Matio 5:42 - Nouveau Testament en Ngienboum

⁴² Nyìŋ náa mmó mbwó nyìŋ gẅie à ne ńdúɔ mmó mbwó yé. Tà nyìŋ ké ńtém nzèm nyìŋ gẅie à zɛté ngie à fuu yé mmó.

Matio 5:42 ပူးပေါင်းရင်းမြစ်များ

Matio 5:41

Mékéle lɔg tʉ̀ sẅɛ́ɛ nyìŋ ngie à kaa pì’ yé, ńdɔg ńgiŋe mmó tà’ kilometà lê gwǒŋ, á lɔg ńgiŋe nà mmó mekilometà méntá.

Lukase 11:41

Ammó gie á ke ḿboŋ ngie pi gÿo gwɔ́ pɔ́ lépí shúm mbòŋo sie ée tsɛ̀ɛ mekáŋ mí, ńnáa mbwo pàtèmmó, pɔ́ jÿó yɔ́b. Pi ge gÿo pú’u, tá ntʉ́m gẅi lêen ńké ńdʉ́a mvfò Ssé.

Roma 12:20

À giŋé ńgɔɔn ngie: «Nzyè lɔɔn ne ńgyáŋa ngàŋ mbù gù ɔ̀ náa mmó á pfɛ́. Nzyè ntse ne ńgyáŋa yé, ɔ̀ ná ntse á nú. Ɔ̀ lɔɔn ńgÿo pú’u, mbà shʉ́ ge kúu yé, à kúbe mà we».

Heber 13:16

Tà pi lege légÿo nò mbòŋo mbɔɔ lélɔgɔ mmó gie pi gẅiin ńkẅéte pʉ̀a, á nue legÿo mɛ̌ menò áa lii pwɔ́’ gie á poŋ Ssé.

Heber 6:10

E Ssé tè gÿo nò gie á té tyé wɔ́. À lɔɔn ńgwɔ́ á le lege mmó gie pi ka gÿo wɔ́, pá’ pi ka kẅéte mefɛ́ pi pʉ̀a Kristo, pi kě ńnyé ńkẅéte wɔ́b kẅéte, á lɔgɔ ńnyɛɛ ngie pi kwoŋ Ssé.

Ŋwà’ne Jâg 1:27

Nyìŋ gẅie e Ssé líe yé á gwɔ́ kwà’ ná nò yé Ssé, tà mmó té ná yé zág, aa nyìŋ gẅie à líe púɔ métsé mbɔɔ mepfɔ̌g tsɛ̀ɛ ngɔ́’ yɔb, ńgwɔ́ nyìŋ gẅie à pɔ́ɔn mbùm ye, ḿbɔ́g menò njÿó lécʉŋte yé.