Matio 5:19 - Nouveau Testament en Ngienboum

¹⁹ Pú’u la, nyìŋ gẅie à gʉ̌a nà mbʉ̌, éfó fʉa pɔ́ tsɔ̌ mùɔ métsẅǐ ḿbiŋ ńzí’i tsɔ́ pʉ̀a légÿo yɔ́b pá’ yé, mé ge lá’ náa yé tàa nzèm tsɛ̀ɛ nò *lefùɔ Ssé. À piŋ ńgʉa ná nyìŋ gẅie à tÿɔgɔ́ kwó mǒ, ḿbiŋ ńzí’i petsɔ́ pʉ̀a légÿo pú’u, mé lá’ ńnáa yé tàa mvfò tsɛ̀ɛ nò *lefùɔ Ssé.

Matio 5:19 ပူးပေါင်းရင်းမြစ်များ

Matio 11:11

Yěsô gíŋe ńkẅi’i ńgɔɔn ngie: Mèŋ shwóŋó gẅí, kwà’ nénʉ́, àtsɔ̌ nyìŋ laa zɔɔn ńgwɔ́ wó tà ńtɔ́gɔ Jâŋ Mbabtis wɔ́. Tá á ké yɔ̀ɔn, mbà nyìŋ gẅie à pú ńkɔ́gɔ nà nò *lefùɔ Ssé, mbà á pú fáŋ ńcʉa Jâŋ.

Matio 19:28

Yěsô tsɔ́’ ngie: Tà mèŋ shwóŋó gẅí, kwà’ nénʉ́, mé ge lá’ kúu tsɛ̀ɛ ngwòŋ sẅé, *Míŋ Nyìŋ ńnéŋe nà lʉŋe lefùɔ yé gie á gẅiin shʉ́shÿɔ́g, pi pʉ̀a ntsɔ̀b pʉ́a nê legém pie pi la cʉ́me nzèm mèŋ, gíŋe ńnéŋe gí nà melʉŋ ntsɔ̀b pʉ́a nê legém, ńŋag pʉ̀a Israel, ngẅɛ̀ ntsɔ̀b pʉ́a nê legém

Matio 20:26

Tá á ké te poŋ ngie á gwɔ́ tsetsɛ̀ɛ pi ńgwɔ́ pú’u wɔ́. Nyìŋ lɔɔn ne ńkwoŋo légwɔ́ ndÿò tsetsɛ̀ɛ pi, mbà á póŋ ngie à cʉ́’ʉ menkʉ́ gẅie.

Matio 28:20

ńzí’i wɔ́b létÿɔ́gɔ kwò ná menò ntsèm mie mèŋ n da zí’i gẅí. Pi zsé ngie, kwà’ mèŋ n ge lá’a gwɔ́ pɔ́ tsetsɛ̀ɛ pi tà njÿó lá’ ḿmag.

Lukase 1:15

À ge lá’ gwɔ́ mbwo Ssé é gwɔ́ nyìŋ tɛ’. À piŋ těen ńdá’a ńnúu melù’ wɔ́, tà mbɔɔ kɔ̀ɔkɔ́ɔ gie ńgwɔ́ nyìŋ nú ḿbʉ́a. À ge lá’ zɔɔn gwɔ kẅɛɛ lepfòm má we, mbà Zẅìge Ndʉalʉ̌a léen ńjÿó yé

Lukase 11:42

Pà *farisay, ndòon ee twó pi! Pi gabte shúm nná’ sí tà mbɔɔ nzàb gi nzsè legém, ńnáa tà’ nzsè mbwo Ssé. Tá’, ńké ńdege légÿo nò mbòŋo mbwo pʉ̀a mesoŋ, ńgíŋe ńdege lékwoŋ Ssé. Pú’u, tá yɛ̌ zɔ̌ gwɔ́ mmó gie á ke ne ńzɛ́te ngie pi gÿo. Pi gÿo pú’u, tá ńké le wetsɔ́ gígyé shúm lege

Lukase 9:48

ńgɔɔn mbwo *ngàŋa kwò yé ngie: Nyìŋ lɔg lezíŋ sɔ́ɔn, ńkúe mûɔ mémúɔ wɔɔn, mbà ngàŋ kúe pɔ́ wɔ̀ɔn. Nyìŋ piŋ ńkúe wɔ̀ɔn, mbà à tě ńkúe pɔ́ wɔ̀ɔn ndà’ wɔ́, à kúe pɔ́ nyìŋ gẅie à la túmo wɔ̀ɔn. Pi zsé mboŋó ngie nyìŋ gẅie aa tsetsɛ̀ɛ pi à tè nyɛ nnɛ́ wɔ́ zɔɔ kwà’ ndÿò

Megàŋ ntúm 1:1

Ntʉ́ nzẅìŋ Téofil! Mèŋ n da ŋwe’e mvɔ́g mvfò ŋwà’ne, ńnáa mbwo gù ńdɔg ḿbíte menò mie Yěsô la gÿó, mbɔɔ mie à la la’te mbwo pʉ̀a ta fó nzyète fà’ ye,

Roma 3:8

Nyìŋ gɔɔn pá’ɔɔn, mbà ńgwɔ́ á cʉ́me ngie: Pege gÿo menò tepòŋ ńzsé ngie nò mbòŋo ge kẅɛɛ mǒ. Etsɔ́ pʉ̀a ne shwóŋte nà lezíŋ sɔ́ɔn ngie mèŋ n zɔ gɔ̌ɔn pú’u. Pɛ̌ pʉ̀a ee pʉ̀a pie e Ssé ge gÿo ŋaga wɔ́b.

Roma 6:1

Tà à pá’ɔɔn pege gÿo lêkɔ́? Pege ké ńkẅí’i ńgÿo pɔ́ nò tepòŋ légwɔ́ gie e Ssé ge lɔgɔ lélege mefʉa wege, mé kwa’ ńgyá pá’ à ne ńcÿó gem pʉ̀a keen?

Roma 6:15

Pú’u, ńdɔgɔ ńgɔɔn ngie kɔ́? Mé lɔgɔ ńgɔɔn ngie pege gÿo menò tepòŋ, á nue pege cʉ’ʉ́ ńgiŋe ná mánzsè *lepʉ̌ wɔ́, ńcʉ́’ʉ ńgiŋe pɔ́ ná gẅie e Ssé cʉa mǒ ńcÿó gem yégè, ńdɔgɔ wégè ńgÿo pʉ̀a pé keen? Ngǎŋ ńgwɔ́ pege le pú’u gÿo.

1 Timote 6:11

Á ké ńgʉa ná gù gẅie ɔ́ɔ ngàŋa fà’ Ssé, ɔ̀ ne ńkÿo mɛ̌ menò tepòŋ, ńne ńkaga tʉ̀ ńgÿo pɔ́ menò mie é tyé ndʉŋ ndʉŋ, ḿbiŋ ne ńjú’u pɔ́ ndà’ ncwò Ssé, ńne ńzába ntʉ́m gú ná yé, ńne ńkwoŋo nyìŋ mesoŋ, ńne ńtʉte tʉte nzèm Ssé, ńtyé nà yɛ̌ nò wɔ́, ńgẅiin pɔ́ kwɔ́gɔ nnɛ́.

Titus 3:8

Menò mɔɔn ée jʉ’ó ńgwɔ́ pú’u. M bíŋ ne ńkwoŋo ngie ɔ̀ cwoŋo shwóŋó wɔ́b mboŋó, ńzsé ngie pʉ̀a pie é zǎb ntʉ́m nà Ssé pɔ́ ge kag tʉ̀ légÿo menò mbòŋo lékwɔgɔ nnɛ́, à gwɔ́ pú’u, ńgwɔ́ mboŋó, ḿbiŋ ńgwɔ́ mmó gie á kẅéte pʉ̀a mesoŋ.

1 Piɛ 5:4

Pi lɔɔn ńgÿo pú’u, mbà á ge lá’a lyɛ̌’ gie mbyɛ̀b mvfó we lÿò tǒ, à tɔ’ ngú’ twó pi, é gie nzẅìŋ we téen ńdá’a ḿmaga wɔ́.

1 Jâŋ 3:4

Nyìŋ lɔɔn ńnéŋe ńgÿo nò tepòŋ, mbà ngàŋ lʉ’ʉ légiŋe ná *lepʉ̌ Ssé, à nue legÿo nò tepòŋ aa lelʉ’ʉ légiŋe ná *lepʉ̌ Ssé.

Ŋwà’ne Ngyà jʉ’ 2:20

Tá’, mèŋ n ké ńne ńda’a gẅí, á nue Jizabel aa lejʉ́ŋ pi, pi zẅíŋe zẅǐŋ. Mánzwě áwɛ̌ ne shwóŋó pʉ̀a ngie à tsẅii nkʉ̀ gẅie éfóo mbwo Ssé, ńdɔgɔ pú’u, éfʉte ngàŋa fà’ yɔ́ɔn, ńne ńzí’i wɔ́b pá’ mbàŋa lâ pànzwě tsetsɛ̀ɛ pɔ́b lɔɔn ńkẅɛ́te wɔ̌wɔ́ɔ pâ pɔ̌ nuŋe nuŋe, mbɔɔ lépfɛ́ɛ pfwɔ́’ɔ mbab gie mé lɔ̌g ńgwá’ messé.