi kúbe mà gẅi, á nue àfʉ̀’ gie Ssé ge nyɛ lefùɔ sé tsoté tà ne ḿbɔ́ɔnte.

Matio 4:17

Yěsô gwɔ́ Kapernawúm pú’u, ńzye léshwóŋó nò Ssé, ńně ńgɔɔn ngie: Pi kúbe mà gẅi, á nue àfʉ̀’ gie Ssé ge nyɛ lefùɔ sé tsoté tà ne ḿbɔ́ɔnte

Matio 7:21

Á gʉa ná pʉ̀a pie é tóŋo wɔ̀ɔn lê Cʉ̀apʉ̀a, pɔ́ metsèm zɔ̌ té lá’ jÿó pì *lefùɔ Ssé wɔ́. Ndà’ pʉ̀a pie é gÿo mmó gie Tá wɔ̀ɔn gẅie aa tÿǒ lepwó ne ńkwoŋo ngie mé gÿo.

Malékuse 11:10

Mbʉ́lè gwɔ́ né nyìŋ gẅie à tóo ńjÿó lefùɔ tá wege fùɔ Ndavíd. Gùugẅî gwɔ́ mbwo Ssé tàa tÿǒ lepwó!

Malékuse 3:35

Pi zsé ngie nyìŋ lɔɔn ńgÿo mmó gie Ssé ne ńkwoŋo, mbà ngàŋ aa má wɔ̀ɔn, mbà aa fɛ́ wɔ̀ɔn, we mámbàŋa mbɔɔ we manzwě.

Lukase 19:11

Yěsô ne ńgɔɔn nò, alá’ ne ńzẅí’te tà ńgwóon ńně ńkwaŋa ngie *lefùɔ Ssé é ge gwóon tó pɔ́ fʉ̀’ó, ńzɔɔn ńgwaa gwɔ́, mbà à gʉ̌a tà ńcʉ́’ n gee pɔ́ lékúu Yerósalem. Yěsô lɔg sagá nò ńgɔɔn né pɔ́b ngie:

Lukase 19:38

ńně ńgɔɔn ngie: Mbʉ́lè gwɔ́ ne fùɔ gẅie à tóo nà lezíŋ Cʉ̀apʉ̀a. e Ssé ee tÿǒ lepwo ńgwɔ́ ngàŋ mbʉ́lè, agù’te gwɔ́ mbwo yé gẅie aa tàa tÿǒ lepwó.

Lukase 22:42

Tá wɔ̀ɔn, ɔ̀ lɔɔn ńgyá, ɔ̀ pe’e yɔɔn ngɔ́’ gie, e ne ńtóo ná mèŋ lɔɔn. Tá’, mèŋ n tě ńgɔɔn ngie ɔ̀ gÿo pɔ́ wɔ̀ɔn lekwoŋ wɔ́. Gÿo pɔ́ gù lekwoŋ. [

Ŋwà’ne Jâŋ 4:34

Yěsô gɔɔn mbwo pɔ́b ngie: Ayɔ́ɔn mmó léjÿó gwɔ́ pɔ́ légÿo mmó gie nyìŋ gẅie à ka túmo wɔ̀ɔn à ne ńkwoŋo, mbɔɔ lémege fà’ gie à ka nǎ né mèŋ.

Ŋwà’ne Jâŋ 6:40

Ammó gie Tá wɔ̀ɔn ne ńkwoŋo à yɔɔn: Nyìŋ gyá múɔ, ńzáb ntʉ́m ná yé, angàŋ gẅiin le gwɔ́ tèmì. Mèŋ n dá’a lyɛ’ɛ́ lá’ nzsò nzèm ńzíme yé nà legwé.

Ŋwà’ne Jâŋ 7:17

Nyìŋ lɔɔn ne ńkwoŋo légÿo mmó gie Ssé ne ńkwoŋo, mbà ngàŋ ge zsé, ka mmó gie mèŋ n zí’i pʉ̀a fóo pɔ́ mbwo Ssé wɔ́, ka á gwɔ́ pɔ́ yɔ́ɔn shwóŋè wɔ́.

Megàŋ ntúm 13:22

e Ssé gwá’a yé, ńtsɔ́’ɔ Ndavíd, ńdɔg ńgÿo fùɔ, ńgɔɔn nò ńtí Ndavíd ngie: «Mèŋ n gyá Ndavíd, míŋ Jesé á gwɔ́ lìi nyìŋ gẅie mèŋ n ne ńkwoŋo. À ge gÿo gÿo mmó ntsèm gie n kwǒŋ».

Megàŋ ntúm 21:14

Peg fa’ shÿó pá’ peg ge tɔ’ɔ yé kékáŋ, éfó ńtsẅé jʉ’, ńcʉ́’ ńgɔɔn pɔ́ ngie: Á poŋ ngie Cʉ̀apʉ̀a gÿo mmó gie à ně ńzáb ngie à ge gÿo.

Megàŋ ntúm 22:14

Á gíŋe ńgɔɔn ngie: E Ssé pàmagʉa njʉ’ pégè léen ntʉ́ njÿó ńtsɔ́’ɔ gú, á lé lɔgɔ gú ńgÿo nyìŋ gẅie à ge zsé mmó gie à la zába légÿo, mbɔɔ légÿo ɔ̀ gyá nyìŋ gẅie aa ndʉŋ ndʉŋ gílé yé, mbɔɔ lé jú’ ngyè wɛ̌ nyìŋ.

Roma 12:2

Tà pi gÿo mí menò pá’ pʉ̀a pie ée tsɛ̀ɛ njÿó fʉ̀’ɔɔn. Pi zẅíŋ e Ssé ne ńnáa legyè se sẅé né pi ńdɔgɔ ńkúbe gi ntí lékwaŋa nò pɔ́ ntsèm, à cʉa pú’u, pi ku’u lézsé mmó gie yé Ssé ne ńkwoŋo ngie pi gÿo. Pi zsé mmó gie áa mbòŋ, ńzsé gie á poŋo yé, ńzsé gie tsɔ́ *lɔ̌’ té mǒ wɔ́.

Efeso 6:6

Pi pɔ́ɔn légÿo pú’u, pɔ́ ndà’ fʉ̀’ gie pɔ́ tyé nzèm pi. Pá’ fʉ̀’ gie pi gÿo pɔ́ mmó gie á ge poŋ pʉ̀a mesoŋ la. Pi fa’ pɔ́ pá’ menkwɔɔn Kristo pie pɔ́ ne gÿo mmó gie Ssé ne ńkwoŋo lê ngwòŋ ntʉ́m wɔ́b ntsèm.

Kolosia 1:13

À la sa’a wégè mbwo metʉ̀ nzěm, ńtsege wégè ńnéŋe tsɛ̀ɛ nò lefùɔ Míŋ we, à kwoŋo míŋ we ŋwɛ́ tɛ’.

Kolosia 1:9

Mɔɔn ée menò mie é gÿo tá peg laa kʉ́a lésẅíŋte Ssé nà twó sí tà fó lyɛ̌’ gie mé la shwóŋó wég ntí gie pi lɔ̌g ńkú’te nò Ssé pú’u wɔ́. Peg ne ńdúɔ mbwo Ssé ngie à gÿo pi kwa’ ńzsé mmó gie à kwoŋ, ńcʉa nà zsě nò mbɔɔ ná legyè sie Zẅìge Ndʉalʉ̌a ne ńnáa mbwo pi.

1 Tesalonika 4:3

Ammó gie e Ssé ne ńkwoŋo á gwɔ́ pɔ́ ngie pi gwɔ́ ndʉalʉ̌a, tà mbàŋa fa’ pànzwě, tà pànzwě fa’ mbàŋa,

1 Tesalonika 5:18

ńne ńnáa ndǎg mbwo ye nà kɔ̀ɔkɔ́ɔ. Áa mmó gie e Ssé kwoŋ ngie pi pie pia Yěsô Kristo léen ńcʉ́’ʉ tà’ nyìŋ la, pi ne ńgÿo.

Heber 1:14

Anò *mecÿɔ́’ Ssé zɔɔn pá’a ńgwɔ́ kɔ́? Pɔ́ gwɔ́ pɔ́ mezẅìge mie é fa’a mbwo Ssé, á ne ńtúmo wɔ́b ngie pɔ́ gʉa fa’a fà’ gie á ge kẅéte pʉ̀a pie yé Ssé ge tâ gÿo pɔ́ tsẅɛ́.

Heber 10:36

Á zɔɔn ńne ńzɛ́te ngie pi ké ńkag pɔ́ tʉ̀, ńzsé ngie pi ge ne gÿo pɔ́ mmó gie e Ssé ne ńkwoŋo, à fó pú’u, pi gẅiin mmó gie à la ka’a lé náa mbwo pi.

Heber 10:7

Á cʉa pú’u, mèŋ n gɔɔn ngie: Wɔ́ɔn wɔɔn, mbà Ssé, n ne ńtóo légÿo mmó gie ɔ̀ ne ńkwoŋo. Á gwɔ́ ndʉŋ ndʉŋ mmó gie mé la ŋwe’e tsɛ̀ɛ lepu’ú ŋwà’ne jú ńtí wɔ̀ɔn.

Heber 13:21

Á poŋ ngie e Ssé mbʉ́lè ŋwɛ́, à gÿo pi ku’u légÿo nò mbòŋo légwɔ́ gie pi ge gÿo pɔ́ mmó gie à ne ńkwoŋo. Á poŋ ngie yé Ssé fó ná Yěsô Kristo, ńgÿo ammó gie á poŋo yé, à gwɔ́ ná pege. Legú’ à gwɔ́ mbwo Yěsô Kristo á nà ngù’ nkɔ́ɔn nê nkɔ̌ɔn! *Amen.

1 Piɛ 2:15

Áa mmó gie e Ssé kwoŋ ngie pi gÿo, ńzsé ngie pi ge lɔgɔ légÿo nò mbòŋo, é jÿɔ́’ ncwò megʉ̀gʉ̀ pie pɔ́ lʉ’ʉ nò Ssé, pɔ́ le gíŋe shwóŋte ná pi wɔ́.

1 Piɛ 4:2

Pú’u la, pi gʉa nà melyɛ’ɛ́ lá’ mie pi nyě ńgẅiin ndùmo ssé tsetsá’, ńgÿo pɔ́ mmó gie Ssé ne ńkwoŋo, tà pi gÿo mmó gie mbùm nyìŋ zɔ tsóte yé á gÿo.

Ŋwà’ne Ngyà jʉ’ 11:15

*Cÿɔ́’ Ssé mbɔ́ɔntè sɔɔn mbʉ́a tóŋ wé ntaŋ. Mé jú’ *Mecÿɔ́’ Ssé gwɔ́ tÿǒ lepwó ńdɔgɔ ngyè tetʉ́ʉ ńgɔɔn ngie: Lesǎ’ njÿó cʉ̌’ ńgwɔ́ pɔ́ nà mbwo Cʉ̀apʉ̀a wege mbɔɔ ná mbwo *Nzà’nkÿo gẅie à la tsɔ́’. Wɛ̌ lésá’ ge lá’ gwɔ́ nà ngù’ nkɔ́ɔn nê nkɔ̌ɔn.

Ŋwà’ne Ngyà jʉ’ 12:10

Mèŋ n deen ńké ńjú’ tsɔ̌ nyìŋ lɔg ngyè tetʉ́ʉ, éfó tÿǒ lepwó ńne ńgɔɔn ngie: Á yɔɔn, mbà fʉ̀’ gie mé ge tsẅɛ́ á kǔ’. Á yɔɔn, mbà fʉ̀’ gie e Ssé yege ge nyɛ metʉ̀ mé, yé zɔ cʉ́’ʉ sá’a pʉ̀a á kǔ’. Á yɔɔn, mbà fʉ̀’ gie *Nzà’nkÿo we gẅie à la tsɔ́’ gee ńnyɛ mé metʉ̀ á kǔ’. Á nue mé tsǒ nyìŋ gẅie à kɔ̌ɔn ńzɔ́gɔ ńtyé mvfò Ssé yege fʉ̀’e zsó pɔ́ tsẅɛ́’, ésẅiŋe mefɛ́ pege. Mé tsǒ yé ḿma’a ndùmo ssé tsetsá’.

Ŋwà’ne Ngyà jʉ’ 19:6

N jú’ ngyè nùɔ lá’ zẅɛ̂ pá’ lepí sie é zyɛ́’ɛ la, ḿbiŋ ńgwɔ́ pá’ ntʉ̀ lefaŋ sie é vɛ́te la, ńne ńgɔɔn ngie: Alelúyà. Á nue Cʉ̀apʉ̀a Ssé yege, ńgwɔ́ Ngàŋa tʉ̀ ntsèm, á nuŋé lefùɔ sé.

Ŋwà’ne Ngyà jʉ’ 20:4

N gíŋe ńgyá melʉŋe lefùɔ tyéte. Epʉ̀a tó ńnéŋe mǒ. Mé ná metʉ̀ mbwo pɔ́b lélɔg ńtsɔ́’te ntsaŋ. Mèŋ n gyá mbɔɔ mentʉ́m pʉ̀a pie mé la gwoonte wɔ́b ńzá’ twó sɔ́b, ńtí pá’ pɔ́ zsé yɔ́b pɔ́ ndà’ nò gie Yěsô ka gÿo mé zsé, mbɔɔ nò Ssé. Mbà pɔ́ ka tè gu’te nkʉ̀’ʉ nɔ̀ɔn wɔ́, ńké tè tútú we gu’te, aliŋé nɔ̀ɔn ŋwɛ́ piŋ tè na zí yɔ́b kà nà pwó yɔ́b wɔ́. Pɔ́ fó lá’ mepfó ḿbiŋ nzèm, ńgíŋ ńgwɔ́ wó, pâ Kristo púte sá’ njÿó nà ngù’ ntsá’. Á lɔgɔ ńgwɔ́ ndùŋ mvfò *lezimé nà legwé.