Matio 5:46 - Nouveau Testament en Ngienboum

⁴⁶ Pi lɔɔn ńkwoŋ pɔ́ ndá’ pʉ̀a pie pɔ́ kwoŋo gẅí, mbà mé ge gíŋe ná ndǎg né pi ná kɔ́? *Pàkẅé ncùb pà Roma gíŋe ne ńgÿo yɔ́b pɔ́ pú’u.

Matio 5:46 ပူးပေါင်းရင်းမြစ်များ

Matio 11:19

*Míŋ Nyìŋ keen ńtó yé fʉ̀’ɔɔn, ńne ḿpfɛ́ɛ mmó ḿbiŋe ńnúu melù’, pɔ́ gɔɔn ngie mé líe yé tà ńgyá, nyìŋ wɛ̂ à gwɔ́ pɔ́ mpfɛɛ mmó, ńgwɔ́ nú melù’, ńgwɔ́ sǒ pà kẅé ncùb pà *Roma mbɔɔ we petsɔ́ pʉ̀a tepòŋ. Tá mé ké ne ńgyá ngie: Sɔ̀ɔn ee kwà’ legye Ssé ńcʉa pɔ́ nà mefà’ mie yɔ̀ɔn nò ne fa’a.

Matio 18:17

Tá’ á ké ńdʉ’ʉ lé jú’u nò gie pɔ́ gɔ̌ɔn, ɔ̀ lɔgɔ yɔɔn nò ńgʉa *ndá cú’tè pʉ̀a Ssé. Á piŋ ńdʉ’ʉ lé jú’u nò gie cú’tè á gɔ̌ɔn, ɔ̀ cʉ́’ ńdíe yé pɔ́ pá’ nyìŋ gẅie à tè Ssé zsé, ka pɔ́ pá’ mé líe nkẅè ncùb pà *Roma wɔ́.

Matio 5:47

Pi lɔɔn ńtsyɛ’te pɔ́ ndà’ mefɛ́ pí, mbà pi gÿǒ kɔ́ yé sẅé? Pàte zsé Ssé gíŋe ne ńgÿo yɔ́b pɔ́ pú’u.

Matio 6:1

Yěsô gíŋe ńgɔɔn ngie: Pi lɔɔn ńge ńgÿo mmó gie *lepʉ̌ Ssé ne ńzɛ́te, pi laga twó gí létóŋo lá’ tá ńgÿo, á nà ntí gie mé ge ne líe gẅí. Pi lɔɔn ńgÿo pú’u, mbà Tá gẅi gẅie aa tÿǒ lepwó tè gÿo tsɔ́’ɔ fà’ gí wɔ́.

Malékuse 2:15

Yěsô pâ *ngàŋa kwò yé gÿo ńgʉa mbʉ̀a Lěvi léjÿó mmó, pâ pʉ̀a tà ńgyɔ́ɔn ne ńjÿó mmó, lelÿò gwɔ́ *pàkẅé ncùb, tà mbɔɔ pʉ̀a pie pà Yuda lɔ́ɔn ńtóŋo wɔ́b lé pʉ̀a tepòŋ, ńtí pʉ̀a ápɛ̌ laa nzèm Yěsô tɛ’.

Malékuse 2:16

*Pàkyàgte lepʉ̌ Mǒsê pie é laa nà nùɔ pà *farisay, gyá pá’ Yěsô pâ pʉ̀a ápɛ̌ ne ńjÿó mmó, ńzɛ́te *ngàŋa kwò yé ngie: Á gÿo lêkɔ́ tá gẅi pâ ńtí pʉ̀a pɛ̂ tem ngwʉ̌ŋ?

Lukase 15:1

*Pàkẅé ncùb pà Roma lâ petsɔ́ pʉ̀a pie mé lɔ́ɔn ńkʉ́e wɔ́b ne ńtóo metsèm, á lejʉ́ŋ Yěsô lé jú’u nò yé.

Lukase 18:13

Ankẅè ncùb ŋwɛ̌ tyé yé pɔ́ taa nzèm, éfó tè ku’u lépʉ’ʉ twó yé ńdíe tÿǒ wɔ́, ńcʉ́’ sɔbɔ twó yé ssé ńgɔɔn ngie: E Ssé yɔɔn, tsɔ́ɔn mezìŋe mɔ́ɔn, mèŋ n deen ńgwɔ́ pɔ́ nyìŋ tepòŋ.

Lukase 19:2

atsɔ̌ nyìŋ kẅɛ, lezíŋ sé gwɔ́ le Sakîo, á gwɔ́ tá ndá pàkẅé ncùb pà *Roma, ńgwɔ́ ngàŋa mmó tɛ’.

Lukase 19:7

Alá’ la gyá pá’ pɔ́ ye gee, ńzẅɛ́te ngie: A gẅie à gee ndá nyìŋ tepòŋ ńda’a lɛ.

Lukase 3:12

*Pàkẅé ncùb pà Roma la tó yɔ́b pá’ mé ge nu’u wɔ́b ntse, ńzɛ́te ngie: Tsítsà, tà peg ge gÿo yég lêkɔ́?

Lukase 5:29

Lěvi gÿo ńtóŋo máamáa línɔ́ɔn ndá yé ńtí Yěsô. Pàkẅé ncùb tó tà ńgyɔ́ɔn tà mbàa petsɔ́ pʉ̀a pie pà Yuda lɔ́ɔn ḿbú ńtóŋo wɔ́b apɔ̌ le pʉ̀a tepòŋ. Pâ Yěsô pú ne ńteme ńjÿó shúm.

Lukase 5:30

Tsɔ́ pà *farisay lâ tsɔ́ *pàkyàgte lepʉ̌ Mǒsê gyá pú’u, ńne ńzẅɛ́te, ńzɛ́te megàŋa nkwò Yěsô ngie: Mélà’a kɔ́ pi lâ pàkẅé ncùb lâ petsɔ́ pʉ̀a tepòŋ teme shúm ńjÿó?

Lukase 7:29

Pʉ̀a metsèm la zẅí’te nò Jâŋ, tà mbɔɔ pàkẅé ncùb pà *Roma, ńgɔɔn ngie: E Ssé ne ńkwoŋo légÿo peg tsẅɛ́! Ńgɔɔn pú’u, ńgÿo Jâŋ nu’u wɔ́b ntse.

Lukase 7:34

*Míŋ Nyìŋ kéen ńtó yé fʉ̀’ɔɔn, ńně ḿpfɛ́ɛ mmó, ḿbiŋe ńnúu melù’, pi gɔɔn ngie mé líe yé tá ńgyá, nyìŋ wɛ̂ gwɔ́ pɔ́ mpfɛ̀ɛ mmó, ńgwɔ́ nnù melù’, ńgwɔ́ sǒ pàkẅé ncùb pà *Roma, mbɔɔ we petsɔ́ pʉ̀a tepòŋ.