Matio 5:3 - Nouveau Testament en Ngienboum

³ Pàshÿó mbòŋo ee pʉ̀a pie pɔ́ zsé ngie pɔ́ ee mvfò Ssé pɔ́ té tsɔ́ mmó ku’, mélà’mie pɔ́ ge gÿo jÿó pì *lefùɔ Ssé.

Matio 5:3 ပူးပေါင်းရင်းမြစ်များ

Matio 11:25

Yěsô gÿo ńgɔɔn ngie: Tá wɔ̀ɔn, Cʉ̀apʉ̀a, gù gẅie ɔ̀ sá’a tÿǒ lepwó mbɔɔ tsetsá’, mèŋ sǐe gú pá’ ɔ̀ keen ńnyɛ mɔɔn menò á mbwó mecʉ̀cʉ̀ŋ, ńdÿoon mbwó mengye pâ pʉ̀a pie é la zí’i.

Matio 11:6

Àshÿó mbòŋo aa nyìŋ gẅie à tè kwɔɔnte ná *Míŋ Nyìŋ gwe ssé wɔ́!

Matio 13:16

Tá á gʉa ná pi, mbà pi ee pàshÿó mbòŋo, á nue nÿɔ́g mí ne ńgyá jʉ’, metuŋó mí ne ńjú’u jʉ’.

Matio 19:14

Yěsô gɔɔn ngie: Pi nyé gubé pɔ́ tó ńkẅɛ́te wɔ̀ɔn, tà pi táte wɔ́b, èpʉ̀a pie ée pá’ gubé zɔ̌ gẅiin nò ná *lefùɔ Ssé,

Matio 24:46

Àa shÿó mbòŋo pá’ tá fà’ we lɔɔn ńgwaa piŋ nzèm, ńgyá á ne fa’a yɛ̌ fà’.

Matio 25:34

Fùɔ leen ńké ńgɔɔn né pʉ̀a pie ée nà gwǒŋo pwó yé ye tʉ̀ ngie: Pi pie tá wɔ̀ɔn kěen ńnéŋ mbʉ́lè ná pi, pi tó ńkúu tsɛ̀ɛ lefùɔ sie e Ssé la lá’ nyɛte ńdɔg ńzẅí’te gẅi tà fó lénuŋe ngwòŋ.

Matio 3:2

Pi kúbe mà gẅi, á nue àfʉ̀’ gie Ssé ge nyɛ lefùɔ sé tsoté tà ne ḿbɔ́ɔnte.

Matio 8:11

Mèŋ n ge zɔɔn gíŋe shwóŋó gẅie ngie: Pʉ̀a tà ńgyɔ́ɔn ge lá’ fó meshÿó meshÿó ndùmo tsetsá’, é tó kúu tsɛ̀ɛ ngwòŋ tÿǒ lepwó, pâ Ábalam, lê Esâg, mbɔɔ Yakwɔ́b temte ńjÿó línɔ́ɔn

Malékuse 10:14

Yěsô gyá pú’u, á té yé poŋ, á gɔɔn né *ngàŋa kwò yé ngie: Pi nyé gubé pɔ́ tó ńkẅɛ́te wɔ̀ɔn, tà pi táte wɔ́b létó, epʉ̀a pie ée pá’ gubé zɔ̌ gẅiin nò ná *Lefùɔ Ssé.

Lukase 11:28

Yěsô pʉŋe ńgɔɔn né yé ngie: Ɔ̀ kɔ’ɔ́ gɔɔn pɔ́ ngie: Pàshÿó mbòŋo ée pʉ̀a pie pɔ́ jú’u shwóŋè Ssé, ńgÿo pá’ á ne ńzɛ́te.

Lukase 18:14

Yěsô ma’a twó yɔɔn nò ngie: Tà mèŋ n ké shwóŋó gẅí, wɔ̀ɔn nkẅè ncùb la gwaa piŋ lê ndá yé, e Ssé tè nyé ne ńda’a yé wɔ́. Tá, ńké ńgʉa ná nyìŋ pà *farisay wɛ̌, e Ssé ké ne ńdá’a yé la’. Áa pú’u, tá ńgwɔ́ gie nyìŋ lɔɔn ńŋá’te nnɛ́, mbà mé ge sẅé’e yé náa ssé, ésẅé’e nnɛ́, mbà Ssé ge pʉ’ʉ yé tÿɔ́g tÿɔg.

Lukase 22:29

Áa yɛ̌ tá, ndʉŋ ndʉŋ pá’ Tá wɔ̀ɔn léen ńná lefùɔ né mèŋ la, n ge lá’ ná sí lefùɔ.

Lukase 22:30

Afʉ̀’ gie mèŋ n ge gwɔ́ Fùɔ la, pege tem shúm ḿpfɛ́, ńnú, pi piŋ ńnéŋe nà melʉŋe lefùɔ, ńŋag ngẅɛ̀ ndá Israel ntsɔ̀b pʉ́a nê legém.

Lukase 4:18

À Zẅìge Cʉ̀apʉ̀a áa ná mèŋ, mélà’mie à la zɔ́’ɔ wɔ̀ɔn, ńtúmo wɔ̀ɔn ngie n gʉa, ńtsẅi Nkʉ̀ Mbòŋo á mbwo megàŋ ngɔ́’, ńtúmo wɔ̀ɔn ngie n gʉa ńtsẅii mbwo megàŋa tsáŋa ncù ngie: Mé ge kẅile wɔ́b, ńtúmo wɔ̀ɔn ngie n gʉa, ńgÿo mefʉ̀ menÿɔ́g gyá jʉ’, ngie n gʉa, ńtág nzèm pʉ̀a pie mé ne sẅɛ́ɛ wɔ́b,

Ŋwà’ne Jâŋ 20:29

Yěsô tsɔ́’ɔ mbwo yé ngie: Ɔ̀ lěen ńké ńzẅíŋ, mélà’mie ɔ̀ gyǎ wɔ̀ɔn. Pàshÿó mbòŋo ée pʉ̀a pie pɔ́ zẅíŋ té zɔɔn ńgyá.

Ŋwà’ne Jâg 1:10

À gẅie aa ngàŋa mmó kág yé á nue e Ssé kéen sẅí’i nzẅìŋ wé, tà á zsé ngie à ge lá’ mag yé pɔ́ pá’ tootǒ maga nà legǐ la.

Ŋwà’ne Jâg 1:12

Ashÿó mbòŋo, aa nyìŋ gẅie ngʉ̀ngʉ̀ kúu yé á tʉte tʉte, á nue pá’ ngʉ̀ngʉ̀ lʉŋté yé á tʉte tʉte lá, e Ssé ge tɔ’ ngú’ twó yé. E lɔgɔ ńgwɔ́ le gwɔ́ tèmì gẅie à la ka’a mbwo wɔ̌ɔwɔ́ɔ gẅie à kwoŋo yé Ssé.

Ŋwà’ne Jâg 2:5

Mefɛ́ pɔ́ɔn pe ntʉ̀ nzẅìŋ, pi jú’ mboŋó, e Ssé la tsɔ́’ pʉ̀a pie mé tóŋo tsɛ̀ɛ njÿó lê mefÿɔg, ńdɔg ńgÿo pàzáb ntʉ́m ná yé tɛ’, pɔ́ gẅiin yɔ́b jʉ’ tsɛ̀ɛ nò lefùɔ sie à la ka’a mbwo pʉ̀a pie é kwoŋo yé.

Ŋwà’ne Ngyà jʉ’ 19:9

Atsɔ̌ *cÿɔ́’ Ssé gɔɔn né mèŋ ngie: Ŋwe’e tsɛ̀ɛ ŋwà’ne ngie pàshÿó mbòŋo ée pʉ̀a pie mé toŋó wɔ́b á jʉ’ʉ línɔ́ɔn lɔ́ɔn ndá mûɔ *Njʉ̀njÿò, ńgíŋe ńgɔɔn né mèŋ ngie: Áa shwóŋè gie á kẅɛ̌ kwà’ ncwò Ssé.

Ŋwà’ne Ngyà jʉ’ 22:14

Pàshÿó mbòŋo ée pʉ̀a pie pɔ́ sɔgɔ menzsǒ mɔ́b tà é lʉ́a, légwɔ́ gie pɔ́ ge ku’ léfó nà mencwò nká’, ńkúu tÿǒsoŋ, ńjÿó ntɔ̌ɔn tÿó ya gie á gÿo mé kwa’ ńgwɔ́ wó.

Ŋwà’ne Ngyà jʉ’ 3:17

Pá’ pi ne ńgɔɔn ngie pi ee ngàŋa mmó, ńgie pi kéen ńgẅiin nkáb tà é gyɔ́ɔn, tà pi cʉ’ʉ́ ńzága tsɔ́ mmó wɔ́ la, pá’ pi ké tè ńne ńzsé ngie pi ee ngàŋ ngɔ́’ tà ńgwɔ́ mé tsɔ́ɔn mezìŋe mí tsɔ̌ɔn wɔ́ la, mbɔɔ pá’ pi tè ne ńzsé ngie pi ee mefÿɔg, ńgwɔ́ pà fʉ̀ menÿɔ́g, ńtyéte té jÿɔ́g nzsǒ wɔ́ la,