Matio 5:30 - Nouveau Testament en Ngienboum

³⁰ Àpwó jú ye tʉ̀ lɔɔn ńtsóte gú ɔ̀ fʉa nò, ɔ̀ zá’ ńgwá’a taa ngʉ̀a shʉ̀shʉ̀a. Mvfò ee pá’ ńgwɔ́ tsɔ̌ tà’ ná mekèm mbùm mú pyé, mé piŋ ńké le lá’ ḿma’a gú tsɛ̀ɛ mmɔ̌g wɔ́.

Matio 5:30 ပူးပေါင်းရင်းမြစ်များ

Matio 11:6

Àshÿó mbòŋo aa nyìŋ gẅie à tè kwɔɔnte ná *Míŋ Nyìŋ gwe ssé wɔ́!

Matio 13:21

tá pɔ́ té nyé á lyɛ menŋaŋ ntʉ́m pɔ́b wɔ́, á nue pɔ́ gwɔ́ pɔ́ pʉ̀a lyɛ’ɛ́ lá’. Mé gwɔ́ tà ńzye lékʉ́e wɔ́b, ńnyɛɛ wɔ́b ngɔ́’ mélà’ nò Ssé pɔ́ gwóon ńgwá’.

Matio 16:23

Yěsô sele nnɛ́, ńgɔɔn né Piɛ ngie: Fó nzèm mèŋ ńtsíŋte nnɛ́ me Sátà! Ɔ̀ cʉ’ʉ́ ńtate wɔ̀ɔn taté. Ɔ̀ tě ńkwaŋa pɛ́’ɛ, á gwɔ́ pá’ Ssé ne ńkwaŋa wɔ́, wɛ̂ gwɔ́ pɔ́ nkwaŋá pʉ̀a mesoŋ.

Matio 17:27

Tá’ tà pɔgɔ gÿo nò pÿɔ́g pàkẅé ncùb. Gʉa ntse ḿma’ lezɔ́b. Ɔ̀ ge gwoon ndùŋ mvfò mbab ssó, é nyɛ́’ ncwò we, é gyá pàga nkáb, é kẅile lɔg gʉa ma’ yɔgɔ ncùb.

Matio 18:8

Á lɔɔn ńcʉ́’ gie apwó ɔ́ ka kwò ɔ́ wɔ́, à tsóte ɔ́, ɔ̀ fʉ́a nò, ɔ̀ zá’ ńgwá’ á taataa ngʉ́a shʉ̀shʉ̀a. Mvfò aa gú légwɔ́ kème pwó ka kème kwò wɔ́, ndá’ ńgwɔ́ wó, ńcʉa pá’ à lɔɔn ńgwɔ́, ɔ̀ gẅiin mbwó mú mémbʉ́a ka mekwò mú mémbʉ́a wɔ́, ndá’ ńkúu tsɛ̀ɛ mmɔ̌g gẅie e tě ndá’a ḿbyé wɔ́.

Matio 22:13

Fùɔ leen ńké gɔɔn mbwó mentsìndá pé ngie: Pi kwɛ́ mekwò mé, ńkwɛ́ mbwó mé, ḿma’a yé pí, á tsɛ̀ɛ nzěm. À ge ńnéŋe jʉ’ó ne lʉa, lóŋ we ne ffó

Matio 25:20

Nyìŋ gẅie à la nyé nkáb pàg nkÿo tʉ̀a né yé tó, ńnyɛɛ yé tsɔ̌ pàg nkÿo tʉ̀a, ńgɔɔn ngie: À Ndè ɔ̀ la nyé nkáb pàg nkÿo tʉ̀a né mèŋ, n gÿǒ pàg nkÿo tʉ̀a zébe mǒ.

Matio 26:31

Pɔ́ ne ńgee, Yěsô gɔɔn né pɔ́b ngie: Á ge gÿo gwɔ́ letsẅɛ́’ lyɛ̌’ yɔɔn, pi metsèm pú ńgwá’a wɔ̀ɔn ńkÿo, á pumte pá’ mé la ŋwe’e tsɛ̀ɛ ŋwà’ne Ssé ngie: «Mèŋ n ge lá’ zẅé mbyɛ̀b mvfó, *menjʉ̀njÿò mé saa tsẅɛ».

Matio 5:22

Tá’ mèŋ n gɔ̌ɔn yɔ́ɔn né pi ngie: Nyìŋ lɔɔn ńgyáŋa lóŋ nà fɛ́ we, mé gẅiin lélɔgɔ yé ńgʉa mvfò ntsɔ́’te mentsaŋ. Nyìŋ gẅie à toŋó fɛ́ we lê gʉ̀gʉ̀, mé gẅiin lélɔgɔ yé gẅie à tǒŋ ńgʉa mvfò cú’tè pàsá’a lá’. Nyìŋ gẅie à toŋó fɛ́ we lê tè zsé Ssé, à ku’u nyìŋ gẅie ńgwɔ́ Ssé ma’a yé mmɔ̌g.

Matio 5:29

Lejÿɔ́g shú sé pwó tʉ̀ lɔɔn ńtsóte gú ɔ̀ fʉa nò, ɔ̀ tsɔ́’ ńgwá’a taa taa ngʉ̀a shʉ̀shʉ̀a. Mvfò ee pá’ ńgwɔ́ tsɔ̌ tà’ ná mekèm mbùm mú pyé, mé piŋ ńké le lá’ ḿma’a gú tsɛ̀ɛ mmɔ̌g wɔ́.

Malékuse 9:43

Apwó ɔ́ zɔ lɔɔn ne ńtsóte gú ńnéŋe tsɛ̀ɛ mefʉ̀a, ɔ̀ zá’ ńgwá’, mbòŋo ee gú légwɔ́ kème pwó, tá ńké ńdá’ ńgwɔ́ wó, ńcʉa gú légẅiin mbwó mbʉ́a, tá ḿbiŋ ńkúu tsɛ̀ɛ jʉ’ gie mmɔ̌g ée wó, ńgwɔ́ gẅie é téen ńdá’a ḿbyé tsɔ́ lyɛ̌’ wɔ́,

Lukase 12:5

Tà mèŋ shwóŋó gẅi nyìŋ gẅie pi gẅiin lépɔ́gɔ yé: Pi pɔ́g pɔ́ ndà’ Ssé á nue ngwɔ́ á zẅé nyìŋ, ḿbiŋ ńku’u léma’a yé tsɛ̀ɛ mmɔ̌g. Áa pú’u, tá mèŋ n gɔɔn ngie pi pɔ́g pɔ́ ndà’ Ssé.

Lukase 17:2

Mvfò ee pá’ ńgwɔ́ mé cʉŋe máamáa tóon lóŋ ngàŋ, ḿma’a yé tsɛ̀ɛ mmí, ńcʉa pá’ à lɔɔn ńgwɔ́ mé nyé yé, á gÿo tà tsɔ̌ tà’ ná mecʉ̀cʉ̀ŋ pɔ́ɔn cʉa ná yé tá fʉa nò.

Roma 9:33

Aa tóon gẅie mé la ŋwe’e nò mǒ tsɛ̀ɛ ŋwà’ne Ssé ngie: Ssé gɔ̌ɔn ngie: Mèŋ n ně ńnuŋe tà’ tóon á tÿǒsoŋo Sioŋ, Á gwɔ́ gẅie mé ge kwɔɔnte mǒ. Á máamáa tóon gẅie à ge gÿo mé gwe. Tá’ nyìŋ gẅie à ge záb ntʉ́m wé ná yé, eshʉ́ té ge lá’ kúu yé wɔ́.

1 Korento 8:13

Áa yɛ̌ tá ńgwɔ́ gie n dɔɔn ńjÿó mmó léjÿó, le gwɔ́ gẅie mèŋ n jÿǒ gÿo fɛ́ wɔ̀ɔn gwe ssé, mbà á cʉ́’ gie mèŋ n ké ńgÿo fɛ́ wɔ̀ɔn gwe pɔ́ ssé, n de lá’ ńgíŋe ḿpfɛ́ mbab wɔ́.

Galatia 5:11

Mefɛ́ pɔ́ɔn, n gwé’e ńgíŋe ne sá’a ngie pʉ̀a gÿo mé pú’u wɔ́b, mbà pà Yuda gíŋe ńkʉ́e wɔ̀ɔn mélà’a kɔ́? Mbà le gwɔ́ gẅie Kristo la kwé nà tÿǒ nkǐ à tè gíŋe ńgege wɔ́b gwɔ́.

1 Piɛ 2:8

Ńgíŋe ńgwɔ́ tóon gẅie à ge gÿo mé gwe ssé, á máa tóon gẅie mé ge kwɔɔnte mǒ. Pɔ́ kwɔɔnte mǒ, mélà’mie pɔ́ lʉ’ʉ lé jú’u shwóŋè Ssé. Á ké ńgwɔ́ pɔ́ pá’ Ssé la záb ngie á ge lá’ gwɔ́ pɔ́ pú’u, ná pɔ́b.