Matio 5:45 - Nouveau Testament en Ngienboum

⁴⁵ Pi lɔɔn ńgÿo pú’u, mbà pi ge gwɔ́ kwà’ púɔ Tá gẅi gẅie aa tÿǒ lepwó. À gÿo nèm we tʉ́a ná pʉ̀a tèpòŋ mbɔɔ nà pʉ̀a membòŋo, ḿbiŋ ńgÿo mbʉ̀ŋ luu ná pʉ̀a pie é kú’te *lepʉ̌ sé mbɔɔ pie é té kú’te.

Matio 5:45 ပူးပေါင်းရင်းမြစ်များ

Matio 5:9

Pàshÿó mbòŋo ee pʉ̀a pie pɔ́ ne ńdɔgɔ mbʉ́lè ńtáŋte menò, «mélà’mie mé ge lá’ tóŋo wɔ́b lê púɔ Ssé».

Lukase 6:35

Ammó gie á poŋ ngie pi gÿo gwɔ́ pɔ́ ngie: Pi kwoŋ megàŋ mbù pí, ńgÿo pɔ́ nò mbòŋo ná pɔ́b. Pi fu nkáb mbwo nyìŋ té sáŋ ngie ngàŋ ge gÿo tsɔ́’. Pi lɔɔn ne ńgÿo pú’u, mbà Ssé ge lá’ náa gẅi máa ntsɔ’ɔ́ fà’, pi gíŋe ńgwɔ́ púɔ Ssé gẅie à pi’i kɔ̀ɔkɔ́ɔ, ńtí nue kwà’ yé ne ńgÿo nò mbòŋo ná pàjÿó ńjÿɔg ncwò, mbɔɔ ná megàŋ sóon.

Ŋwà’ne Jâŋ 13:35

Pi lɔɔn ńkwoŋe pi né pi, mbà mânyìŋ ntsèm ge zsé ngie pi ee *ngàŋa kwò yɔ́ɔn.

Megàŋ ntúm 14:17

Tá’, e Ssé ké tè tsó té lɔg mefà’ mbòŋo mé ńnyɛɛ wɔ́b ngie aa wó wɔ́, ńne fóo tÿǒ lepwó ńtúmo mbʉ̀ŋ mbwo pɔ́b, ńgÿo shúm zéme, pɔ́ laga ná fʉ̀’ gie á ne ńzɛ́te. Á lɔg ńgÿo pɔ́ gẅiin shúm léjÿó tà ntʉ́m wɔ́b poŋ, ḿbiŋ ńnéŋe ńkág kág.

Efeso 5:1

Pi púɔ Ssé, e Ssé kwoŋo gẅi tɛ’, pú’u la pi pí fʉ̀’ ná yé.

Filipo 2:15

légwɔ́ gie, atsɔ́ mmó gie mé ge la’a gẅi mǒ á té gwɔ́ wó wɔ́. A*lɔ̌’ɔ gí á le gwɔ́ wó wɔ́. Pi lɔg ńgwɔ́ tsɛ̀ɛ yɔɔn njÿó, ńgwɔ́ púɔ Ssé pie tsɔ́ *lɔ̌’ té ná pɔ́b wɔ́, à lɔgɔ ńgwɔ́ ngie pi ee kyɛ̀’ gie á kyɛ’ɛ jʉ’ tsetsɛ̀ɛ yɔɔn nùɔ pʉ̀a pie é gwɔ́ pɔ́ megàŋa cÿɔ̌ nò, ńgíŋ ńgwɔ́ pà sẅáŋ lekÿɛ̀bɛ.

1 Jâŋ 3:9

Wɔ̌wɔ́ɔ gẅie à vɔg tà ńcʉ́’ʉ míŋ Ssé, à tè gíŋe ńnéŋe ńgÿo nò tepòŋ wɔ́, á nue le gwɔ́ gẅie à fóo ná Ssé aa ná yé ńgwɔ́ pá’ mbyè mmó la. À tè gíŋe ńku’u légÿo nò tepòŋ wɔ́, á nue aa míŋ Ssé.