Matio 5:7 - Nouveau Testament en Ngienboum

⁷ Pàshÿó mbòŋo ee pʉ̀a pie pɔ́ ne ńtsɔ́ɔn mezìŋe petsɔ́ pʉ̀a, «mélà’mie e Ssé ge gÿo tsɔ́ɔn mezìŋe mɔ́b yɔ́b».

Matio 5:7 ပူးပေါင်းရင်းမြစ်များ

Malékuse 11:25

Afʉ̀’ gie ɔ̀ ne sẅíŋte Ssé lá, ńgwɔ́ gie nyìŋ fʉ̌a nò mbwo gù, ɔ̀ lege ńnáa mbwo ngàŋ. À cʉa pú’u, tá Tá gẅi gẅie aa tÿǒ lepwó, à lege mí mefʉ̀a ńná lé pi.

Lukase 6:35

Ammó gie á poŋ ngie pi gÿo gwɔ́ pɔ́ ngie: Pi kwoŋ megàŋ mbù pí, ńgÿo pɔ́ nò mbòŋo ná pɔ́b. Pi fu nkáb mbwo nyìŋ té sáŋ ngie ngàŋ ge gÿo tsɔ́’. Pi lɔɔn ne ńgÿo pú’u, mbà Ssé ge lá’ náa gẅi máa ntsɔ’ɔ́ fà’, pi gíŋe ńgwɔ́ púɔ Ssé gẅie à pi’i kɔ̀ɔkɔ́ɔ, ńtí nue kwà’ yé ne ńgÿo nò mbòŋo ná pàjÿó ńjÿɔg ncwò, mbɔɔ ná megàŋ sóon.

Roma 11:30

Á laa tsɔ́ fʉ̀’ pi pie pi tè pà Yuda wɔ́, pi tʉʉ twó mbwo Ssé, tá á ké ńgwɔ́ fʉ̀’ɔɔn, mbà Ssé ka tsɔ́ɔn mezìŋe mí, mélà’mie pà Yuda ka tʉʉ twó mbwo yé.

1 Korento 7:25

Á gʉa ná pʉ̀a pie pɔ́ kaa zɔ́’ɔ, mbà Cʉ̀apʉ̀a ka tè tsẅii nò gie mèŋ n ge gɔɔn né pɔ́b wɔ́. Tá’, mèŋ n ge gɔɔn pá’ mèŋ n ne ńkwaŋa yɔ́ɔn nà nò yɔ́b, ńdɔgɔ pá’ n gee nyìŋ gẅie Cʉ̀apʉ̀a la tsɔ́ɔn mezìŋe mɔ́ɔn, ńdɔgɔ wɔ̀ɔn ńgÿo nyìŋ gẅie ńgwɔ́ á gɔɔn nò mé jú’.

2 Korento 4:1

Pú’u la, pá’ e Ssé la lɔg pɔ́ tsɔ́ɔn mezìŋe yé, ńnáa yɔɔn fà’ mbwo peg la, peg tè kʉ́a wɔ́.

Efeso 4:32

ńdíe mefɛ́ pí pɔ́ lê ntʉ́m mbòŋo, ńgẅiin tsɔ́ɔn mezìŋe nzèm petsɔ́ pʉ̀a, pi lege mefʉ̀a tsetsɛ̀ɛ pi né pi, ndʉŋ ndʉŋ pá’ Ssé la cʉa ná Kristo ńdege mí gí né pi.

Kolosia 3:12

E Ssé la kwoŋo gẅí, ńtsɔ́’ɔ gẅí, ńdɔg ńgÿo pʉ̀a pé. Pú’u la, pi píi tsẅé sẅé ḿma’, ńtsɔ́ɔn mezìŋe petsɔ́ pʉ̀a tɛ’, ńgẅiin pòŋo ntʉ́m, ńná nnɛ́ ssé, ńgwɔ́ ngàŋ mbʉ́lè, ńgẅiin shÿɔ̀gɔ ntʉ́m.

1 Timote 1:13

Tà mbɔɔ pá’ á laa tsɔ́ fʉ̀’, mèŋ shwóŋó ná yé té poŋ, ńtsɔ́’ɔ kwò pʉ̀a pé té poŋ, ńzoonte yé. E Ssé la tsɔ́ɔn mezìŋe mɔ́ɔn, mélà’mie n dɔ̌ɔn ńgÿo té zsé mmó gie mèŋ n gÿo yɛ̌, mbà mèŋ n kaa záb ntʉ́m ná yé wɔ́.

1 Timote 1:16

Tá’, e Ssé la tsɔ́ɔn mezìŋe mɔ́ɔn, tà Yěsô Kristo nyɛɛ ná mèŋ gẅie mèŋ n gee ndúm tsetsɛ̀ɛ pàgÿo menò tepòŋ ngie à zsé léshÿɔg. Pú’u ńdɔg ńná fʉ̀’ mbwo pʉ̀a pie é ge gÿo záb ntʉ́m ná yé, é gẅiin le gwɔ́ tèmì.

Heber 4:16

Pú’u la, tà pege mʉ́’te lésẅɛ’te nnɛ́ ńgʉa nê jʉ’ gie lʉŋe *lefùɔ Ssé áa wó, lélɔg pú’u, ńgwɔ́ lejʉ́ŋ yé Ssé gẅie à gẅiin pòŋo ntʉ́m. Pege sẅɛ’te nnɛ́ pú’u, tá Ssé tsɔ́ɔn mezìŋe mégè, ńnyɛɛ wégè pòŋo ntʉ́m yé, ńne ńkẅéte wégè ná fʉ̀’ gie pege zagá légÿo.

Heber 6:10

E Ssé tè gÿo nò gie á té tyé wɔ́. À lɔɔn ńgwɔ́ á le lege mmó gie pi ka gÿo wɔ́, pá’ pi ka kẅéte mefɛ́ pi pʉ̀a Kristo, pi kě ńnyé ńkẅéte wɔ́b kẅéte, á lɔgɔ ńnyɛɛ ngie pi kwoŋ Ssé.

Ŋwà’ne Jâg 2:13

E Ssé ge lá’ ne tsɔ́’te mentsaŋ, á le tsɔ́ɔn mezìŋe tè tsɔ̌ɔn mezìŋe pʉ̀a wɔ́, tá ńgwɔ́ gie nyìŋ la tsɔ́ɔn mezìŋe, mbà á ge lá’ lɔg pú’u, e Ssé le yé ŋag.

Ŋwà’ne Jâg 3:17

Tá nyìŋ gẅie à gẅiin zse nò gie á fóo tÿǒ lepwó, à zɔɔn ḿvɔg ńgwɔ́ nyìŋ gẅie tsɔ́ *lɔ̌’ té nà ngÿǒ menò mé wɔ́, ḿbɔ́ɔnte ńgiŋe pɔ́ lê mbʉ́lè, ḿbɔ́ɔnte ńgwɔ́ nyìŋ mbʉ́le pʉlé, ńgÿo nò á ku’ ku’, ńzsé létsɔ́ɔn mezìŋe tɛ’, éfa’ mefà’ mbòŋo pɔ́ pú’u. À tè tyɛ̀’te gÿo, ńké tè nkwòŋ menÿɔ́g wɔ́.

1 Piɛ 2:10

Pi pie pi laa tsɔ́ fʉ̀’, pi tè pʉ̀a Ssé wɔ́, pi kéen ńcʉ́’ pʉ̀a pé. Pi pie pi la tè tsɔ́ɔn mezìŋe Ssé zsé e Ssé kéen ńtsɔ́ɔn mezìŋe mí.