Matio 5:22 - Nouveau Testament en Ngienboum

²² Tá’ mèŋ n gɔ̌ɔn yɔ́ɔn né pi ngie: Nyìŋ lɔɔn ńgyáŋa lóŋ nà fɛ́ we, mé gẅiin lélɔgɔ yé ńgʉa mvfò ntsɔ́’te mentsaŋ. Nyìŋ gẅie à toŋó fɛ́ we lê gʉ̀gʉ̀, mé gẅiin lélɔgɔ yé gẅie à tǒŋ ńgʉa mvfò cú’tè pàsá’a lá’. Nyìŋ gẅie à toŋó fɛ́ we lê tè zsé Ssé, à ku’u nyìŋ gẅie ńgwɔ́ Ssé ma’a yé mmɔ̌g.

Matio 5:22 ပူးပေါင်းရင်းမြစ်များ

Matio 10:17

Pi laga twó gí, mélà’mie pʉ̀a mesoŋ ge gÿo sẅiŋe gẅi mé ŋaga gẅí, ńdɔ́g mengwɔ̀ɔn ńcuɔ gẅi á tsɛ̀ɛ *mendá cú’tè mɔ́b

Matio 10:28

Tà pi pɔ́g pʉ̀a mesoŋ, pɔ́ ku’ pɔ́ ndà’ lézẅé nyìŋ, ḿbiŋ ńké tè ku’u légÿo tà ńtɔ́g pú’u wɔ́. Pi pɔ́g pɔ́ ndà’ Ssé, á nue ńgwɔ́ á zẅé nyìŋ, ḿbiŋ ńku’u léma’a yé tsɛ̀ɛ mmɔ̌g.

Matio 12:24

Tá’ pʉ̀a *farisay, jú’ pú’u, ńgɔɔn ngie: Bɛlzebùl, tándá *messé tepòŋ zɔ́ gÿo tá Yěsô ku’u léjwoŋ *messé tepòŋ.

Matio 17:5

Á nyé ńgɔɔn gɔɔn, etsɔ́ melɔ́ɔn, mie é ŋwʉŋe ŋwʉŋe sẅɛ́’ ńkábte wɔ́b, ngyè nyìŋ fó tsɛ̀ɛ wó ńgɔɔn ngie: Wɔɔn aa Míŋ wɔ̀ɔn, mèŋ n kwoŋo yé tɛ’, aa wɔ̀ɔn lekág, pi jú’ ncwò wé.

Matio 18:21

Piɛ leen ńké ńtó ńzɛ́te Yěsô ngie: À Nde, àfɛ́ wɔ̀ɔn lɔɔn fʉa nò mbwó mèŋ, mèŋ n dege ńnáa mbwó yé ngʉ̀a shÿɔ́’ɔ? Ngʉ̀a sɔɔn mbʉ́a kêen

Matio 18:35

Yěsô cʉ́me ńgɔɔn ngie: Áa ndʉŋ ndʉŋ pá’ Tá wɔ̀ɔn gẅie aa tÿǒ lepwó, à ge gÿo nà wɔ̌wɔɔ tsetsɛ̀ɛ pi, pá’ à lɔɔn tè lege mefʉa fɛ́ we nê ngwòŋ ntʉ́m we ntsèm wɔ́.

Matio 23:15

Pi ee pàshÿó tepòŋ, pi pà *farisay lâ pi *pàkyagte lepʉ̌ Mǒsê, pi ee ngàŋ mepàb, pi kag tʉ̀ tɛ’ légÿo nyìŋ gẅie à tè Ssé zsé cʉ́me nzèm pi, tá á ké ńgwɔ́ tà ké cʉ́me nzèm pi, pi zɔ̌ gÿo á cʉ́’ʉ nyìŋ gẅie à ge kú pɔ́ tsɛ̀ɛ tsɛ̀ɛ mmɔ̌g tà cʉa gẅí.

Matio 23:33

Pi ee ngẅɛ̀ mennú, ńgwɔ pà másèm nnú, ńgwɔ́ pí gǎ ńdá’ ńtsó té kúu tsɛ̀ɛ mmɔ̌g?

Matio 25:41

É leen ké gíŋe gɔɔn mbwó pʉ̀a pie ée ná gwǒŋo pwó yé ye kyɛ̀bɛ, é ye: Pi ee megàŋ ndòon, pi fó lejʉ́ŋ mèŋ ńgʉa tà ngʉ̀a sag, ńkúu tsɛ̀ɛ mmɔ̌g gẅie é té ńdá’a ḿbyé wɔ́, é gẅie mé la nyɛte ńtí Sátà paa mecÿɔ́’ pé.

Matio 26:59

*Mentándá pànùŋe pwɔ́’ lâ pàsá’a lá’, é ne fa’a cÿɔ̌ nò gẅie pɔ́ ge zába twó Yěsô tá lɔg gÿo mé zẅé yé.

Matio 3:17

Ngyè fó tÿǒ lepwó ngie: Wɔɔn aa Míŋ wɔ̀ɔn, mèŋ n kwoŋo yé tɛ’, aa wɔ̀ɔn lekág

Matio 5:34

!Tá’, mèŋ n gɔɔn né pi ngie: Tà pi gɔɔn nò tà ńdɔg lezíŋ Ssé ńkʉa. Tà pi lɔgɔ tÿǒ lepwó ńkʉa, á nue aa jʉ’ gie e Ssé ńnéŋe wó

Matio 5:44

!Tá’, mèŋ n gɔɔn né pi ngie: Pi kwoŋ megàŋ mbù pi. [Pi sẅíŋte Ssé nà twó pʉ̀a pie pɔ́ nyɛɛ gẅi ngɔ́’].

Malékuse 14:55

*Metándá pànùŋe pwɔ́’ pâ *petsɔ́ pàsá’a lá’ ne fa’a nò gie mé ge zába twó Yěsô tá lɔg gÿo mè zẅé yé, ńké tè ne ńgyá wɔ́.

Malékuse 15:1

Njÿó gÿo ńne ńdʉ́a, *metándá pànùŋe pwɔ́’, pâ *mekěm mbɔɔ *pàkyàgte lepʉ̌ Mǒsê, pɔ́b *pàsá’a lá’ metsèm mʉ́ mba’ámba’, ńgÿo cú’tè, ńkwɛ́ɛ Yěsô, ńdɔgɔ yé ńgʉa ńnáa mbwo *Pilato.

Lukase 12:5

Tà mèŋ shwóŋó gẅi nyìŋ gẅie pi gẅiin lépɔ́gɔ yé: Pi pɔ́g pɔ́ ndà’ Ssé á nue ngwɔ́ á zẅé nyìŋ, ḿbiŋ ńku’u léma’a yé tsɛ̀ɛ mmɔ̌g. Áa pú’u, tá mèŋ n gɔɔn ngie pi pɔ́g pɔ́ ndà’ Ssé.

Lukase 22:66

Njÿó gÿo ńgwɔ́ tà ńdʉ́a, melÿò tsɛ̀ɛ lá’ pâ *mentá ndá pànùŋe pwɔ́’, mbɔɔ *pàkyàgte lepʉ̌ Mǒsê cú’te, ńtsẅí mé lɔ́gɔ Yěsô ńtóo mvfò pɔ́b.

Ŋwà’ne Jâŋ 11:47

Mentándá pànuŋe pwɔ́’, pâ pà *farisay leen ńtóŋo cú’tè lÿò, ńtóo tsoló ngie: Pege ge gÿo lêkɔ́? Nyìŋ wɔɔn né ńgÿo menò mmɔɔn mmɔɔn tɛ’.

Ŋwà’ne Jâŋ 15:25

Áa pú’u, ńdɔgɔ ḿbumte nà nò gie mé la gɔɔn tsɛ̀ɛ ŋwà’ne *lepʉ̌ yɔ́b ngie pɔ́ ka pʉa wɔ̀ɔn pɔ́ lê sóon.

Ŋwà’ne Jâŋ 7:20

Alá’ tsɔ́’ɔ mbwo Yěsô ngie: Ɔ̀ɔ *ssé tepòŋ! Awɔ̌ ne fa’a lézẅé gú?

Ŋwà’ne Jâŋ 8:48

Epʉ̀a leen ńké ńgɔɔn né Yěsô ngie: Peg lɔɔn ńtóŋo gú ngie nyìŋ Samalîɛ, mbà peg kaa fʉa. Mbɔɔ légɔɔn ngie ssé tépoŋ ee ná gù.

Megàŋ ntúm 17:18

Pâ tsɔ́ *pàkwaŋte nò, la gíŋe ne shwóŋó, pɔ́ gwɔ́ pʉ̀a pie pɔ́ ée nà nùɔ Epikẅire mbɔɔ pie ée nà nùɔ Zenoŋ. Á laa pú’u, Pɔl ne ńgɔɔn nò Yěsô mbwo pɔ́b, mbɔɔ nò ná *lezimé nà legwé. Petsɔ́ ne ńzɛ́te ngie: Wɛ̂ ngàŋa shwǒŋ gɔɔn ngie kɔ́ lɛ? Petsɔ́ ne ngie á gwá’a fʉ̀’e à shwóŋó wégè nò ná tsɔ́ messé mendyɛ̀’ɛ lá.

Megàŋ ntúm 22:30

Njÿó gÿo ńdʉ́a, Tándá metándá ncù fa’a lékwa’ ńnyɛte ńzsé mmó gie pà Yuda ka gwaa sẅiŋe Pɔl, ésẅiŋe ńtí yɛ̌, ńtsẅi mé kyɛ́’ metsɛ̂n ná yé, ńgíŋe ńtsẅi mé tóŋ mentándá pànuŋe pwɔ́’ lâ petsɔ́ pàŋag ntsaŋ pà Yuda, ńdeen ńké ńgÿo mé lɔgɔ Pɔl ńcwóŋ ńtó ńtÿɔ́gɔ yé mvfò pɔ́b.

Megàŋ ntúm 23:1

Pɔl nyɛte ńtÿɔ́g menÿɔ́g mé ná pàŋag ntsaŋ ńgɔɔn ngie: Mefɛ́ pɔ́ɔn, mèŋ n gee ńzɔ́gɔ ńgwɔ́ pɔ́ mvfò Ssé tà ńkú lyɛ̌’ɔɔn. Atsɔ́ mmó té tsɛ̀ɛ ntʉ́m mèŋ ne ńgege wɔ̀ɔn mɔ́,

Megàŋ ntúm 24:20

Kà à lɔɔn ńgwɔ́ pʉ̀a pɔɔn pie ée jʉ’ɔɔn lɔɔn, gɔɔn mmó gie mé ka lɔgɔ wɔ̀ɔn ńgʉa mvfò pàsá’a lá’ pà Yuda pé’è, pàsá’a lá’ ŋwɛ́ gyá ngie mèŋ fʉ̌a wɔ́?

Megàŋ ntúm 4:15

ńdêen ńké ńtsẅi mé gÿo pɔ́ fó jʉ’ʉ ntsaŋ ńkẅɛ. Pɔ́ kwaŋte pá’ pɔ́ ge gÿo,

Megàŋ ntúm 5:21

Pɔ́ jú’ ncwò we. Njÿó lʉ́a, pɔ́ mʉ́ ńgʉa *jʉ’ʉ Ssé, ńzyé lézí’i nò Ssé mbwo lá’. Tándá pànuŋe pwɔ́’ pâ pʉ̀a pé ńnéŋe tà ńcú’te mekěm pà Israel nà nò lésá’ ntsaŋ. Pâ pɔ̌ túm megàŋa fà’ ngie pɔ́ gʉa ndà tsǎŋ éfa’ megàŋ ntúm ńdɔgɔ wɔ́b ńtó.

Megàŋ ntúm 5:27

Pɔ́ lɔg megàŋ ntúm ńtó, ńtÿɔ́gɔ wɔ́b mvfò pàsá’a lá’. Tándá pànuŋe pwɔ́’ zɛ́te wɔ́b ngie:

Megàŋ ntúm 6:12

Pɔ́ gÿo pú’u, ńdɔg sẅite lá’, ésẅite mekěm mbɔɔ *pàkyagte lepʉ̌ Mǒsê, ḿma’a nzèm Etien. Mé lêen ńké ńgwoon yé, ńdɔgɔ yé ńgʉa mvfò cú’tè pàsá’a lá’ pá’ mé ge ŋaga yé.

Megàŋ ntúm 6:15

Pàsá’a lá’ pie laa ndá métsèm lêen ńké ně ńtÿɔ́gɔ menÿɔ́g nà Etien, ńgwaa gyá eshÿó wé cʉ́’ ńgwɔ́ pɔ́ pá’ we *cÿɔ́’ Ssé lá.

Megàŋ ntúm 7:37

Yé zɔ la gíŋe ńgɔɔn mbwó púɔ pà Israel ngie: «E Ssé ge lá’ gíŋe náa tsɔ̌ *ntsẅì nkʉ̀ Ssé né pi. À gwɔ́ pá’ mèŋ. À ge lá’ kẅɛ pɔ́ tsetsɛ̀ɛ pi.»

Roma 12:10

Pi lɔg pá’ pi ee mefɛ́ mefɛ́, ńkwoŋe pi né pi, nyìŋ gẅi à vɔg ńná mekù’ fɛ́ we.

1 Korento 6:6

Tá áa tsetsɛ̀ɛ pi, nyìŋ Kristo lɔgɔ wetsɔ́ ńgʉa jʉ’ gie mé ŋaga mentsaŋ wó, tà á fó ńgwɔ́ pɔ́ mvfò pʉ̀a pie pɔ́ té záb ntʉ́m ná kristo wɔ́.

1 Tesalonika 4:6

Tá á gʉa nà nò manzwě, tà nyìŋ gÿo nò tepòŋ ná fɛ́ we, tà á zɔɔn fó fʉte yé fʉte, mélà’mie Cʉ̀apʉ̀a wege ge lá’ néŋ ngɔ́’ twó pʉ̀a pie pɔ́ gÿo pú’u. Peg la lá’ shwóŋó gẅi tà shwóŋ.

Titus 3:2

Gɔɔn né pɔ́b ngie tà pɔ́ gɔɔn nò tepòŋ né nyìŋ, ńgie pɔ́ pɔ́ɔn mentsaŋ, ńgie pɔ́ gwɔ́ pʉ̀a mbʉ́lè pʉ́lè, ńnéŋe ńná mekù’ wɔ̌wɔ́ɔ.

Heber 12:25

Pú’u la, pi pɔ́ɔn le lʉ’ʉ lézẅí’te nò gie á kẅɛɛ ncwò nyìŋ gẅie à ne ńgɔɔn nò mbwo pi, á nue á lɔɔn ńgwɔ́ gie mé la néŋ ntsaŋ twó pʉ̀a pie pɔ́ la lʉ’ʉ lé jú’u nò gie Mǒsê laa ndùmo ssé tsetsá’ ńne ńkága tuŋó yɔ́b mǒ, mbà pege lɔɔn ńtém nzèm Ssé gẅie aa tÿǒ lepwó, ńne shwóŋó wégè nò, mbà á ge gǎ tá pege e le kú pɔ́ ngɔ́’ gie e tɔ́g yɛ̌ wɔ́.

Heber 5:9

ḿbiŋ ńjú’ tà ńku’u nyìŋ gẅie ńgwɔ́ á gÿo pʉ̀a pie é jú’u ncwò wé pú ńtsẅɛ́ ndà’ ndà’.

Ŋwà’ne Jâg 2:20

Agʉ̀gʉ̀ yɔ́ɔn, ɔ̀ kwoŋo kɔ́? Mèŋ n ge nyɛɛ gú ngie lezǎb ntʉ́m nà Ssé gẅie à tè mefà’ gẅiin áa sẅɛ̀ɛ.

Ŋwà’ne Jâg 3:6

Alʉ́m gíŋe ńgwɔ́ yé pɔ́ mmɔ̌g, ńgwɔ́ jʉ’ gie menò tepòŋ fó wó. Alʉ́m áa nà mekèm mbùm nyìŋ, ńgwɔ́ kèm gie á néŋ ncÿǒ nà mbùm nnɛ́ ntsèm. Á gʉa lepÿé mmɔ̌g, ḿbí mmɔ̌g, ńtó ńdɔg ńtuɔ léneŋe we nyìŋ pɔ́ ntsèm.

1 Piɛ 2:23

Mé la zoonte yé, à tè nzòonte tsɔ́’. À la ne ńgyá ngɔ́’, ńké tè nyìŋ vege, ḿbú ńnyé yé nò ntsèm pɔ́ nà mbwo nyìŋ gẅie à zá’ ntsaŋ ndʉŋ ndʉŋ.

1 Piɛ 3:9

Tà pi lɔgɔ nò tepòŋ ńtsɔ́’ɔ nò tepòŋ. Tà mé zoonte gẅi pi pʉŋe. Tà ńcʉ́’ pú’u, pi gɔɔn ngie e Ssé gwɔ́ nê ngàŋ, e Ssé la tsɔ́’ɔ gẅi pɔ́ pá’ à ge gwɔ́ né pi.

1 Jâŋ 2:9

Nyìŋ gẅie à gɔɔn ngie ngÿǒ menò mé ee me jʉ’e fɔ̌g, ḿbiŋe ne ḿbʉa fɛ́ we, ngàŋ lɔgɔ ńnyé ńgwɔ́ pɔ́ tsɛ̀ɛ nzěm.

1 Jâŋ 3:10

Pi gyá mmó gie mé fó mǒ ńdɔg ńzsé púɔ Ssé, ńgíŋe ńzsé pe Sátà. Nyìŋ lɔɔn tè gÿo mmó gie áa ndʉŋ ndʉŋ mvfò Ssé wɔ́, ńké tè kwoŋo fɛ́ we wɔ́, mbà ngàŋ tè míŋ Ssé wɔ́.

1 Jâŋ 5:16

Nyìŋ lɔɔn ńgyá à fɛ́ we ne ńgÿo nò tepòŋ, á ké tè nò tepòŋ gie ngàŋ ge fó mǒ é kwé kwé wɔ́, á sẅíŋte Ssé nà twó ngàŋ, mbà Ssé ge gÿo ngàŋ gwɔ́ wó, pá’ á lɔɔn ńkwa’ ńgwɔ́ nò tepòŋ gie à tè fó mǒ kwé kwé wɔ́. Tá’, atsɔ́ nò tepòŋ áa wó gie nyìŋ gÿo, éfó mǒ ńkwé kwé, n tě ńgɔɔn ngie mé sẅíŋte Ssé ná yɛ̌ ntí wɔ́.

Jẅide 1:9

Tá mbà Méshÿɛɛ, tándá *mecÿɔ́’ Ssé la tè pú’u gÿo. Á laa lyɛ̌’ gie pɔ́ Sátà la ne ńzoŋo nò ná mbùm Mǒsê, á ké tè Sátà zoonte, ńké tè túu *lɔ̌’ yé ńdɔg ńzoonte yé wɔ́. Tà ńcʉ́’ pú’u, mbà à la gɔɔn pɔ́ ndà’ ngie: Á poŋ ngie Cʉ̀apʉ̀a néŋ ngɔ́’ twó gù.

Ŋwà’ne Ngyà jʉ’ 20:14

Mé lêen ńké ńzé’e legwé mbɔɔ lá’ gie mepfó ée wó, ḿma’a tsɛ̀ɛ lepÿé mmɔ̌g. Lepÿé mmɔ̌g ŋwɛ́ lɔgɔ ńgwɔ́ legwé mbɔ́ɔntè yépʉ́a.