Matio 5:20 - Nouveau Testament en Ngienboum

²⁰ !Áa yɛ̌ tá mèŋ n gɔɔn né pi ngie: Pi lɔɔn té kú’te *lepʉ̌ mbòŋo ńtɔ́g *pàkyagte lepʉ̌ Mǒsê lâ pà *farisay wɔ́, mbà pi tě ńdá’a ńkúu ná nò *lefùɔ Ssé wɔ́.

Matio 5:20 ပူးပေါင်းရင်းမြစ်များ

Matio 16:12

*Ngàŋa kwò Yěsô leen ńké ńjú’ ngie, á kě tě ńgɔɔn ngie pɔ́ pɔ́ɔn *mvòŋ lɔg ńcwoŋte mbelég wɔ́. Á kě ńgɔɔn pɔ́ ngie pɔ́ pɔ́ɔn mmó gie pà *farisay lâ pà *sadukay zí’i pʉ̀a.

Matio 18:5

Nyìŋ lɔg lezíŋ sɔ́ɔn ńkúe mùɔ memúɔ pá’ wɔɔn lɔɔn, mbà ngàŋ kúe pɔ́ wɔ̀ɔn.

Matio 3:10

Mé ně ńzɔɔn ndá’ ńkaa ńzɔɔn lélɔg ńkɔ́’ɔ yɛ̌ yɛ̌ tÿǒ wɔ́ gie á té zém ntɔ̌ɔn mbòŋo wɔ́, éfó ssé kɔ́’ɔ yé, e ké ma’ pɔ́ mmɔ̌g

Matio 7:21

Á gʉa ná pʉ̀a pie é tóŋo wɔ̀ɔn lê Cʉ̀apʉ̀a, pɔ́ metsèm zɔ̌ té lá’ jÿó pì *lefùɔ Ssé wɔ́. Ndà’ pʉ̀a pie é gÿo mmó gie Tá wɔ̀ɔn gẅie aa tÿǒ lepwó ne ńkwoŋo ngie mé gÿo.

Malékuse 10:15

Mèŋ shwóŋó gẅí, kwà’ nénʉ́, nyìŋ lɔɔn tè cʉ́’ pá’ mûɔ mémúɔ, ńzẅíŋ ngie Ssé zɔ cʉ’ʉ́ sá’a yé wɔ́, mbà pɔ́ Ssé té ńdá’a ńteme nò wɔ́.

Malékuse 10:25

Á zeŋe mbwo shÿɔ́ɔ léshúu tsɛ̀ɛ njwòŋ lesyɛ’ɛ́, ńcʉa ngàŋa mmó lézẅíŋ ngie Ssé zɔ cʉ́’ʉ sá’a yé.

Lukase 11:44

Ndòon ee twó pi, pi leen ńgwá’a lesyé té liŋé sie nyìŋ lɔɔn ńgiŋe mǒ, mbà à ge zyɛ́’ nzsè té zsé, é kaa *lɔ̌’.

Lukase 12:1

Yěsô ne shwóŋe pú’u, alá’ ne ńkẅi’i ńkwɔ́’ɔ ńtóo lejʉ́ŋ yé, ejʉ’ sẅɛ́ sẅɛ̌ tà mé ne néŋte mekwò pʉ̀a. Á gwaa gɔɔn nò mbwo lá’, ḿvɔg ńgɔɔn mbwo ngàŋa nkwò yé ngie: Pi laga twó gí, ḿbɔ́ɔn *mvòŋ pʉ̀a *farisay, tà pi cʉ́’ ngàŋ mepàb pá’ pɔ́b.

Lukase 18:17

Mèŋ shwóŋó gẅí, kwà’ nénʉ́, nyìŋ lɔɔn tè cʉ́’ pá’ mûɔ mémúɔ, ńzẅíŋ ngie Ssé zɔ cʉ’ʉ́ sá’a yé wɔ́, mbà pɔ́ Ssé téen ńdá’a ńteme nò wɔ́, ńzẅíŋ *lefùɔ Ssé pá’ mûɔ wɔ́, mbà ngàŋ à tè ku’u lé lá’ ńkúu nà nò lefùɔ ŋwɛ́ wɔ́.

2 Korento 3:9

Á lɔɔn ńgwɔ́ gie nò ná fà’a *lepʉ̌ sie, tà mbɔɔ pá’ é lɔ́ɔn ńgÿo mé kwé kwě á la gẅiin shʉ́shÿɔ́g, mbà anò ná fà’ gie á gÿo pʉ̀a tyé ndʉŋ ndʉŋ mvfò Ssé á ge ké gẅiin shʉ́shÿɔ́g é cʉa yɛ̌,

2 Korento 5:17

Nyìŋ gwɔ̌ tá ńda nnɛ́ ná Kristo, ńcʉ́’ ńgwɔ́ pɔ́ nyìŋ we sẅé, ńgwɔ́ tsɛ̀ɛ ntʉ́m yé à tè gíŋe ńgwɔ́ pá’ à ka zɔɔn ńgwɔ́ wɔ́, mbà à zyě léńnéŋe we sẅé.

Filipo 3:9

légwɔ́ gie mèŋ n ge cʉ́’ gwɔ́ pɔ́ nà mbwo mé, ńgwɔ́ n de gíŋ ngie n gee tè fʉa mvfò Ssé, mélà’mie mèŋ n zsé *lepʉ̌ pà Yuda wɔ́. Mèŋ n gee mvfò yé ńgwɔ́ tè fʉa ńtí pɔ́ nò gie mèŋ n záb ntʉ́m wɔ̀ɔn ná Kristo, e Ssé zɔ gÿo ngie mèŋ n gwɔ́ nyìŋ nénʉ́ pá’ wɛ̌ nyìŋ wɔ́ gẅie à zǎb ntʉ́m wé ná Kristo.

Heber 12:14

Pi fa’ pá’ pia mânyìŋ ntsèm ge ńnéŋe lê mbʉ́lè. Pi fa’ mbɔɔ pá’ pi ge gÿo mmó gie Ssé tè gyá *lɔ̌’ mǒ wɔ́. Á nue nyìŋ lɔɔn ńgÿo mmó gie e Ssé ge gyá *lɔ̌’ mǒ, ngaŋ lelá’ ńgyá Cʉ̀apʉ̀a wɔ́.

Ŋwà’ne Ngyà jʉ’ 21:27

Tá’ atsɔ́ mmó gie ncÿǒ ée mǒ, á té gÿo tɔ́g tà kúu wó wɔ́. Tà mbɔɔ sɔɔn nyìŋ á ná pàgÿo menò ncÿǒ, mbɔɔ nà megàŋa cÿɔ̌ nò. Ndà’ pʉ̀a pie mezíŋ mɔ́b ée tsɛ̀ɛ ŋwà’ne Mûɔ *Njʉ̀njÿò gie lezíŋ pʉ̀a pie pɔ́ gẅiin le gwɔ́ tèmì ée tsoló, ge lá’ kúu wó.