Matio 5:48 - Nouveau Testament en Ngienboum

⁴⁸ Pú’u lá, pi gwɔ́ pàtè *lɔ̌’, pá’ Tá gẅi gẅie aa tÿǒ lepwó aa tè *lɔ̌’

Matio 5:48 ပူးပေါင်းရင်းမြစ်များ

Matio 5:16

Aa yɛ̌ tá á poŋ ngie pi kyɛ’ pʉ̀a mesoŋ tá pɔ́ gyá nò mbòŋo gie pi ne ńgÿo, ńdeen ńké ńgu’te Tá gẅi gẅie aa tÿǒ lepwó.

Matio 5:45

Pi lɔɔn ńgÿo pú’u, mbà pi ge gwɔ́ kwà’ púɔ Tá gẅi gẅie aa tÿǒ lepwó. À gÿo nèm we tʉ́a ná pʉ̀a tèpòŋ mbɔɔ nà pʉ̀a membòŋo, ḿbiŋ ńgÿo mbʉ̀ŋ luu ná pʉ̀a pie é kú’te *lepʉ̌ sé mbɔɔ pie é té kú’te.

Matio 5:47

Pi lɔɔn ńtsyɛ’te pɔ́ ndà’ mefɛ́ pí, mbà pi gÿǒ kɔ́ yé sẅé? Pàte zsé Ssé gíŋe ne ńgÿo yɔ́b pɔ́ pú’u.

Lukase 6:36

Pi tsɔ́ɔn mezìŋe pʉ̀a pá’ Tá gẅi Ssé tsɔ́ɔn mezìŋe mânyìŋ ntsèm.

Lukase 6:40

ńgíŋe ngie: Anzì’i fà’ tè tá fà’ we cʉa. Tá’, anzì’i fà’ gẅie à zi’í fà’ tà ńcʉ́me gÿo yé pá’ tá fà’ we lá.

2 Korento 13:11

Á nà fʉ̀’ɔɔn mefɛ́ pɔ́ɔn, pi ńnéŋe nê lekág. Pi ne fa’a shÿó pá’ tsɔ́ *lɔ̌’ té ge gwɔ́ tsetsɛ̀ɛ pi wɔ́. Pi ne ńkẅiŋte mennɛ́ mí. Pi ne ńgẅiin tà’ ncwò, ńnéŋe lê mbʉ́lè, à cʉa pú’u, e Ssé, yé gẅie à gẅiin nkwòŋe pɔ́ mbʉ́lè gwɔ́ tsetsɛ̀ɛ pi.

2 Korento 13:9

Pi lɔɔn ńgwɔ́ ná mánzsè Ssé, ńgwɔ́ metʉ̀ pʉ̀a, peg gwɔ́ yég mǒ ńgwɔ́ pɔ́ mepepÿɛ́ɛ pʉ̀a, mbà nò ge poŋo wég poŋ. Áa mmó gie á gÿo peg gwɔ́ tà ne sẅíŋte Ssé, ńdúɔ ngie à gÿo pi giŋ pɔ́ ná mánzsè we tà ńcʉ́me.

2 Korento 7:1

Mefɛ́ pɔ́ɔn pe ntʉ̀ nzẅìŋ, pá’ e Ssé la ka’ mɔɔn menò á mbwo pege la, á ne ńzɛ́te ngie kwà’ pege lê twó yégè kÿo menò mie é té Ssé poŋ, é mie mé gÿo gÿo, tà mbɔɔ mie mé kwaŋa kwaŋ, ńkẅi’i ńdɔgɔ légwɔ́ tè *lɔ̌’ ńgʉa lê mvfò tà ńcʉ́me, ńgwɔ gwɔ́ ne ḿbɔ́gɔ Ssé.

Efeso 3:1

Áa mmó gie á gÿo, mèŋ Pɔl gẅie mèŋ n gee ndá tsǎŋ ńtí nue mèŋ sa’á nò Yěsô Kristo mbwo pi pie pi tè pà Yuda wɔ́, mèŋ n ne sẅíŋte Ssé fʉ̀’ ntsèm ná twó sí.

Kolosia 1:28

Áa yɛ̌, tá peg kě ne shwóŋó nò Kristo mbwo mânyìŋ ntsèm shwóŋ, ńdɔgɔ pɔ́ zsě nò gie e Ssé náa mbwo peg, ńzí’i pʉ̀a mmó, ńtẅíi letuŋó wɔ̌wɔ́ɔ, légwɔ́ gie à ge ké laa nnɛ́ ná Kristo é lɔgɔ gee pɔ́ lê mvfò, tá cÿɔgte pá’ pʉ̀a Ssé gẅiin légwɔ́ pú’u.

Kolosia 4:12

Epafalas gẅie aa nyìŋ lá’ gẅi, a tsyɛ’té gẅí. Wɔɔn nyìŋ gẅie a fà’ fà’ Kristo ńnéŋe ngwòŋ fʉ̀’ ntsèm, ńne ńdɔgɔ lésẅíŋte Ssé, ḿma’a ncù ná twó sí. À gÿo pú’u, légwɔ́ gie pi ge tʉ tʉ ná nò Yěsô, atsɔ́ mmó le gíŋ ńzága ná pi wɔ́, pi ńnéŋe ngwòŋ fʉ̀’ ntsèm, ńzẅíŋ pɔ́ légÿo mmó gie e Ssé ne ńkwoŋo ngie pi gÿo.

Ŋwà’ne Jâg 1:4

Tá’, á poŋ ngie letʉte ŋwɛ́ à fa’a yé fà’ tà ńcʉ́me, ńzsé ngie pi ge cʉ́’ melÿò, é ku’ pʉ̀a Ssé, atsɔ́ mmó le zága ná pi wɔ́.

1 Jâŋ 3:3

Awɔ̌wɔ́ɔ gẅie à neŋé ne ńzẅí’te ngie Kristo gÿo yɔɔn nò, à ńnéŋe ḿbɔ́ɔn pá’ ńgwɔ́ *lɔ̌’ gwɔ́ ná yé, á nue Kristo aa tè *lɔ̌’.